[If I met you first]​​​ COMPLETE✔️

ភាគ២:ទុកជាប់ខ្លួនទៅ!

ឡានដឹកទំនិញបើកមកក្នុងល្បឿនលឿន បោះពួយសម្តៅមករកអ្នកដែលឈរកណ្តាលផ្លូវទាំងមិនងាកគេចចេញទៅណាសោះ។ វិនាទីដែលថេយ៉ុងគិតថាគេនឹងស្លាប់ហើយបែរជាត្រូវបាននរណាម្នាក់ទាញកញ្ឆក់រាងកាយគេមួយទំហឹង មកផ្លូវម្ខាងទៀតដែលទំនេរហើយក៏ព្យាយាមអូសគេត្រណាត់ត្រណែងមកគែមផ្លូដើរវិញដែលមានឡានគេចតទុកចោលនៅក្បែរនោះ

"ចង់ស្លាប់ណាស់ឬយ៉ាងម៉េច?បានឈរអោយឡានបុកនឹង!!! "ថេយ៉ុងងើយមើលមុខមនុស្សប្រុសដែលអូសគេចេញមកមុននេះ ទាំងទឹកភ្នែកសស្រាក់អោយអ្នកដែលស្រែកស្តីអោយមុននេះក៏ស្ងាត់វិញសម្លឹងមើលមនុស្សខ្លួនតូចចំពោះមុខ ដែលមានសភាពពិបាកមើលខ្លាំង មានស្នាមពាសពេញរាងកាយ មុខក៏ជាំមានឈាមទៀតទៅត្រូវនឹងស្អីមកទើបដល់ថ្នាក់នេះ?

"សុំទោស..."ថេយ៉ុងបន្លឺតិចៗឡើងមក អាចថាតាមពិតទៅមិនបានមានបំណងចង់ស្លាប់នោះឡើយគ្រាន់តែមុននេះគេរំជួលចិត្តជាមួយហេតុការណ៏ដែលកើតឡើងក្នុងជីវិតច្រើនពេកទើបនៅឈរធ្មឹងកណ្តាលផ្លូវភ្លឹកគិតពីរឿងទាំងនោះ

"Hey​​....អូខេឬអត់ហ្នឹង? "បុរសនោះសួរម្តងទៀតពេលឃើញថេយ៉ុងនិយាយសុំទោសតែមួយម៉ាត់ហើយក៏ឈរធ្មឹងសម្រក់ទឹកភ្នែកដូចមនុស្សគ្មានវិញ្ញាណក្នុងខ្លួន ឃើញបែបនេះហើយគេក៏មិនដឹងថាត្រូវស្តីអោយរឿងមុននេះយ៉ាងម៉េច ព្រោះបើតាមមើលទៅអ្នកចំពោះមុខក៏មិនមែនចង់សម្លាប់ខ្លួនឡើយ

"....."ថេយ៉ុងភ្ញាក់រហ័សលើកដៃរងខ្លួនឯង បង្ហាញកាយវិការខ្លាចៗពេលអ្នកម្ខាងទៀតគ្រាន់តែហូតកន្សែងពីហោប៉ៅលើហុចអោយគេសោះតែខ្លួនបែរជាស្មានថានាយនឹងលើកដៃវ៉ៃខ្លួនទៅវិញ​

"អូហ៏!គឺ​...ខ្ញុំមិនធ្វើអ្វីឯងទេ គ្រាន់តែហុចកន្សែងអោយជូតឈាមនិងទឹកភ្នែកលើមុខនោះចេញ"គេក៏ហាក់ភ្ញាក់ផ្អើលពេលឃើញកាយវិការរបស់ថេយ៉ុងបែបនេះដូចគ្នា ឃើញសភាពថេយ៉ុងបែបនេះធ្វើអោយនឹកឃើញដល់មនុស្សម្នាក់ខ្លាំងណាស់

ថេយ៉ុងមិនមាត់តែក៏ទទួលយកមកជូតសម្អាតមុខរបស់ខ្លួនឯង រាងភាំងបន្តិចពេលលឺពាក្យបន្ទាប់របស់គេ

"មើលទៅខ្លួនឯងមានរបួសស្នាមច្រើនណាស់...តើមានរឿងអីកើតឡើង?ត្រូវការអោយខ្ញុំទៅប្តឹងប៉ូលិសអោយទេ? "ថេយ៉ុងគ្រវីក្បាលបដិសេធ ដឹងច្បាស់ថាបើប្តឹងទៅក៏មិនមានអ្វីប្រសើរឡើងមកវិញឡើយ