فاتت الايام ولجين على نفس الحال تكتب غي في حصة البروف هارون خاطر كيما قالتلها اشراق" حطك في راسو وادعي ربي مايصفركش" كانت تخاف منو بالاخص كي قالتلو هذيك الهدرة كي تلاقت بيه اول مرة وباقي الحصص ياتكونيكتي يا تتمسخر ياراقدة... ايا في نهار كانت مريحة في بيتها وحالة اغنية"معقول" وتغني معاها وحالتها حالة دخل باباها بلا ماتفيق بيه كان يهدر وهي مش تسمع فيه كامل غي كي حبست الغناية
لجين: باباتي راك هنا كنت نسمع في الغناية ماسمعتكش
سي عمران: معليش يابنتي عندي هدرة معاك نقدر نهدر درك والا نأجل الموضوع
لجين: ارواح بابا بلا ماتسقسي تفضل
سي عمران: شوفي بنتي راكي كبرتي وانا نحب صلاحك ومانيش دايملك الدوام لله وحبيت قبل مانموت نتهنى عليك... هدرت مع عمك موح عندو ولدو ماشاء الله عليه طاهر ونظيف وخدام وخممنا نزوجوكم منها هو يتهنى على ولدو وانا نتهنى على بنتي ومحسوب عمك موح خويا ومانتهنى عليك غير تحت جناحو وجناح ولدو قلت نسقسيك الا موافقة نعطوهم خبر للجماعة مع اني عطيتهم خبر مي لازم نتأكد
لجين: بابا قلت على لافاك وراني نقرا مي كيفاش هاذي نتزوج هك... موحال
سي عمران: راني نشوف في قرايتك النهار كامل ونتي تلعبي جامي شفتك رافدة كراس والا تراجعي مايصلح معاك غير الزواج هو لي يردك مسؤولة وماتعانديش بزاف ماتقوليلي والو خمي بعقلك ورديلي الخبر عندك كامل الوقت
خرج باباها وخلاها تخمم مي تخمامها ماطولش بزاف حتى لوكان تمت الخطوبة كاين الف حل باه ماتمش على خير
دخلت للكونت ديالو وقعدت تشوف في تصاورو
لجين: روح الله لا تربحك يالي خطبتني كنت مريحة جاي تكسرلي في راسي مي نوريلك في احلامك تتزوجني... شفت حبيبي حابين يبعدوني عليك جامي نسمح فيك بيدري مانبدلكش برجال الدنيا(بيدري لاعب برشلونة وديديكاس لكل برشلونية تقرا في حكايتي كل برشلونية ملكة❤💙) وكملت تغني:
معقول ما نعود أحباب
نمرق متل الأغراب
ولا نبقى سوا
ولا نبقى سوا
ياما قالوا الهوى غلاب
ولا مرة حسبنا حساب
نبعد يا هوى
يا هوى، يا هوى
مش محتاجة تخمم هذا الموضوع لا نقاش فيه
مي لي صار عكس توقعاتها باباها ضغط عليها بزاف حتى قالت ايه مي عندها خطط اخرى اكيد ماهيش رايحة تتزوج بالطريقة هاذي وباباها بطبيعة الحال رد الخبر للجماعة وحددوا نهار الخطوبة ولي كان بعد سمانة
وجاء اليوم الموعود والكبير
لبست robe باللون الازرق الملكي كانت مستورة وكلاس معاها طالون بيج مش عالي بزاف خاطر هي طولها مليح وشعرها ظفرت خصلتين والا ثلاثة والباقي مطلوق مع شعرها رطب وطويل الله يبارك خرجت بوبية ومادارتش حتى قطرة مكياج... دخلت اشراق لي كانت تشوف في اهل الطفل كانوا جاو ودخلوا للصالون وتقول في قلبها ان شاء الله ماتتجلطش لجين كي تشوفو
اشراق: الله يبارك خمسة وخموس على البوبية ديالي درك كيفاش تقنعيه السيد يبطل الخطوبة وهو رايح يشوف الزين هذا كامل
لجين: والله يبطل بلا جدو.... انا مانقدرش نقول لالا لبابا مي هو يقدر.... ندفعلوا دراهم الدنيا الا حاب المهم يبطل وزيد راهو ولد عمي موح اكيد ناس ملاح ومتفهم كي باباه
اشراق: ان شاء الله مي ماظنيتش
لجين: علاش انتي تعرفيه السيد؟؟
اشراق: آه نن مي كنت نطل عليهم كي جاو وشفتو شوية الا كان هو بلاك خوه معلباليش
لجين: مايهمنيش مكانش خير من بيدري حبيب قلبي
اشراق: ايا سكتينا قاتلو بيدري وشكون سامع بيك وبيه بيدري تاعك
لجين: تحقري فيا معلبالكش بالطفلة لي راحت تشجع في لاعب رجعت مرتو في ليلة ونهار... مام انا زوجة بيدري وراكي معروضة لعرسنا من درك
اشراق: اهبطي اهبطي الجماعة راهم يستناو فيك درك انا نسبقك ونجيبلك القهوة ونتي دخليها وسلمي عليهم ومكالاه تخافي وترعشي وزيدي ماتجيبيش العيد معاهم يرحم باباك نعرف فضايحك مايخلاصوش
لجين: وعلاه نخاف ههههخخخ زعما جايين ياكلوني عندي خطة رايحة نفذها ونجي خارجة
كان هذا حديثها قبل ماتدخل وصلت قدام الباب بدات ترعش
لجين: اشرااق ازربي احكمي الصينية رايحة تطيحلي
اشراق: ياخي قتلك ماتخافيش
لجين: نتي وترتيني كنت كالم ولباس عليا اصبري نمسح يديا عرقوا
أنت تقرأ
سلطة القلب(باللهجة الجزائرية__مًکْتٌـمًلَةّ__)
Randomكرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
