كرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
كالعادة والعوايد ناضت الصباح لقاتو مزال راقد غسلت وجهها وهبطت لجين: صباح الخير اماني: صباح النور لجين: خوك مزالو راقد قبل ماتسقسيني عليه اماني: ماسقسيتكش🙄... لالا ناض ورجع رقد لجين: هفففف اماني: مالك تنفخي على صباح ربي لجين: والله معلابالي مقلقة حاسة رايحة تصرا حاجة مش مليحة منعرف اماني: ماتتفاوليش من الصباح تقهوي وروحي ستيكي روحك ونروحو للافاك مايصرا والو بربي لجين: ان شاء الله... انا نطلع معنديش شهية باش نتقهوى
طلعت قعدت تخير واش تلبس وتخزرلو من المراية كيفاش راقد وتخمم علاه ماقاللها والو كاين حاجة بداخلها حابة تسقسيه حابة ترجع تتبهلل معاه مي كرامتها ماتسمحلهاش دخلت دوشت وخرجت لقاتو يلعب بالتيلفون في بلاصتو طفاتو وريحت تمكيي وتمشط في شعرها زاد شوي ناض بدل لبستو وخرج بلا مايقوللها والو هبطت موراه اماني: ارواحي لجين نروحو مع هارون الكوس مضغوط بزاف لجين: لالا روحي وحدك مع هارون انا نروح في الكوس اماني: بليز بليز لجين تعيشي هاذي الخطرة برك لجين: ههففف معندي حتى حل مي الخطرة هاذي برك كان يستنى فيهم في الطوموبيل جات تريح التالي قاتلها اماني تريح بحذاه ماحبتش تعاند بزاف وزيد حابة تبقى قريبة منو فرحت وراحت ريحت بجنبو ريحتو تهبل تفتح النفس مع الصباح ايه نسيت لجين كانت لابسة هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اماني راحت لكليتها وهو ولجين كانو يمشو بجنب بعضهم بلا مايهدرو حتى نص كلمة وصلو للكلية كانت رايحة للونفي حبسها هارون: دقيقة تبسمت نص تبسيمة واخيرا واخيرا هذا الجليد لي بيناتهم رايح يذوب مي في دقيقة تبسيمتها طفات وقت سمعت صوت كان مورا هارون __لجين هاذي نتي؟!!! خزرت للصوت مام هارون تلفت موراه كبس يدو بعصب كي شافو من امس مادخلش خاطرو هذا السيد وزيد اليوم يكلم في مرتو قدامو شكون هذا اصلا لجين: ايه تفضل شكون انت معرفتكش __ههههه تفكري تفكري تعرفيني مليح قعدت تخمم لجين: لالا سمحلي ماعرفتكش __درك نقربلك شوي بابا صاحب باباك الروح في الروح وكنت ديما معاه بكري وكنا...
لجين(قطعاتو بزربة باه ميكملش هدرتو): اااه وي تفكرتك يعقوب ياك؟؟! يعقوب: انعم يعقوب كي راكي لجين كبرتي لجين(تهدر بتلعثم): ايه حال الدنيا يعقوب: واش جابك لهنا ولا مام نتوما رجعتوا تسكنو هنا لجين: لالا انا جيت هنا باه نقرا في لافاك هاذي برك بابا قعد في الولاية تاعنا يعقوب: صحا... ايه كاش... لجين: مفهمتش كاش واش؟؟ يعقوب: كاش جديد في حياتك كاش راجل 😉 تصدمت ماعرفت ماتقول قدم هارون ليعقوب قريب لصق فيه هارون: اكيد كاين مرتي لي راك تهدر معاها ياسين: كيفاش؟؟ هارون: وشنو كيفاش هاذي لي سمعتو ومعليش درك انا ومرتي عندنا مانحكو راس راس سي يعقوب حكمها من يدو وطلعو لبيروه هارون: شكون الكلب هذا قعدت ساكتة هارون(يعيط): راني نهدر معاك علاه ساكتة لجين: ايييهههيه ياسيدي واش دخلك واش يكون ان شاء الله يكون حبيبي واش دخلك مليحة هاذي حكمها من يدها ولصقها فيه هارون: اسمعيني ني قتلك راكي مسؤوليتي باباك خلاك امانة عندي فهمتي... لجين: صاي ابعدني ابعدني غير درك تفكرت تتكلم معايا ياك وانا مش مضطرة نجاوبك عندك سؤال روح ليعقوب قدامك تقدر تسقسيه راحت وخلاتو معصب لجين: هفففف وهذا واش خرجو قدامي درك كملت نهارها في لافاك كانت تمشي الجو مغيم روعة رايحة للدار على رجليها في دقيقة لقاتو بجنبها لجين: سملرحيم خلعتني يعقوب: هههه مش قصدي... اهيه كيفاش حتى تزوجتي بهارون قحرتلو لجين: مكتوب يعقوب: زعما نسيتيني؟؟! جامي يتبدل يبقى لصقة لاخر عمرو وقفت ووقف مام هو مقابلها لجين: نتا من لول ماكنتش في حياتي ولا في قلبي باه ننساك... اهلنا قرروا وحدهم مي انا مكنتش موافقة يعقوب: وانا؟؟ لجين: انت وشنو يعقوب: اسمعيني نعرف لي جوزتيه بعد ماماتت يماك مش ساهل مي كنتي تقدري تمديلي فرصة نوقف معاك لجين(تعيط): كيفاش نعطيك فرصة ونتا واهلك نهار ماتت يما كنتو مسافرين مشقيتوش رواحكم وجيتو دقيقة باه تعظمو الاجر درك مايهمش لي فات مات انا ليا ربي وبابا وقف معايا ومانحتاجش ليك ولا لغيرك فهمتني كانت رايحة تمشي مي قطعلها طريقها يعقوب: لي فات مات صح؟؟؟ وهارون لجين: هذاك راجلي ماعندك مادخلك فيه واقسم بالله تقولو كلمة نقلب الدنيا عليك قعد يضحك عليها وهي الزبل طلعلها يعقوب: انا هنا راني استاذ جامعي مش ذر لي كان يخاف منك ومن تهديداتك معندك ماتقضيلي مدام لجين جات ترد مي سبقها هارون لي معلبالهاش منين خرج شدلها يدها وطلعها للطوموبيل بلا مايقول والو وراح قعد يهدر مع يعقوب ورجع كان يسوق كي المجنون لحقو للدار هبط وهبطت موراه سبقها للبيت ولحقاتو هارون: وشنو هذا السيد شكونو علاه يلحق فيك لجين: وعلاه قاعد تسقسي فيا والا نقول تستجوب فيا هارون: اسمعيني مليح منيش بهلول باه تضحكي عليا بكلمتين شفتو كيفاه يخزرلك كيفاه يخلق في الحديث معاك شكون هذا خليني نتصرف معاه لجين: مكالاه تشقي روحك انا نعرف صلاحي ولي يغلط معايا يخلص مش محتاجة ليك كان باه يرد مي تيلفونو سكتو هارون: وي انا... ايه... كيفااش وشنوو هبط يجري لحقاتو لجين: واش بيك واش كاين هارون: اماني... اماني.... لجين: واش بيها هارون: معلباليش قالولي راهي في السبيطار قلع بطوموبيل كان يجري في الطريق لوكان يصيب يطير يطير وصلو للسبيطار دخلو يتجارو لقاو استاذة تم كانت تستنى هارون: اماني وينها الاستاذة: اهدى شوي مسيو... انا استاذة اماني كانت تقرا في حصتي نورمال حتى داخت والطبيب مزال الداخل درك يخرج ويفهمنا قعد يمشي ويجي مام لجين تاني غير الصباح كانت صافا واش صرالها درك زاد شوي وخرج الطبيب هارون: واش بيها اختي الطبيب: ماتتقلقوش حاجة خفيفة عندها ميكروب في المعدة درك تنوض ندخلوها لعملية تاع نص ساعة وترجع بخير ان شاء الله قريب يطيح على ركايبو السيناريوهات كامل دارها في عقلو مي حضنها مخلاهش يطيح زربت تحضناتو مام هي كانت خايفة عليها قعدت معنقاتو حتى فاقت على روحها وزربت بعدت لجين: اسمحلي من الفرحة معرفتش كيفاه.. بعد عليها ومسح لحيتو ووجهو ريحتها دوخاتو كملت على مابيه زادو شوي دخلو لعند اماني هارون: هكذا تخوفيني عليك اماني: هههه مليح مرة على مرة تخافو عليا لجين: هههه درك انتي مريضة اماني: واه مريضة ومالا لازمني نتدلل درك... لجين جيبيلي كاس ماء تعيشي هارون: درك انا نجيبلك اماني: لالا نتا ريح هنا عندي مانحكي معاك لجين: خلاص فهمت انا دخيلة بين الاخوة تقدرو تهدرو براحتكم راني البرا خرجت وخلاتهم مع بعضهم عيطت لاشراق اشراق: اهلا بالزين كي راكي كي راه نسيبنا العزيز الغالي هههه لجين: بلعي بلعي مش وقت تمسخيرك الماسط اشراق: واش بيك لجين واش بيه صوتك ماتقوليليش زدتي تعاركتي نتي و هارون لجين: لالا ياريت تعاركت انا وياه علابالك شكون شفت اليوم والله ماتصدقيني كي نقولك اشراق: ياخاااه ازربي اهدري مع شكون تلاقيتي لجين: يعقوب اشراق: وشنوووو يعقوب نفسو لي في عقلي والا يعقوب اخر لجين: هو هو نفسه بشحمو ولحمو وعظامو اشراق: هههه يعقوب فيه العظام مي الشحم واللحم عظم الله اجركم فيهم لجين: هذاك بكري لوكان تشوفيه درك والله ماتعقليه علابالك معرفتوش غير كي زعما باه يحكي قدام هارون على بكري تفكرتو ومخليتوش يكمل اشراق: اييييه مام هارون شافو وجه النحس وقت بدات تتصلح علاقتكم خرجلكم هو لجين: ماتصلحت ماوالو بالعكس... مش هذا الموضوع ني خايفة كاشما يحكي لهارون اشراق: بهلولة تخافي من يعقوب بو خناين العتروس من نيتك علابالك بكري كنا نتمسخرو بيه وهو ساكت كان عميق ياجدك 😂😂😂 لجين: شوفي همي وشوفي همك يابنتي الطفل تبدل 180 درجة راهو استاذ جامعي في نفس لافاك لي نقرا فيها يعني زميل هارون يتلاقو في اي وقت اشراق: الله اكبر كبيرا وسبحان الله بكرة واصيلا... وشنو كيفاش بوخناين رجع استاذ وفي لافاك من فوقها سبحانك ياربي لجين: هفففف عقلي دار كامل الاحتمالات لي ممكن تصرا قلت نخبر هارون وصاي نورمال يعرف مني قبل مايعرف منو ديجا هو كل مايشوفني يسقسيني عليه اشراق: امممم علابالك قادرة تقلبي هذا الموضوع لي خايفة منو لصالحك عندي خطة لوكان تنجح تولي الضربة القاضية لهارون مسكين نسيبي لجين: ازربي انطقي نعرف عمايلك نتي ابليس يريح في جيهة ويصفقلك ويقولك نتعلم منك سيدتي اشراق: درك رايحة مع ختشيبي نجهزو لليفونصاي ومبعد نهدر معاك احبي متتقلقيش راكي في ايادي امينة لجين: طيري طيري برك نرجعو لهارون واماني هارون(باسها من راسها): علابالك شحال خفت عليك اماني: نعرف مابيا والو هيا ريح عندي مانقلك... اسمعني هارون في هاذيك الليلة لي ضربتني فيها لجين ماعندها حتى علاقة انا السبة شوف انا طلعت لبيتكم و زعما زعما نقلد في صوتك وصرا لي صار ليصونصيال نعرف بلي ماكان والو بيناتكم لوكان جات كاين حاجة ماكانتش لجين خافت وقت انا قربت ليها وانا نمثل زعما راك انت هارون: اهيه وين حابة توصلي اماني: لي حابة نقولو ياخويا العزيز انا نعرفك مليح اكثر من روحك نعرف بلي من الداخل كاين حاجة للجين هارون: حاجة واش المرض اثر فيك بزاف والا بلاك السيروم فيه حاجة اماني: هارون ماتهربش من الحقيقة يعيشك... انا نعرفك غير من خزرتك وقت تخزر للجين عينيك يلمعو هاذي اللمعة جامي شفتها من قبل في عينيك وجامي شفتها في عينيك غي مع لجين... ماتهربش هارون مافيها والو اذا حبيت وتحبيت سنة الله في خلقه هاذي هارون: ماكان والو صحيح من لي تقولي فيه اماني: مايهمش صحيح والا لالا كي تبقى مع روحك وتخمم درك تعرف الا كلامي صحيح والا غالط... انا نعرف بلي انت تحب لجين تهرب مني صح مي تقدر تهرب من قلبك الله اعلم... لي حبيت نقولهولك هارون اطلب السماح من لجين ارجعو كيما كنتو من قبل مانجي انا ماتخلونيش نحس بالذنب هارون: صاي خلاص لي تحبيه يصرا برك انتي ارفدي صحتك وتهلاي في روحك طبطب الباب وطلت براسها لجين: كمل اجتماع الاخوة والا مزال اماني: هههه ارواحي ارواحي محسوب انتي اختي تاني راحت تحضنتها لجين: اكيد مكانش شك كان يخزرلها ويخمم في هدرة اماني المهم في العشية دخلت اماني للعمليات راحو ريحو بجنب بعضهم يستنو وقتاه تكمل وتخرج هارون: تقدري تروحي انا هنا نبقى معاها لجين: مانروحش ماهيش اختك برك مام اختي انا تاني خزرلها خزرة مفهمتهاش خزراتو ليها رجعت ماتفهمهمش كي شغل خزرة مش كيما موالف مي هو خزرلها خزرة تاع كبرت في عينو جامي كان عند اماني صاحبة ودرك ربي مدلها اخت مش غير صاحبة فاق على روحو بعد عينيه من عينيها لي تسحر حمحم وهدر هارون: قالتلي اماني واش صرا في ديك الليلة... سكت وخزرلها هارون: بلاك غلطت معاك في الهدرة والا اسمحيلي لجين: بلاك غلطت؟؟؟ مش عارف بلي غلطت؟؟ هارون: قتلك اسمحيلي ياك لجين: واه قلت مي غير درك لوكان ماقاتلكش اماني واش صرا كنت ماهدرتش معايا كامل هارون: هدرت معاك لجين: واو عنجد واو وقتاش هدرت معايا فكرني هارون: الف مرة نسقسيك على يعقوب هذاك والا منعرف واش سماه ربي شكون ونتي مجاوبتينيش لدرك تبدل لون وجهها وبعدت عينيها من عينيه لجين: ياك سمعتو قال بلي باباه صاحب بابا وكان ديما يجو لينا يعني العايلتين صحاب وحباب هذا ماكان هارون: هذا ماكان راكي سيريو؟؟؟ لجين: ايه هارون: معليش مع الوقت يبان كلش
