كراكيب

| ٣٣- الفصل الثالث و الثلاثون |

صَلّىٰ عَليكَ اللهُ ما جَفنٌ غَفى
وما شقَّ نورُ الصُّبحِ في الظُلماتِ ﷺ .

_______________

#كراكيب🕊
#لـ رحمة أحمد🕊⚖

_______________

متنسوش الكومنتات و الڤوت❤

_________________

_يا "كارم" .

نفخ "كارم" بضيق ، و توقف مِن مكانه ممسكًا "فادي" من عنقه بقوة مرددًا :-
_حِل عني بقى يا "فادي" بدل ما أودي نفسي في ستين داهية بسببك .

رمش "فادي" بأعينه عِدة مرات ببرائة!! و تحدث بهدوءٍ أثناء إزالة يدا عمه عن عنقه :-
_إهدى بس ، أعصابك مش كده .. الله!!

تنفس "كارم" بضيق ، و أعتلى الأريكه محاولًا كظم غيظه .. لحظاتٍ و تحدث بنبرةٍ هادئة بعض الشيء :-
_أنا مش هقدر آخد قرار زي ده في يوم و ليلة ، أنا مش ضامن إني هقدر أكون أب  يُفْتَخر بيه .. مش عايز أبقى أب ناسي شوية واجبات منه .

_خلاص إتجوز ، و إستنى سنة سنتين كده و بعدين إبقى فكَّر في موضوع العيال و الخلفة .

نفى "كارم" برأسه .. و هتف بضيق :-
_برضو لأ .

_طب أنا عايز أتجوز .

قالها "فادي" بضيق ، فتمتم "كارم" ببساطة :-
_إتجوز .

_عُرفي!
رددها "فادي" بحماس أثناء توقفه من مكانه .. فتوقف "كارم" سريعًا ليوقفه قبل أن يخطو خطوة واحدة خارج المنزل :-

_عرفي إيه يا متخلف أنتَ!

_ما دي الطريقة الوحيدة .. يا إما عرفي و من ورا أبويا و أكتِّم على الموضوع ، يا إما أتجوز و أحط الحج قدام الأمر الواقع .. ده مش بعيد يتجلط فيها دي .

_"فادي" متفكرش تاني ، أنتَ دماغك مسرفلة خالص .. أقعد و أسكت .

نفخ "فادي" بضيق .. و دفع "كارم" عنه قائلًا :-
_متكلمنيش ، و اسمي ميجيش على لسانك .. و مش جاي الشغل عندك تاني إعتبرني مُستقيل .

أنهى حديثه و اِتجه نحو الباب ينوي الرحيل .. فركض خلفه "كارم" سريعًا حتى أوقفه متسائلًا :-
_رايح فين؟

_ماشي .. و مش جاي عندك تاني .. هروح أضرب مخدرات و حالتي تتدهور و أخسر صحتي و فلوسي و أقتل الديلر عشان يديني جُرعتي ، و بعدها...

بتر حديثه ببلاهة للحظات ، و بعدها ردد ساخرًا :-
_بعدها إيه!! مفيش بعدها خلاص كل سنة و أنتَ طيب .. دول هيمرجحوني بحبل المشنقة .

دفعه "كارم" بضيق تجاه الباب متمتمًا :-
_متوجعش دماغي معاك يا أوڤر .. أقولك! إمشي إطلع برة .. بــــرة .