وهل الحب يعرف المستحيل؟ ماذا ستفعل عندما اكرهك؟ هل ستحبني حينئذ؟ انا لا افهم شيء؟ غريب ما يحصل!!! ان احببتك تكرهني وان كرهتك ستحبني. ما هذه المتاهه؟ وما هذا الحب؟!!! اللعنة عليك ايها الحب
واقفة كي الجثة الهامدة وجهها مايتفسرش حاطة يدها على فمها اما قلبها فحدث ولا حرج قريب يخرج من ضلوعها فاقت على روحها كي طيحت برطابلها تلفت ليها بزربة كان يتمنى في قلبو كي يتلفت يلقى باباه والا ختو والا واحدة من عماتو المهم مايلقهاش هي مي للاسف كانت هي كانت مرتو الشاهدة على خيانتو....
رفدت لاغوب تاعها ومعاها كرامتها وراحت بلا ماتقول والو اصلا واش عندها تقول بعد لي شفاتو ماخممتش ولو دقيقة وماتخيلتش حتى بالكذب بلي هارون يطلع منو الشي هذا رفدت لاغوب وراحت وين تروح؟! الله اعلم حست الدنيا بوسعها ضيقة عليها قلبها يحرق شغل نار شاعلة بداخلها مزالت ماقلتش بسم الله ومزالت باه تعفس على باب الدار لقاتو لحقها ورجع مقابلها
هارون: لجين اسمعيني تعيشي مش لي في بالك
ماكان عندها حتى ذرة قوة باه تبقى تجادلو والا تحاسب فيه خزرتلو بخزرة توحي بالنار اللاهبة بين ضلوعها طفاتو وكانت خارجة تتكركر مع لاغوب ديالها زاد لحقها قبل ماتكمل طريقها وحكمها
هارون: لجين اسمعيني تعيشي خليني نفهمك
لجين(نطرت يدها من يدو بقوة وتعيط): ماعندك ماتفهمني وروح لعشيقتك كمل لي مكملتوش واسمحولي فسدت عليكم اللحظة هه
كانت تعيط بأقوى صوتها لوكان ماجاش الغناء داير حالة لوكان راهم سمعوها لي الداخل كامل
ضحكت والضحكة بدات تختفي وترجع لدموع دموع عجز وقلة حيلة دموع نار الحب لي يكوي ويشوي
هارون: عشيقة واش؟؟ تعيشي اسمعيني برك لجين
لجين(وسعت عينيها الكبار ورفعت صبعها في وجهو): ماتزيدش تنطق اسمي بفمك اسمي اشرف منك
كملت هدرتها وراحت خلاتو مالحقهاش عارف بلي تحتاج شويا وقت باه تهدا وممبعد يحكيلها كلش وتتفهم الوضع مي الدنيا نص الليل كيفاش تخرج وحدها وبلاك تصرالها حاجة
طلع بزربة للفوق لقى برطابلها لي خلاتو في الارض وراحت عيط لاشراق وقاللها تروح تلحقها ومزال يهدر مع اشراق حتى خرجت تتمايل وتتبسم معاه ببراءة شغل ماعندها حتى علم بلي خربتلو حياتو ودارو عينيه رجعو دم عروقو تنفخو من العصب حكمها من رقبتها ولصقها في الحيط قريب يقسملها ظهرها
هارون:**** وانا لي حاسبك كيف اماني وفي مقام ختي **** هلكتيلي داري
ميلا(تتنفس بالسيف): ط.... اطلقني هارون.... تخنقت
طلقها بعد ماضربلها راسها بالحيط
ميلا: سمحلي مكانش قصدي غرني الشيطان
هارون: غرك الشيطان ياك؟؟ علاه انا ذراري باه نأمنك اسمعيني تجي لجين تروحي تقوليلها كلش بالباء والتاء والا والله العظيم نقتلك ومايهمنيش في حتى واحد
تبدلت ابتسامتها البريئة لي ضحكة صفراء( كيف وجهها😑) قدمت منو وعدت صبعها على لحيتو
ميلا: لهاذي الدرجة تحبها ماكانش في بالي تحبها
رجع دزها على الحيط وقعد بعيد عليها
هارون: واش دخلك فينا اسمعيني مليح تقربي من مرتي والا تقلقيها ولو بخزرة عينيك نجبدهملك ونرميهم للكلاب
قلقها حديثو قاعد يرخس فيها رفدت روحها وهابطة وهي تتحلف وتتوعد في لجين وتحكي من تحت لتحت
ميلا: مايسمونيش ميلا اذا مارجعتكش كيف الكلب مورايا ونسيتك في لي راك هابل عليها😈
أنت تقرأ
سلطة القلب(باللهجة الجزائرية__مًکْتٌـمًلَةّ__)
عشوائيكرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
