تنهد ورجعات بيه الذاكرة لنهار وصلاتو الرسالة التانية...ومن بعد مانساحب سعد من عنده...فضل انه يبقا فالمكتب يشوف شي حل...بقا حتى لوقت متأخر من الليل...حتى دخل حكيم من بعد ماوصلهالو سعد...
🔙🔙🔙🔙🔙🔙
دخل كان المكتب كولو مرون سفاه على علاه...تنهد بحزن على ولدو وتقدم لعندو...كان نيت واقف حدا الشرجم خاشي يديه فجيبو وساهي بتفكيرو لبعيد حتى انه ماحسش بيه فاش دخل حتى تحطات يد على كتفو عاد وعى على راسو...
"كولشي عندو حل ماديرش فبالك"
شافيه وقاص بوجوم ورجع شاف قدامه نطق بخفوت...فلحظة نسا خصامهوم فاش تشد منير...
"بقات فيا الشمتة الواليد...كان بامكانو يقتلها مدام عرفها وبلا مانسيق ليه الخبار..."
تنهد الحاج حكيم وزير على كتفو...
"ربي كبير...دبا خاصك تخمم فشي خطة وتنوض تحرك انا واقف معاك"
مسح على وجهه بتعب وشافيه بحيرة...
"هاد المرة تلفت ماعرفت منين غانبدا...بغيت غي نعرف كيفاش حتى عرف بزواجي!"
بقا شحال ساكت عاد نطق...باهتمام...
"فينهوما الرسائل بجوج؟"
كان حاطهوم غير فوق البيرو نعتليه بيديه ورجع دار...تمشا الحاج حكيم حتى للمكتب...هزهوم بجوج وحدة باينة قديمة والاخرى مكمشة...
بقا مدة كيشوفيهوم عاد نطق...
"نفس الخط تقريبا..."
حطهوم ومشا عندو تاوصل حداه بقا شحال ساكت عاد قال بندم...
"منير كان جزء من عصابة الشيطان قبل مانخرج انا تقاعد..."
شافيه وقاص بنظرة مذهولة وتمتم بعدم تصديق...
"كيفاش؟ شنو كتكول؟"
شافيه حكيم ودوا بتأكيد...
"من بين المرات لي غطيت عليه فيهوم كانت فعملية تابعة للشيطان..."
كانو نظرات وقاص كيتبدلو من القسوة للحدة للشك...حتى عاود نطق حكيم...
"غي تهنا تأكدت بلي مابقا عندو علاقة بالعصابة قبل ماترجع انت فهاد البوسط يعني العمليات الاخيرة كان بعد...ومابقات عندو علاقة بالشيطان...وهادشي لي خلاني نسكت...مابغيتكش تغلط فولد عمك...وانا غلبات عليا العاطفة على ضميري المهني بحكم الدم لي شاركين كنت كنغطي عليه شحال من حاجة...ولاكن كون متأكد كون عرفتو باقي معاه فالفترة لي ماتت نوال الله يرحمها كنت انا اول واحد غايشدو ويوقف فوجهه...غي تهنا من هاد القضية...انا كولتلك هكا غير باش تكون فبالك ويقدر يكون عارف شي معلومة من بعيد او من قريب على العصابة"
كانو كلماته كيدخلو لمسامع وقاص بحال القرطاس...كيحلل فكل كلمة خرجات من فمو ويربطها فدماغو مع بزاف دالاحدات...لاكن لي صدمو هو باه لي كان ساتر عليه شحال من حاجة...
زير على قبضة يديه بعصب ونطق بسخط...
"اخرج الواليد متخلينيش نغلط فيك هاد الليلة"
حكيم قدر موقفه وهادشي لي سمع ماشي ساهل...انسحب في صمت على امل حتى يبرد ويعاود يهضر معاه...غير زدح الباب حط راسو على زجاج النافذة مغمض عينيه كيطلع النفس بالزز فمحاولة منو انه يبرد...
حتى سمع صوت التيليفون كيصوني مشا هزو كان رقمها هو لي مضوي الشاشة...كلس على المكتب وقطع الصوت لتيليفون لا هو قادر يجاوبها ولا قادر حتى يشوفها...كون وقعاتلها شي حاجة قبل ماتوصلو دك الرسالة ماكانش غايسامح راسو ابدا...وكان غاينهار هاد المرة دون شك! هز داك الرسائل بجوج كيعاود يقرا فيهوم حرف بحرف وكل حرف كينهش فعروقو بحال السم...
رسالتين شكلو كابوس فحياتو الاولى وصلات من بعد ماتقتلات نوال...كان مكتوب فيها بالخط العريض...على لسان الشيطان...
"حدرتك وماسمعتيش والدم بالدم...ولدي مات وتبعاتو مرتو منتاحرة...خديت روح من عندك وباقي كنسالك روح...وغاتكون اي وحدة رتابطتي بيها مدامك عايش أنا طيفك وعيني عليك" الشيطان....
أنت تقرأ
رمنتي بالهوى عيناكِ
Romance💣💣💣💣#حصريا_على_بار_36💥💥💥💥💥 #رمتني_بالهوى_عيناكِ واخييييرا قدرت نلقا عنوان مناسب...هاد المرة ماغاندير حتى تقديم للقصة وماغانحط حتى شروط...هاد المرة غي قراو وصافي🤗🤗🤗 من بعد ماقررتو أنها تكون قصة طويلة هاناااا على سعدي وعدي مشيت اللليلة كام...
