يا الله كم من عيون رأيتها و لا تأثرت و منذ ان رأيت عيناها هي فقط تحيرت فكيف لعينان أن تسرق القلب ! السرقه حرام و لكن سرقتها هي لقلبي حلال ،رضيت بسرقتها للقلب أصبحت مريض بحبها و أشتاق لها ، فما علاج الإشتياق سوا رؤية الحبيب! رضيت بها نصيب و تغيرت .☆☆☆☆☆☆☆
دخلت هبه "والده نوران " فى تلك اللحظه و نظراتها الغاضبه لا توحي بالخير ابداً
تبادلت نوران و إيمان النظرات بخوف مما هو قادم و من تلك المواجهة الشرسه التى على وشك الحدوث ..
تحدثت هبه بصرامه
-برا يا إيمان ، خليني اتكلم مع بنتي
نوران بندم و خوف
- ماما انا اس
قاطعتها هبه بقولها الصارم أكثر و بنبره عاليه
-قولت برا يا إيمان
نظرت إيمان إليها بإحراج و غادرت الغرفه و هى تلعن بداخلها وجودها في ذلك المنزل
نظرت نوران إلى والدتها بخوف
- ماما انا عايزاكي تفهميني،انا مش فاكره حاجه والله
هبه بغضب و هى تقترب منها لتجذب خصلاتها بين يديها بعنف
- بقى يا بنت ال**** تيجي متأخر و سكرانه و مش فى وعيك ، لا و كمان مع مين !!! مع ابن سهير!!!!! الناس تقول اى عليكي دلوقتي؟؟؟ انا معرفتش أربيكي و هربيكي من اول و جديد
نوران ببكاء و هى تتأوه
- والله انتِ فاهمه غلط ، انا مسكرتش ، انا كنت مع محمود علشان افهمه يبعد عني لإنه كان بيطاردني و هو فهم كده ، و معرفش اى حصل بعدها انا مش فاكره حاجه
هبه بغضب
-مفكراني هصدقك؟!! انا هجوزك و فرحك الإسبوع الجاى كمان من غير خطوبه
نوران ببكاء شديد و هى تتوسل
- لأ يا ماما حرام عليكي ، انا مش عايزه أتجوز متعمليش فيا كده علشان خاطري
هبه بنبره عاليه و غضب
-اخرسي،انا عارفه مصلحتك و هربيكي يا نوران ،و عقابك كمان انك هتتجوزي آدم الطرابيلي ابن صاحب ابوكي
نوران بغضب و بكاء
- لأ ،أنا لا يمكن اتجوز الإنسان ،ده علشان خاطري سيبيني اعيش حياتي زي ما انا عايزه ، ده آدم ده متجوز و مطلق ، يرضيكي اتجوز واحد مطلق؟!
هبه بغضب
-ايوا يرضيني علشان انتِ متربتيش ، و فضيحتك بقت على لسان الجيران بعد ما شافوكي جايه مع المحروس امبارح و انتِ سكرانه ، ده انتِ تدعي بس إن آدم يرضى بيكي
نوران بغضب
-يوسف مش هيوافق على الهبل إللى انتِ عايزه تعمليه فيا ده و هيوقفلك
أنت تقرأ
أقدار مترابطه❤
Lãng mạnأقدارهم مترابطه معاً بخيوطٍ خفيه ، قلوبهم تترابط معاً شيئاً فشيئاً بخيوط الحب المُعقده فليس للقلب حينها سوى أن يخضع لتلك العيون ♡
