تحت عينيها رجع زرق...شعرها كولو تشعكك...حتى من الزيف طاح على كتفها مارداتوش...أثار ضرب مدمغين على وجهها...كتلهت من فرط التعب...كالسة فمكتب بوحدها...كتكمد الضرب لي عطاوها حتى تهز قلبها فاش تحل الباب ودخل مخنزر...غير شافها مزوقة شقت ابتسامة عابتة تعابير وجهه القاسية...
"مدام خديجة...كيضهرلي ضايفوك مزيان هاد الناس؟"
مانطقات بحتى حرف...يديها ورجليها كيترعدو والرعشة شاداها...كاع ضلوعها مقسومين...حتى رجع نطق بحدة خاشي يديه فجيايو...
"ايلا كانت عجباتك الزيارة ومابغيتيش تعاودي ضايفي لتحت...غاتعاودي كااع داكشي لي طرا...وبالتفصيل"
سكت شوية ..هز صبعه فوجهها بتحذير...
"و وااايااااك تكذبي..."
هزات يديها مسحات دموعها وقالت بخفوت...طالبة الاستعطاف...
"زعما راه كنا شاركين الدم حشومة دير فيا هاد الحالة...اهئ اهئ"
زاد قرب منها متناسي تماما هضرتها ونطق بحدة...
"شنو دخل يدير خوك عندها مع الفجر؟؟ "
من هضرته عرفاتو عارف شي حاجة...حدرات راسها والسخانة طالعة معاها...هادا لي قدامها ماساهلش وهي جات عندو برجليها...شهقات بقوة فاش ضرب بيديه فوق الطبلة...
"وااااانطقي واااش غانباتو هنااا؟"
علات راسها شنايفها كيرجفو ولون وجهها مخطوف...حركات فمها ونطقات بخفوت...
"مااعرفتش...انا حتى سمعتو غوت فاش ضرباتو كنت ناعسة والنعاس خو الموت...فاش مشيت لقيتها هربات وهو غارق فدمو"
مسح على وجهه بتعب كيحاول يبرد قبل مايفوت فيها شي ضربة وقال بتوجس...
"زعما هادشي ماشي من تحت راسك؟ معاك فالدار وماعرفتيش اش كان كيدير معاها؟ وعاادي يبقا معاكوم فالدار سكران من الفوق؟"
بلعات ريقها وقالت بتأكيد...
"والله مااعرفت نعست بكري...غلطت فاش خليتو معانا كون يسحابلي غايطرا هادشي كااع ماندخلو"
تقاد فوقفته وقال ببرود...
"كيبانلي داك العصا لي كليتي واقيلة مكراتش فيك هادشي لي خلاتك تكولي...اذن غانكترو لادوز هاد المرة يالله تعتارفي شنو هي الحقيقة وعلاش كذبتي فالمحظر..."
تم غادي جهة الباب كيضرب بصباطو عل الارض...بينما هي رجليها فشلو وعينيها كيدورو بلاصتهوم بذعر...كتمنا يكون غير كابوس وتفيق منو...كتشوف نهايتها بين اربعة قضبان بعينيها...حتى قرب يوصل الباب ونطقات بسرعة...
أنت تقرأ
رمنتي بالهوى عيناكِ
Romance💣💣💣💣#حصريا_على_بار_36💥💥💥💥💥 #رمتني_بالهوى_عيناكِ واخييييرا قدرت نلقا عنوان مناسب...هاد المرة ماغاندير حتى تقديم للقصة وماغانحط حتى شروط...هاد المرة غي قراو وصافي🤗🤗🤗 من بعد ماقررتو أنها تكون قصة طويلة هاناااا على سعدي وعدي مشيت اللليلة كام...
