سلطة القلب(باللهجة الجزائرية__مًکْتٌـمًلَةّ__)

بارت 10

رغم اني كتبت البارت قعدلي غير ندقق فيه وننشروا مي لبارح كي تفرجت على ايمان خليف🇩🇿🥇 قلت نبدل البارت كامل ومش خسارة في بنت بلادي وان شاء الله ينال اعجابكم البارت ايا شوية حماس وتعليقاااات😩😩💕😭😭
_____________________________________

فاتت سمانة كل يوم لجين وهارون بعركة جديدة ناضت الصباح بكري يوم جمعة مكانش قراية فتحت شباك البالكون تنفست نسمات الهواء البارد غسلت وجهها ولبست بيجامة مرسومة فيها لولي كوتي وطلعت شعرها طوماطيشة🍅😁 هبطت التحت مكانش حتى حس اكيد راهو راقد حطت القهوة على النار وخرجت للجنينة قعدت تعدي في يديها على ورد الياسمين وريحتو الفواحة سكنت روحها سقات الورود وقعدت تتأمل فيهم دخل هارون لي كان البرا
هارون: واش تديري هنا
لجين: كالعادة قاعدة مع ورداتي... انت واش تدير لبرا في هذا الوقت
هارون: كنت نصلي وشريت كورواصون... طيبتي القهوة ولا كيف العادة والعوايد
خبطت راسها
لجين: نسيتها على النار
راحت تجري وهو ماعرف يضحك ولا يبكي بلاء هاذي الطفلة كانوا يتقهواو نوڨز تيلفون هارون رفد
هارون: وي... معليش تلقيني نستنى فيك في المطار
لجين: مع شكون تهدر
هارون: اماني جاية طيارتها درك
لجين: يااااي الحمد لله والله كرهت من هاذي الدار وحدي
هارون: وحدك؟؟
لجين: وحدي نتا محسوب مكانش ياراقد ياتخدم ياتتفيق
هارون: اقسم بالله لوكان بيدي نوريلك طول لسانك غير الله غالب راكي امانة عندي برك... ايه اسمعيني ني نحكي سيريو كي تجي اماني للدار نولوا نرقدوا في بيت واحدة
لجين: وشنو عاود نظن ماسمعتش مليح
هارون: لا لي سمعتيه صحيح
لجين: كيفاش وعلاه ديجا اماني تعرف بلي ماكان والو بيناتنا
هارون: ماتعرف والو هاذي الهدرة في ايام الخطوبة درك رانا متزوجين مانيش حاب نشوش عقل الطفلة مزالت صغيرة
لجين: هفففف مالا وعلاه خيرت دار فيها غير زوج بيوت
هارون: درك رجعت مش عاجبتك ياخي المهم راني رايح للمطار نجيبها وانتي فرغي البيت
كيما كان الحال حولت حوايجها ولبستها لبيت هارون لي رجعت بيتها مام هي وخرجت شرات شويا سقايط تاكلهم مع اماني رجعت لقات الدار مفتوحة
لجين: ياويلي دخل سراق للدار
دخلت على اطراف صوابعها مكانش حتى حس

وصلت للكوزينة تخبت مورا الفريجيدار سمعت صوت حركة رفدت مقلة والحركة رايحة تزيد وتقدم ليها في دقيقة ناضت وعيطت باعلى صوتها وضربت السارق لي كان فاتح الفريجيدار بمقلة لراسو
جات اماني تجري
اماني: واش كاين سمعت الحس...اووه هارون هارون راك مليح
هارون:( كان شاد راسو لي يقطر بالدم): كيفاش نكون مليح وانا عايش مع هاذي في نفس الدار مالك جنيتي انتي
لجين(😳): اسمحلي والله ماكنت نقصد كي لقيت الباب مفتوح قلت كاشما سارق دخل للدار
هارون: سارق يجي في عز النهار ياك... هذا جزاء لي يخمم فيك دخلنا وملقيناكش قلت نخليلك الباب مفتوح
لجين: اسمحلي ارواح درك نداويلك جرحك... اماني تعيشي جيببلي باطة الاستعجالات راهي في البيت الفوق
ريحوا في الصالون هارون ماسكتش حتى دقيقة وهي بلعت فمها خاطر عارفة بلي كامل حديثو صحيح هي الغالطة دواتلو جرحو وضمداتو
لجين: اسمحلي خطرة اخرى
راحت جابت السقايط لي جابتهم لاماني شيبس وڨازوز وڨاطو ووو... طلعت لبيتها بلا ماتقول حتى حرف وهو زاد ريح شوي مع اماني وطلع مام هو لقاها واقفة في البالكون ماقاللها والو رقد باه يريح شوي ويروح لصلاة الجمعة كي شافتو رقد راحت قدمت ليه مستلو جرحو
لجين: اسمحلي ماقصدتش
قعدت تتأمل فيه وفي دقيقة فتح عينيه
هارون:مانسمحلكش
زربت بعدت يدها من على راسو
لجين:اسمحلي صح ماقصدتش والله وراس يما
هارون:صايي برك خليني نريح شويا روحي لاماني راهي وحدها
لجين:سامحتني والا والو
هارون(وهو يغطي في وجهو باه يرقد):نخمم ونقولك
هبطت لعندها قعدوا يهدروا ويڨصروا وناضوا طيبوا الفطور كيف كيف اماني كانت تعلم في لجين لي ماتعرف والو في الكوزينة وهوما هكذاك هبط هارون كان نور خارج من وجهو قعدت تخزر فيه وفمها مفتوح. اول مرة تشوفوا هك كان لابس قميص صلاة ابيض وصندالة بيضا تاني
لجين(في قلبها): الزين التايب يفشل الركايب♥🫶
قريب تسيللها ريقتها وهي فاتحة فمها كي البهلولة راح وخلاها دايخة بوهرتو
اماني: درك كي يرجع هارون نفطروا كامل مع بعضنا
راحو جهزوا الطابلة وقعدوا يستنو في هارون واخيرا جاء نور على نور ماشاء الله اول مرة تشوفو هك هو ديما شباب مي اليوم اكثر
كان ياكل ومعلابالوش بيها اماني تضحك من تحت لتحت ممبعد ضربتها ليدها وهمستلها
اماني: عجبك هارون بزاف ياك الزين التايب يفشل....
لجين(تهدر بتلعثم): هششش درك يسمعك ايه... اه... قصدي لالا نورمال علاه يعجبني
اماني: هههه علاه يعجبك هههه افطري افطري فطورك رايح يبرد هارون ديما معاك مش هارب
جات ترد عليها ويقص حديثهم هارون
هارون: شبيكم نتي وياها من الصباح تتهامسو
لجين وجهها رجع احمممر سيرتو خدودها واماني تخزرلها وتضحك
اماني: لجين.....
حكمتلها فمها
لجين: ماكان والو حديث نسا خاطيك
نحات اماني يد لجين وكملت هدرتها
اماني: من الصباح وهي تخزرلك قريب يوقف قلب الطفلة بسبتك
لجين رجعت تخزر هك😳😳😳😳 وناضت تجري من الطابلة اماني ميتة بالضحك وهارون مكانش حتى ردة فعل مي بداخلو طاير من الفرحة ومايعرفش علاه