انا كتال روحي منين اجيب الثار
نغمة الفراق
• • •
شكد مشتاكلك لو تدري
جا رديت
انا بكد ما نذرت الدرب واحد صار
من البيت لأهل البيت
انا البالصدى وما صار حجيه اثنين
شجاني وبالمعاتب يمك انهزيت
• • •
ضي
نزعت الشفقه ونزلت الماسك
غيث بضحكه : ضيي
ضي : لا خيالها
غيث : ولج انتي غير رحتي شجابج هناا ؟
ضي : جابني الشوك
غيث : اشلون عرفتيني هنا
ضي : اممم مراقبتك مثلا
غيث : مراقبتني ؟
ضي : عمي شبيك شراقب منك
بس شفتك ونزلت
وهسه ناوين تعوفوني واكفه وين الكرم يولي على الاقل أنطوني مي
غيث : انطيج ماي عيني
جابولي مي كعدت
غيث : اي شنو هاي السفره والرجعه القصيرة والرسائل
الصرتي يوميه تتركين وحده
ضي : عندي طبع من اتعب اترك كلشي وراي واروح
غيث : يعني بعد رجعتي
ضي : لا بس اليوم باجر ارجع
غيث : لعد ليش رجعتي
ضي : روح تمرضت ورجعت علمودها على فراكي
واكو ناس حليانين بافراكي ( بشقه )
غيث : ها يعني تعترفين صاير حلوو
ضي : اممم المهم شكو ماكو
غيث : انتي شكو ماكو شلون عايشه
ضي : يعني اروح ادرس وارجع للشقه اكمل دراستي
بعدها انام وبس هذا جدولي مرات اطلع للمول وارجع ما اروح بعيد وما صادقت ابد تدريني ما احب اكون هواي علاقات وبس ماكو اي شي ..
غيث : شكد صار عمرج ؟
ضي : صفنت امم ١٣ ونص
غيث : ١٣ وشيب مو راهمه
ضي : يله انا اترخص
غيث : وين رايحه ؟
ضي : اروح للنجف حتى بعد ارجع هنا
غيث : هز رأسه بتفهم
كمت شلت الجنط توجهت للنجف لحرم امير المؤمنين
كملت زياره وطلعت للمقبرة زرتهم وكعدت يمهم سولفتلهم كلشي عاتبتهم ورجعت البغداد جانن الساعه ب ١١ خابرت همام وفتحلي الباب طلعت كبل لغرفه روح فتحت الباب لكيت ليث يمها يمسح على شعرها بهدوء
ضي : هلوو
ليث : هاا ضي هاي انتي
ضي : اي اني بس صوتك نصيه لا تكعد
ليث : انا راح اعوفجن وحدجن ديري بالج عليها
اشرتله على عيوني راح وسد الباب
الصبح اجني بنات مهيمن
ليان : ضيوووو
ليال : عمتو شلونج
اجني بوسني وكعدن بحضني ما تركني لمن اكتفن وحدهن والنور والنيزك كل واحد كاعد من جهة
لليل ماكن البنات اني اخذت غراضي ورحت
وصلوني الولد صعدت بالطيارة ونمت لان البارحه كله بس سهر وسفر
عودة للحاضر مرت سنه وثمانة اشهر على هذي السفرة وبعدها ما سافرت اكتفيت بالاتصالات وهمات جنت كلش مشغوله دراسه وشغل
انتبهت على شي يتحرك يم حاوية النفايات
تقربت وجان اشوفه طفل يطلع عمره ايام
ايه من الجمال اكثر شي جذبني اله عيونه
جانت نسخه عيون جود اكو شي بداخلي تعلق بيه
لارا اول ما شافته دمعت
أخذته بيدي
لارا : وين ماخذته ؟
ضي : راح يبقى عندي اني اربيه هذا ابني من اليوم
شنو ذنبه يعيش مشرد وهوه ما عنده غير ايام
شلته بيدي ورحت للمول اشترينا ملابس وحفاضات وممات وووو .. اخير شي رحنا لبنية صيدلانية وسألناها شنو نحتاجله وهيه انطتنا احتياجاته ورجعنا للبيت بقى اول يوم جان الليل كله يبجي وما يكدر
يسكت وينام فتحت كاميرا ويه البنات وكعدن عماتي يعلمني عليه البنات الي بالشقه تضايقن من صوته
ثاني يوم أخذته غطيته وطلعته وياي أجرنا شقه النا
وأثثتها جنت جامعه مبلغ كلش حلوو وهسه اجه وقته
خليت غرفه الي واله
وغرفه ادرس بيها جان بيها صاله وحمام مرتبه وصغيره على كدنا مكانها امان يعني الوضع كلش حلوو
بس بقت شغله وحده من اروح للمدرسه هوه وين يبقى واذا ردت احطه بحضانه لازم اطلعله هويه بعدها فكرت اتصل بهمام عنده رقم المربيه مالتنا حتى هيه تجي وتساعدني عليه
جنت بوقتها توني داخله ال ١٥
صدك اسبوع وبعدها اجت صارت هيه تعتني بينا اثنينا
تطبخ وتنظف وتعتني بالطفل
راضيه : حبيبتي ضي شنو راح تسميه
ضي : اسميه ... أسر
راضيه : حلو اسمه بس باسم منو تسجليه
ضي : ما ادري والله
راضيه : الله كريم الله يعطيج على كد نيتج
ضي : شكرا حبيبتي ما انسالج افضالج علينه
انتي تعبتي بينا وربيتينا كلشي زين نسويه راح يرجع أجره الج لان انتي علمتينا
حضنتني وبجي
راضيه : رحم الله ذاك الاب الطيب
اجتي تنزل دمعه كبل رجت للغرفه بدلت ورحت للمدرسه كعدت اراجع كلشي فاتني بعدها كملنا الدروس
لارا : ضي شنو سميتو النونو
ضي بابتسامه : اسمه أسر
لارا : الله شكد حلوو
رجعنا للبيت
لكيت اتصالات من رقم عراقي غريب
فتحت خط
لواء : الووو ضي ؟
ضي : اي الو منو وياي
لواء : اني لواء
ضي : هاا اي شلونك لواء شخبارك
لواء : ضي هواي طولتي لمته تجين
ضي : امم مبين مشتاقيلي
لواء : يا مشتاقين غير جدي دمرنا دمار لمته ما اكله
خلي نتزوج يصيح من تجي ضي
ضي : اممم لعد حضر حفلة زواجك الشهر الجاي
لواء : صدك يعني راح تجين
ضي : لعد شعبالك بس بس ٣ ايام اجي وارجع عندي دوام والتزامات
لواء : هيه اهم شي تجين ..
ملاذ
جنت رايحه لغرفه لواء سمعت آخر كلمات كالها
بالاتصال مالت ضي
فتحت الباب ودخلت والدمعه بعيونه
ملاذ : منو الي اهم شي تجي
هاا لواء تخوني ليش هيج والله انا احبك
لواء : اي شسويله شكد صار اكلج على العرس وما ترضين وهسه من خنتج بجيتي
طلعت من يمه اركض
جانو جدي وابوي وعمامي وولدهم كلهم كاعدين
طبيت يمهم ابجي
إبراهيم : ها بابا شبيج تبجين
ملاذ : بابا لواء يخوننيي
كامو اخواني وكالو شنوو
اجه لواء سكران من الضحك
سليمان : لواااء شنو الي كالته ملاذ
لواء : والله جنت احجي ويه ضي وكالت حضر زواجك واني بالعرس يمكم ابقى ٣ ايام
كتلها اهم شي تجين هيه اجت يمي تكلي تخوني
عاد اني كلت اشاقه وياها شويه حرام ؟
سليمان : لمته كالتلك ضي تجي
لواء : كالت حضر روحك الشهر الجاي اني يمكم
ملاذ بصدمه : شنوووو شنو الشهر الجاي وين الحك
لواء : عادي حبيبتي تلحكين وامج وامي وياج
الناس تحضر بأيام انتي شهر ما راضيه
باوعتله بطرف عيني ورحت
دخلت للغرفه اني بين السعاده وبين الحزن والفرح والتوتر مشاعري متخربطه ضليت ربع ساعه رحت للواء ركض
فتحت الباب وحجيت قبل لا اباوع
بيبي شنو هاي السرعه
انتبهت ان لواء لابس بس بنطرون وصدرة عاري
بقيت صافنه جسمه حلوو حيل هوه بدأ يتقرب عليه
سد الباب من وراي وقفله حضني كلش حيل
كضني من خصري بتملك
وحجه بصوت لعوب : شنو هاي الي بسرعه
ملاذ : هااا
قدم رأسه عليه وقبلني بلذه واستمتاع
استمر يطبع قبلاته على وجهي ونحري
شالني وخلاني على سريره اخذني الحضنه وعصرني بقوة
لواء : ليش ما تريدين نتزوج
معقوله انتي ما تحبيني ؟
ملاذي ليش هيج تسوين بكلبي
ومن سمعتي كلمه وحده فكرتي اخونج
حبيبتي ليش هيج تسوين
خلي نتفاهم هسه احسن
ملاذ : لواء والله اني احبك حيل
بس اكو خوف بداخلي شي بداخلي يكلي
اذا تزوجت راح تفقدين مستواج وما تحققين احلامج
شي بداخلي يكول اذا تزوجتي هسه راح تتعبين لواء وتهملينه وبنفس الوقت خايفه من هواي شغلات
لواء : حبيبي بالنسبه المستواج معقوله اخليج تنزليه وانا موجود اصلا راح نتساعد بكلشي تره ماكو فرق بس جنتي تنامين بغرفتج هسه تنامين بغرفتنا وبحضني حبيبي ما يحتاج خوف ملاذي نو عيوني
انتي راضيه تصيرين زوجتي ؟ ..
