ناضت الصباح تحس في حاجة تتحرك تحتها زربت فتحت عينيها لقاتو يخزرلها كانت راقدة فوق صدرو ناضت تعيط
لجين: واش هذا هبلت نتا؟؟
هارون( ناض وراح للخزانة): سقسي روحك مايكفيش راقدة فوقي دايرتني وسادة وزيد من فوقها ريقك لي سال عليا ريحتي رجعت معفونة
لجين(تعيط): احترم روحك ياخويا واش معناها معفونة واحسب شحال من مرة رقدنا على فراش واحد انا وقتاش قربت ليك والا رقدت فوقك باين تحت السواهي دواهي
هارون(حط لبستو على جنب ووقف مقابلها شبك يديه قدام صدرو): واش تقصدي
لجين(وهي تخزرلو من راسو لساسو): الله اعلم
كانت رايحة غير حبسها صوتو
هارون: اذا تقصدي زعما انا درتها بلعاني وعن قصد خليني نقولك بلي مايهمنيش فيك واخر حاجة نخمم فيها هي نتي
قبل ماتتلفت ليه هو كان ديجا دخل للتوالات قعدت تغزل من العصب وحدها و راحت تجري تخبط في الباب
لجين: روبوت مريض زعما انا لي ميتة عليك درب السد تدي ماترد راك تسمع فيا روبوت مريض
كانت رايحة حتى تحس بحاجة تجبد فيها للتالي ماقدرتش تتلفت في دقيقة لقات روحها في التولات معاه كان معري من فوق ومن التحت لابس منشفة قصيرة شعرو مبلول كان يقطر على وجهها بحكم راهو قريب ليها بزاف ومحوطها بيديه
هارون: علاه راسك يابس علاه تخليني نعاود هدرتي الف مرة
لجين( ذوبها صوتو وشعرو الطايح على عينيه ولا طابي الشيكولا لي في كرشو اول مرة تركز فيه والا عروقو البارزين والماء لي هابط على وجهها مخلط بريحة شعرو صايي راحت فيها الطفلة🤭): بعد عليا هارون
زاد قدم ليها اكثر لين رجع نفسهم واحد
هارون: ياك قتلك ماتزيديش تقولي روبوت مريض والا ماقلتش
لجين(لسانها تربط صدرها يطلع ويهبط بقوة): لالا... قصدي ايه خليني نروح ومانزيدش نعاودها نوعدك
بعد عليها وخرج من التوالات وخلاها مرهوجة بريحتو وبوهرتو
هارون: درك نشوفو اذا وعدك وعد حر والا بلا بلا كي العادة
ماكنتش مركزة معاه واش يقول راحت غسلت وجهها بماء بارد باه تفيق على روحها وبدلت لبستها بعد مادوشت خرجت خرج مام هو موراها لقاتهم التحت ديجا شربو قهوتهم وكملو دخلت للكوزينة وحضرت فطورها وفطور راجلها وراحت تتقهوا معاه البرا راس راس كانو ساكتين حتى نوڨز برطابلها رفدت
لجين: الووو شكون؟
__......
لجين: الوووو
___.....
قصت في وجهو
لجين: اللعب الماسط على صباح ربي هفففف
هارون: شكون
لجين: معلاباليش ماسكي من لبارح وهو هكذا وكي نرفد يبقى ساكت عيباد فاضية شغل
ناضت وخلاتو يكمل في فطورو ودخلت تعاونهم في الكوزينة زعما زعما 🤣🤧
في العشية ناضت شافت الساعة لقاتها 4:30 ناضت تعيط وهو كان يهدر بالتيلفون
لجين:وعلاه عليكم مانوضتونيش راح عليا العصر بلا مانصليه وزيد ديجا الماتش بدا
راحت توضات ولبست طقم الصلاة تاعها كملت صلت كانت نايضة تبدل لبستها كي دخل هارون للبيت كان خرج قبيلا خاطر كانت تعيط وهو يهدر بالتيلفون قعد يخزرلها وهي مش فايقة بيه قاعدة تحوس على التيشيرت تاعها
هارون:خرج عليك الحجاب ماشاء الله
خزرتلو لقات عينيه قريب يرجعو قلوب دخلت في بعضها مسحت رقبتها وتبسمت معاه
لجين:ربي يهدينا ان شاء الله
دخلت للتولات وخرجت تجري للصالون ولقات ديجا اولاد كبار في عمرها هكذاك مريحين يتفرجو هجمت عليهم وريحت وسطهم
لجين: بعدووو بدا الماتش
راحت ريحت وسطهم وتشوف في تشكيلة فريقها(البارصا طبعا💙❤🥹) وتنشد في النشيد معاهم والاولاد حايرين فيها وديجا ماهمش عارفينها شكون كامل
لجين:
أنت تقرأ
سلطة القلب(باللهجة الجزائرية__مًکْتٌـمًلَةّ__)
Diversosكرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
