سلطة القلب(باللهجة الجزائرية__مًکْتٌـمًلَةّ__)

بارت9

يوم جديد وبداية جديدة

نوضها الصباح بكري مزالت الشمس ماطلعت حاول معاها حلول الارض كامل والنافع ربي حلفت ماتنوض قعد غير حل واحد ولي هو....
لجين(تعيط مخلوعة): وشنو هذااااا واش بيك مهبول نتا تصب عليا الماء البارد من صباح ربي؟؟
حط يدو على فمها باه تسكت
هارون: اششش حابة تنوضيهم
مزال مكملش هدرتوا طبطب الباب
مرت باباه: راكم ملاح سمعنا صوت عياط
باباه: هارون افتح الباب واش كاين
هارون: عجبك الحال درك
لجين: اهههمممممم...
هارون: درك نهبط يدي واقسم بالله يطلع صوتك نوريلك
باباه: ياوليدي واش كاين افتحوا الباب
هارون: ودرك نتي لي جبتيهم فوق راسنا اخرجيلهم
لجين: وعلاه ماتخرجش نتا لي بديت لول
هارون: ماتناقشينيش واخرجيلهم يزيدوا دقيقة ويكسروا علينا الباب

نفخت بعصب وفتحتلهم
مرت باباه: واش كاين على صباح ربي تعيطوا
لجين: ماكاين والو غير كنت انا وهارون نتفكروا في ايامات الخطوبة وانا صوتي عالي عمبالكم نعيط هههه
باباه: ايا الفايدة كي راكم بخير بنتي هيا نروحوا ونخلوهم في راحتهم
غمضت عينيها وتنفست بعمق جات تصكر في الباب واووب تخبطت في صدرو
لجين: سملرحيم حاب تقتلني بالخلعة نتا اليوم ولا كيفاش
هارون قدملها وحصرها عند الباب جات تهرب ماقدرتش
هارون: مالا كنا نتفكروا في ايام الخطوبة
لجين: ماجاتني حتى فكرة غيرها لصونصيال راحوا
هارون: فكرة مليحة نتفكروا ايام الخطوبة... متفكرة نهار بعثتلك مع اماني باه تطلعي للبيرو ومطلعتيش والا نهار الخاتم ولسانك الطويل معايا متفكرة واش قلتي
لجين وجهها رجع اصفر واحمر واخضر
لجين: لا منتفكرش
هارون: معليش درك نفكرك... قلتيلي انت واش حاسب روحك.. انا مانديرلك حتى قيمة ليك ولا لكلامك... وقتها كنتي تحت جناح باباك ودرك تحت جناح شكون
لجين: عندي ربي... حسبي الله ونعم الوكيل فيك الا درتلي حاجة والا ضريتني
هارون: نورمال نقتلك برك والا نخليك جيعانة تموتي بالشر معلاباليش مزلت ماقررتش
لجين: حسبي الله ونعم الوكيل ربي يجيبهالك في صحتك يا الروبوت المريض
حط صبعو على فمها
هارون: اششش لسانك مايستناش شويا ديراكت يزرب للعيب... وعقلك مايخممش سبحان الله وصح فكرتيني وشنو هاذي الروبوت المريض انا هارون وما ادراك تشبهيني بروبوت مريض
لجين: بعد عليا خنقتني وشنو الدصارة هاذي كل ماتنفحلك تجي تحصرني
هارون: هذا الحل الوحيد باه نهدر معاك انتي ماتريحيش في بلاصة واحدة وزيد الطريقة هاذي تخلي لسانك الطويل ينقص شويا
لجين: هيا بعدني ماتقدر تديرلي والو ديجا اماني رايحة معانا
هارون: شكون قالك رايحة معانا
لجين: كيفاش شكون قالي باينة انت
هارون: وي تسكن معانا مي مش درك مزال مابدلتها من لافاك على الاقل بعد سمانتين والا 3 تلحق علينا
لجين: وشنوووو كيفاش نبقى انا وانت في دار واحدة Sûr هبلت انت
هارون: مايهمنيش فيك عجبك والا ماعجبكش
بعد عليها ودخل للتولات
لجين(تقلد فيه): انا هارون وما ادراك... روبوت مريض ماعندو مايدير غير ينرفزني على صباح ربي
راحت قابلت المراية
لجين: ٠هفففف اول مرة نوض منرفزة من هذاك الوقت الله لا تربحك يا الروبوت بدات تهدي في روحها وتهدر مع انعكاس صورتها في المراية
لجين: اهدي اهدي... انا اعصابي مسترخية اشعر بالسلام والجمال وكل المشاعر الجميلة يومي جميل جدا ان شاء الله انا احبكِ لجين يا الزين الكامل
هارون: كل يوم نزيد نتأكد بلي مجنونة
نفخت بعصب وهدرت مع روحها
لجين: مادامني انا وهذا في نفس السقف حاجة ماتكون مليحة مرحبا بحياتي البائسة
هارون: ايا رتبي قشك في لافاليز درك نشربوا قهوتنا ونروحوا
لجين: انا لازمني نشوف بابا واشراق قبل مانروح
هارون: صاحبتك غير امس كانت معاك
لجين: ماعندك مادخلك
هارون(بعصب): واش قتلك على لسانك هذا
رفدت لبستها وهربت للتوالات
لجين: ماعجبكش الحال بدل البلاد هههخخخخ
طبطب على باب التوالات
هارون: معليش معليش بيناتنا ليام
ماردتش عليه لبست سروال جينز مقطع في الركبة معاه تريكو قصير طلقت شعرها وحكمت خصلة ضفرتها ظفيرة سامبل وخرجت لقاتو مكانش في البيت
لجين: الحمد لله كي خرج الله يخرج روحك
كانت تفشفش في بارفان تاعها دخل خزرلها من التحت للفوق
لجين: احترم نفسك ماتزيدش تشوف معايا بالطريقة هاذي
هارون: وشنو هاذي اللبسة... حابة تخرجي هك قدام الغاشي؟؟
لجين: ايه موالفة نلبس هك نورمال مافيها والو وديجا نلبس مونتو معاهم
هارون: مايهمنيش بدلي حوايجك
لجين: مانبدلش متسالنيش ماتلعبش دور الزوج معايا
هارون: اسمعي مانيش حاب نغلط معاك مالا انتي متتماديش معايا... روحي بدلي حوايجك قدام الناس راكي مرتي وانا مش رخيس وطحان نخلي مرتي تخرج باللبسة هاذي
لجين: صايي برك درك نبدلها اللبسة مي هنا تقدر تدخل فيا نهار نكونوا وحدنا معندك مادخلك نخرج كيف مانحب