سلطة القلب(باللهجة الجزائرية__مًکْتٌـمًلَةّ__)

بارت 13

وفاتت ليام تجري وبعد سمانتين رجعت لجين للقراية مام اماني تاني كي العادة وصلهم هارون للافاك راح يوصل في اماني لكليتها ولجين كانت تمشي وحدها وتهدر في الماسنجر مع اشراق بلا ماتفيق تضربت مع بنادم
لجين: اسمحلي
طلعت راسها لقاتو هو نفخت
لجين: درتها بلعاني ياك
يعقوب: الله يسامحك كنت واقف نتي دخلتي فيا
كانت رايحة شدها من يدها
لجين: بعد يدك خير مانكسرهالك بعد قبل مايشوفنا كاش واحد
يعقوب: من شكون خايفة من راجلك؟!
لجين: اخطاني شوف حياتك ابعد عليا
زاد زير على يدها اكثر
يعقوب: علاش راكي تتجاهلي فيا اه علاه؟ علاه مش حابة تسمعيني
في دقيقة كان هارون بيناتهم فك يدها من يدو ووقف مقابل يعقوب من الطول تاعو مارجعتش تشوف كامل في يعقوب خاطر كان مغطي عليها
هارون: ياك حكيت معاك بلعقل وقتلك مانزيدش نشوفك ديرونجي فيها والا حتى تكلمها اذا سيادتك ماتفهمش نفهمك بطريقة اخرى ماعنديش مشكل
يعقوب يطل على لجين لي كانت مورا هارون: راكي تشوفي كيفاش راجلك يغير عليك من بكري لجين تحب لي يغار عليها
كبس بونية يدو وعيط عليه:*** قتلك متزيدش تكلمها ولا تخزر فيها ماتفهمش
كان رايح يضربو مي زربت حكمتلو يدو
لجين: هارون هيا نروحو تعيش هارون
قعد يقحرلو ويعقوب يتبسم بكل وجه بارد وصلو للبيرو كان يمشي ويجي وهي واقفة تخزرلو
هارون: لازم نبقى نسقسي ونعاود علاه ماتحكيش وتهنيني
لجين: خاطر مش وقتها
هارون: كيفاش مش وقتها كل يوم نشوفكم مع بعضكم وانا معلاباليش كامل واش كاين بيناتكم
لجين: ماكاين والو والله
هارون: معليش ماتحكيش مي ماتلومي غير روحك اليوم فات على خير مي اقسم برب العزة نلقاكم مرة اخرى مع بعضكم نقتلو ون....
ماخلاتوش يكمل هدرتو تحضناتو غرست راسها في صدرو
لجين: صاي خلاص ماتتعاودش اخر مرة
هارون: ابعدي ابعدي زعما كي تتحضنيني باه تسكتيني والله مانسكت راني حلفت نلقاك معاه مرة اخرى نقتلك ونقتلو بلا مانخمم
بعدت عليه
لجين: قتلك من قبل قادرة على شقايا لي يغلط يخلص ماتخافش
راحت وخلاتو دخلت تقرا وكمل نهارها في الليل قبل ماترقد كانت تهدر مع اشراق
لجين: وتقوليلي ندير الخطة تاعك علابالك والله ماتصلح بالعكس نجيب البلاء لراسي
اشراق: معلاباليش انا خممت هكذا مي مادام هذاك يعقوب حطك في راسو باينة ماتصلحش وزيد هارون متحسس بزايد من الموضوع
لجين: راكي تشوفي معلاباليش حتى بابا ومادارليش هكذا
اشراق: يابنتي باين وواضح وضوح الشمس الراجل يغير عليك والله اعلم باين يحبك
لجين: ههههخخخ الروبوت المريض يحبني انا؟!! روحي روحي سيري تنعسي كيما قالو خاوتنا المغاربة يابنتي هذاك مريض بحب التملك اي حاجة يحبها تاعو ويحب غير كلمتو لي تمشي ماكان ني حب ني والو ياحسراه
اشراق: لوكان الخطة مشات كيما خططتلها وقتها تعرفي اذا كان يحبك والا لالا... لوكان يقبل يعقوب يمثل معاك ويتقرب منك قدام هارون  وقتها تشوفي ردة فعلو مي الله غالب
لجين: مستحيل impossible نمثل انا وهذاك اللصقة كرهلي حياتي كل مايشوفني لازم يقطع طريقي معرفتش كيفاش نبعدو عليا والبروبلام بعد كامل هاذي السنين مزالو يخمم بيا مهبول هذا
اشراق: الحق يقال من بكري مهووس بيك شفتي حتى كي تسيباريتو قريب هبل
لجين: والله معلابالي ربي يجيب الخير و...
مكملتش هدرتها كان تيلفونها ينوڨز
لجين: يعيطلي نيمرو بلاك بابا بدل بيس ديالو ايا اشراق تصبحي على خير
اشراق: وانتي من اهل الخير حبيبي
لجين: الو انعم
مكانش رد
لجين: الووو الوووو شكون معايا
مكانش رد
لجين: الووو اذا مش رايح ترد والا تردي راني باه نغلق اخر مرة الووو
كان حس غناء شغل في بار صوت يتكلم مش واضح
لجين: مش نسمع الووو
__نحبك هبلتيني قبل ودرك زدني اكثر.. هارون في واش خير مني
لجين: كيفاااش هذا نتا كيفاش جبت رقمي
يعقوب: في واش هو خير مني
لجين: ماتزيدش تعيطلي راني مرت راجل افهم
دخل هارون لقاها تتكلم بهمس علت صوتها شوي
لجين: ايا اشراق تصبحي على خير غدوة نتكلمو ان شاء الله باي
قدملها شافها مش قد بعضها
هارون: واش بيك
لجين(تمسح في عرق جبتهتها): والو علاه؟
هارون: وجهك اصفر وتعرقي في البرد هذا؟!!!
هربت منو وراحت فتحت خزانتها
لجين: والو كنت نحكي مع اشراق وتحمست هذا ماكان
هارون: تحمستي!!
لجين: ياحصراه ياسي هارون انت غالط لي خيرت مهنة التعليم كنت دير مهنة مفوض خاطر النهار كامل وانت تستجوب فيا
رفدت بيجامتها ودخلت للتولات قبل مايرد عليها
هارون(يهدر وحدو): معليش معليش الوقت  يفضح كلش