(38)
ခန္ဓာကိုယ်တစ်ခု လုံး ကိုက်ခဲစွာနိုးလာရသည်၊ ဆေးသောက်လိုက်ရင် သက်သာမယ် ထင်ခဲ့တာ ၊ အခုပိုတောင်ဆိုးနေသလို၊ ထက်အားယူကာထလိုက်ရင်း ကျောင်းဆီသွားဖို့ ပြင်ဆင်ပြီး မမအတွက် မနက်စာ ထမင်းကြော်ပြင်ပေးပြီး ထွက်လာခဲ့တော့သည်။
နာကျင်မှုဒဏ်ကြောင့် လူက သိပ်မဟန်ချင်၊ စိတ်ကိုထိန်းကာ ပြင်ဆင်လိုက်ပြီး ကျောင်းကိုသွားတဲ့လမ်းမှာ ထက်ပိုင်ကိုတွေ့တော့ သူမ စိတ်တွေတိုသွားရသေးသည်၊ ထက်ပိုင်က တော့ သူ့ကို မမြင်၊
ကျောင်းရောက်တော့လဲ ဟန်လေးက ညက ဘယ်လောက်တောင်သောက်ထားသည်မသိ မျက်နှာက ဖောင်းအစ်လို့နေသည်။
" ဟိုကောင် ၊ မင်းညက သောက်ပြီး မအိပ်ဘူးလား။"
"အင်း နည်းနည်းနောက်ကျသွားတယ်၊ ထက်ရော အဆင်ပြေရဲ့လား၊ ကြည့်ရတာတော့ မဟန်ဘူးနော်။"
"ပြေပါတယ်ကွာ၊ ဆေးသောက်ထားတယ်။"
"နားလိုက်မလား။"
"ရပါတယ်။"
အလုပ်သမားတွေရောက်လာမှစ ရမှာဖြစ်တာကြောင့် ဟန်လေးရဲ့ ဆုံးဖြတ်ချက်တွေ ထက်ကို ပြောနေမိသည်။ထက် က ပြုံးလိုက်ကာ
" ငါ ပြောတဲ့စကားတွေက အလကားမဖြစ်ဘူးဘဲကွ ...ဟမ်။"
" ကျွန်တော် မမနွေးကို မရရအောင်ယူမှာ ထက် ၊ ကျွန်တော် ဆုံးဖြတ်ပြီးပြီ၊ သဘောမတူရင် ခိုးပြေးမယ်။"
"ဟ ဟုတ်လှချည်လား၊ မင်း မျက်နှာမှာ အားသန်မှုတွေပေါ်နေတာဘဲ၊ ကြိုက်တယ် ငါ့ကောင် ၊ မင်းမှာ လိုနေတာ စိတ်တစ်ခုဘဲ၊ ကျန်တာ ငါအကုန်စီစဥ်ပေးနိုင်တယ်။"
ထက်စကားကြောင့် ဟန်လေး ပြုံးရုံသာပြုံးလိုက်သည်။
တယောငယ် နိုးလာတော့ စားပွဲပေါ်မှာ ပြင်ပေးထားခဲ့တဲ့ မနက်စာ ကို ကြည့်ကာ ပြုံးလိုက်သည်။
ပန်းကန်အောက်က သူသွားပြီးဖြစ်ကြောင်းရေးထားတဲ့ စာ ကိုမြင်တော့ သွားဖြူဖြူ လေတွေ ပေါ်အောင် ရီလိုက်ရင်း ...
တို့ ကိုအလေးထား တာကို သိပ်သဘောကျတာဘဲ မောင်...။
# # #
YOU ARE READING
တောရိုင်းပန်းတို့မညိုးစေချင်။
Hành độngဝေးကွာရခြင်း... ထိုဝေးကွာရခြင်းကို ချစ်ရတဲ့သူကဘဲ ရွေးချယ်ခဲ့တဲ့ နောက်ပြန်မလှည့်ခြင်းတွေ... ဖခင်ဖြစ်သူ ရဲ့ရည်မှန်းချက်နဲ့ တောရိုင်းပန်းတွေကို မညိုးစေချင်ခဲ့တဲ့ တယောငယ်ဆိုတဲ့ ဆရာ၀န်မလေး... ဘယ်လောက် ဘဲ ဝေးမဲ့လမ်းတွေလာပါစေ ချစ်ရသူအတွက်ဆို ပင်လယ်ကိုလည်း...
