نهار يروح ونهار يجي ولحق وقت الكنطرولات كان اول موديل يعدوه هو موديل تاع البروف هارون لانو اهم مادة في العام كامل كيما كان الحال دخل للونفي لقى الطلبة مريحين حوس عليها بعينيه مي ريحتها مكانش مافهمش علاش راهي تدير في لي جاست هادو... كان معاه 2 اساتذة اخرين يحرسوا معاه وزعوا الاوراق على الطلبة قعد يشوف في جيهة الباب كانت حاجة في داخلو تحوس عليها مبعد استغفر وراح ريح في البيرو تاعو...
جازت نص ساعة على الكنطرول دخلت تجري للونفي حبسها واحد من الاساتذة لي كانوا يحرسوا
الاستاذ: حبسي حبسي راهي فاتت نص ساعة وهنا القانون في لافاك الا فاتت نص ساعة معندكش الحق تدخلي وتجوزي امتحانك
لجين: لالا بليز استاذ والله حاجة خارجة عن مقدوري الشيفور تاعي طول عليا
الاستاذ: ماهيش حجة هاذي كنتي تركبي في كوس والا تركبي في طوموبيل اخرى... ايا بلا ماتعطليني على خدمتي اكثر
لجين: اسمع....
قاطعها صوتو الرجولي وقف مقابلها حاط يديه في جيوب سروالو
هارون: معليش خليها تدخل
الاستاذ: مي يااستاذ هارون القانون....
هارون: هاذي المادة مادتي وانا عندي كامل الحق نخليها تدخل.... ماتقعديش واقفة ريحي في كاش بلاصة يلا
راحت تحوس على بلاصة تريح فيها البلايص في لخر كانت كامل معمرة ريحت اول مرة القدام جابلها ورقتها هبطت راسها تكتب وتكتب مازادتش طلعاتو
كامل
هارون: واش راهي تكتب اكيد راهي تخلط اكيد
قعدت ربع ساعة قبل مايكمل الكنطرول راح باه يمدلها ورقة الحضور باه تمضي فيها كانت في عالم اخر هبط وجهو للطابلة وهي دورت وجهها جيهتو شعرها كامل جاء في وجهو لي يشوفهم من بعيد يقول راهم لاصقين في بعض جبد روحو قبل مايفيقو بيه الطلبة والاساتذة لي معاه
هارون: احمم امضي بحذا اسمك
لجين: راني نحل خلي بعد مانكمل ماقعدليش وقت
تنرفز وراح خلى الورقة بحذاها شكون هاذي باه تمشي كلمتها عليه معليش معليش يابنت عمران نشوفو واش راكي تجاوبي اخرتك تجيبي تحت الصفر00
كمل الوقت خرجوا كامل الطلبة يندبوا جاهم صعيب بزاف psq كي كان يقري ويشرحلهم كانوا كامل غاطسين في زينوا درك وقت الندامة،، رفدت صاكها وجات خارجة خزرتلوا بخزرة مافهمهاش كأنها نظرة تحدي وهو مش عارف بلي هذيك النظرة نظرة انتقام تبسمت نص تبسيمة معاه خلاتو يغلي
هارون: مالها هاذي عملت خير كي ماكنتش تحضر مهبولة!!!
ريحة شعرها لصقت في نيفو النهار كامل كانت ريحتو سبسيال شغل ريحة Fraise والا حاجة تشبهلها المهم فاتت سمانة الكنطرولات وكملت لجين امتحاناتها
ايا في نهار مريحة في بيتها وتغني وتعاود وتتفرج في ماتش البرصا والريال(تعاوظ فيه للخطرة الالف هذا الماتش) وتشوف في حبيب قلبها بيدري بدا المسنجر تاعها يطنطن المرة لولا ماشافتش مي كي قعد غير طرن طرن فتحت لقات ڨروب مسنجر تاع الدفعة مقلب على نقاط الموديل تاع الاستاذ هارون كامل مش جايبين المعدل
لجين: هفففف وانا لي كنت نستنى نجيب عندو ههههخخخ مريض اكيد يحب يشوف الناس مرضى كامل ومقلقين كيفو
مزالت تهدر مع روحها حتى بعثت طالبة ميساج قاتلهم: اسكتوا اسكتوا حنا لي ماقريناش شوفوا لجين***** جايبة 18.5 الله يبارك شكون الطفلة هاذي لي يعرفها يقولنا عليها تولي تقرينا
رجعت تنڨز فوق السرير من الفرحة رفدت تيلفونها وعيطت لاشراق
لجين: لووووووف يو حبيبي جبت 18.5 عندو والله ماني مصدقة روحي ياخااااه ني فارحة اكثر من نهار فرحتي بالباك
اشراق: اوووه صح واخييييرا نجحت الخطة واخيييرا
لجين: علابالك الحصة الجاية حصتو درك نبدل قشي ونروح نجري للافاك لازم نشوف وجهو كيفاش داير كان عمبالو باه نجيب 0 ياخي جيت لولى عندو ايا باي باي نتلاقاو في لافاك جوووتام🫶
أنت تقرأ
سلطة القلب(باللهجة الجزائرية__مًکْتٌـمًلَةّ__)
De Todoكرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
