كرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
ناضت الصباح تقلبت في الفراش خزرت لجيهتو مكانش شافت الساعة لقاتها بقات تقريبا ساعة على وقت لافاك توضات وصلت الفجر وهبطت شربت قهوتها خرجت تطل بطراف صوابعها لقاتو يخدم ويشرب في القهوة لجين: سم ان شاء الله رجعت لبيتها رفدت لبستها دوشت وفحفخت روحها بالبرفان كالعادة اول مرة تمكيج مالغري ماتحبش الميكاب بزاف مي الحاجة لي تخلي هارون يهبل تعملها كملت وخرجت تهبل دارت مكياج ترابي مي برزلها جمالها الفاتن اكثر طبعت بوسة لروحها في لمراية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لجين: علابالي بيك قوية لجين متخلي حتى بنادم يتقوى عليك رفدت صاكها وخرجت كان في الطوموبيل لابس نواظرو ومن التالي اماني يستنو فيها مي هي طفتهم شغل ماشافتهمش كامل وكملت تمشي بكل ثقة عيطتلها اماني وقفت وتلفتتلها اماني: لجين ارواحي نروحو مع بعضنا لجين: لالا صحا انا نروح في الكوس احسن قحرتلو وقحرلها تقحيرة تاع موت هبطت نواظرها وكملت تمشي هارون: واش حاسبة في روحها هاذي... انا الغالط لي نستنى فيها كلو من تحت راسك انتي اماني: واش دخلني انا نتا الغالط لبارح.. هارون: بلعي مانحب نسمع والو على لبارح اماني: مي هارون: قتلك صاي اسكتي... ديجا شوف واش لابسة اماني: عادي لبستها كلاس تهوبل هارون: انتي تاني البسي كيفها كي عجباتك اماني: لوكان جيت سيفيلزي نلبس هك علابالك لوكان تقارن بين لجين وطفلة سيفليزي غيرها تلقى بلي لجين اغلبية لبسها مستور هارون: يابنتي بلعي حطاتك محامي دفاع تاعها والا واش رفدت روحها وهبطت من الطوموبيل اماني: انا تاني نروح في الكوس مع لجين احسن من نروح معاك وانت من الصباح بلعي واسكتي حاب تسمع غير صوتك باي
قعد يعيطلها مي هي راحت تجري لحقت لجين لي كانت باه تدخل للمكتبة... شرات كراريس واقلام جدد درك وقت الانتقام من سي هارون اما هارون مكانش معصب من ختو كان معصب من لجين على لبستها وكيلو المكياج لي دارتو (هي دايرتو خفيف غي برز جمالها) ومايقدرش يسالها ولا يقوللها بدلي بعد عركتهم لبارح
المهم فاتو ايام ولجين رجعت تقرا قلب ورب عرفت بلي احسن انتقام من الاستاذ هو النجاح رجعت معلابلهاش كامل بيه تلبس وتمكيج وتخرج وقت ماتحب... وهو متحمل وساكت مي مزال شوي ويطرطق من نهار عركتهم ماهدروش مع بعضهم
ناضت الصباح كالعادة لبست وهبطت كانت اماني تستنى فيها راحو في الكوس كانوا شلة تاع بنات يهدرو 1: شفتو البروف هارون تزوج 2:شفتي ياك عندها الزهر مرتو زهر الدنيا كامل داتو هي دخلت بيناتهم لجين لجين: ماعندها زهر ماوالو استغفر الله ربي غاضب عليها اماني: علاه مش لهاذي الدرجة ونتوما كيفاش سمعتو بلي تزوج؟ 1:وين تلقى استاذ كيفو شخصية وهيبة ووهرة والله تدور الدنيا ماتصيبش كيفو... ايه من السمانة لي فاتت وهو لابس خاتم الزواج لجين: تبانلكم برك هههخخخ 2:علاه تهدري هك انتي تعرفيه؟؟ لجين: لالا مانعرفوش مي مايعجبنيش متكبر روبوت مريض شاطر غير في العياط قعدو البنات حايرين فيها تهدر من قلبها فاقت على روحها وتلفت للجيهة لوخرى لحقتها اماني اماني: علاه تقولي هك على خويا لجين: هذا هو الواقع الاليم لازم تتقبليه اماني
