لبست لافاست فوق بيجامتها وهبطت تجري لحقت للطوموبيل تاعو
لجين: خير ان شاء الله شفتني في منامك والا؟!
__ارواحي اطلعي اكيد مش حنهدر معاك لبرا في هذا البرد
طلعت للطوموبيل ريحت بجنبو
لجين: اهيه نسمع فيك
قعد ساكت شويا وبعدها هدر
هارون: شوفي كنت نقدر نهدر مع باباك مي قلت نهدر معاك نتي لولا... صح خطوبتنا كانت بتمسخير لا انتي لا انا حبيناها مي الله غالب نقولوا الظروف خلتنا نوافقو... مي بعد درك مكانش تمسخير
لجين: مافهمتش قصدك وضحلي
هارون: شوفي انا قدمت طلب للادارة باه نبدل لافاك نروح نقري في ولاية خلاف ومانزيدش نرجع لهنا... الا تحبي نتزوجوا في سمانتين العطلة هاذي وتروحي معايا والا نورمال انا نكلم باباك ونقولوا المكتوب خلاص القرار يرجع ليك
لجين: مافهمتش حاجة واحدة وعلاه تبدل لافاك ياك هنا اقرب ليك
هارون(تنهد شغل جبل فوق كتافو): بابا قرر يعاود الزواج وانا موحال نقدر نشوف مرا اخرى في الدار لي مزالت ريحة يما لاصقة فيها... وباه ندي اماني معايا مانخليهاش تعيش مع مرت بابا
لجين: نورمال حقو الشرعي يعاود الزواج علاه مقلقك الموضوع
هارون: لوكان جا باباك في بلاصة بابا كنتي قلتي نفس الهدرة هاذي؟؟
عضت شفافها تخمم كانت تعرف الاجابة بلي جامي ترضى باباها مع مرا اخرى
هارون: مش محتاج تفكير... اكيد لالا لصونصيال انا جيت وخبرتك نتي خاطر هاذي حياتك انتي لاباباك لا انا نقدروا نقرروا في بلاصتك... ونومرو تيلفوني راهو عندك كي تقرري عيطيلي
هبطت من الطوموبيل وعقلها مشوش الف سؤال يدور في بالها زعما علاه هارون جا يسقسي فيها كان يقدر يقول لباباها بلي صاي كل واحد يشوف حياتو علاش جاء وسقساها.... وزعما باباها يقدر يدير كيف عمها موح يقدر باباها يتزوج بمرا اخرى من بعد يماها
لجين: هفففف ديما هك هذا الروبوت يجي يخلطني ويروح... والله لوكان بابا يجيب مرا اخرى من غير ميمتي الله يرحمها نهبل ونهبل الدنيا كامل معايا
قعدت تخمم مالقاتش حل رجعت تتفرج في الريلز وعقلها مش معاها
.
.
.
.
فاتت سمانة من Vacances وبقات سمانة ويرجعوا للقراية ومزالت مارجعتش خبر لهارون لي من داك النهار مازاد بان عليه والو عقلها مشوش تنوض تخمم وترقد تخمم في نفس الموضوع يعني لوكان هي تقول ايه ويكون هارون مش حاب يتزوج بيها معناها هك تولي رخيسة في عينو
لجين: اوووووف اوووووف راسي قريب يطرطق المخيخ تاعي حسيتو تحرق ماعندي غير حل واحد
رفدت تيلفونها وعيطتلو
لجين: لي يصرا خليه يصرا ماعندي مانخسر
المرة لولا مارفدش
لجين: شوفو شوفو لاعبها زعما مانحلبش ومانيش مخلوع باه نرفد من الخطرة لولة... معليش استاذ هارون شوف شكون لي مزالت تعاودك
زاد تقريبا نص ساعة والا اكثر بشوي وصونالها
لجين: هيهيهي درك تفكرت تعاودني والله مانرفد عليك غي كي تهبل ان شاء الله
صونالها 8 مرات الخطرة 9 رفدت عليه
هارون(صوتو مخلط بالنوم): وينك نتي تنوضيني من النوم وماترفديش على تيلفونك
هبلها صوتو الرجولي المخلط بالنوم هاخلايا هالروبوت واش يطلع منو كان صوتو فيه بحة غاست وبدات تحلم في مخيلتها زعما اول مرة تلاقت بيه في لافاك وكانت علاقتهم مليحة وهي الطالبة المثالية بالنسبة ليه ايا خطرة وهوما يعدوا في عوض مايحطولها ورقة الاسئلة يحطولها خاتم خطوبة ويدخل هارون بكامل وهرتو رافد بوكي ورد احمر ويركع على ركبة ونص
هارون: حياتي قبل مانعرفك كانت عدم وبلا بيك تولي ظلام... لجين تقبلي تتزوجيني
لجين: وي وي اكيييد نقبل🥹🥹🥹🥹🥹
رجعو الطلبة يصفقوا ويطيشوا في اوراق الكنطرول وشعلوا اغنية فيصل الصغير"نتي دعوة الخير"ومدت يدها لهارون باش يلبسلها الخاتم على المقطع هذا:
أنت تقرأ
سلطة القلب(باللهجة الجزائرية__مًکْتٌـمًلَةّ__)
Aléatoireكرونيك خفيفة ظريفة باللهجة الجزائرية مغايرة عن بقية الكرونيكات شوية تاع بزاف😁 ماعندي مانقول غير اقراوها علابالي تعجبكم وبسسس احبكم لا تنسوني من دعواتكم حبيباتي♤♤
