أقدار مترابطه❤

الفصل السابع

الفصل السابع

قبل اى حاجه انا بالرغم انى شايفه ان الروايه مش واخده حقها لسه و لسه فيه أحداث كتيره اوي جايه بس انا هكمل و مش هوقفها ❤ و اتمنى تعملوا فوت و كومنت اعرف رأيكم فيها و لو شايفين انها متستاهلش أكملها قولولي و اكملها برضو عادي 😂😂

يلا بيناااااا

ضحكت سلمى و لأول مره منذ زمن

يوسف : انتِ عاجبك الواقفه دى فى المطر يعنى !

سلمى بإبتسامه:تعرف انا بحس المطر ده بيغسل الروح كدا و بيريح النفسيه ده كفايه ريحه الشوارع و
قاطعها يوسف بتعجب:انتِ هتدينى محاضره عن فوايد المطر انا هيجيلي برد حضرتك و انا واقف و عاطيكي الجاكت الجلد الغالي بتاعي ابو الف جنيه

سلمى بتكشيره:هو انت بشخصيتين؟! و بعدين جاكت اى اللي بألف جنيه ده انت مفكرنى عبيطه ده انت تلاقيك شاريه من العتبه ب ١٠٠ جنيه

يوسف بصدمه:١٠٠جنيه !!!! ثم تابع بثقه انا مش هلومك اصل اكيد انتِ معذوره برضو ما انتِ متعرفينيش كويس و اى بشخصيتين دى شيفاني مجنون قدامك !

سلمي بتصنع الغضب:انت اوقات تكون طيب و اوقات تقلب ل انسان معندوش ذوق و بعدين انا لي بشوفك فى كل مكان اروحله!!!

يوسف :والله انا مش عارف مش يمكن تكوني بتراقبينى مثلاً؟

سلمى بصدمه:انا أراقبك انت ! لي ان شاء الله

ضحك يوسف :اصل انا فيه بنات كتير معجبين بيا

سلمى بنفى:و انا مش معجبه بيك و لا هعجب بيك

يوسف و هو يضع يديه بجيب بنطاله و رفع كتفيه بلامبالاه :و انتِ اصلاً مش من نوعي المفضل

.......
كانت اسراء داخل الغرفه الموضوع بها صديقتها ايمان و كان يقف معهم عبد الرحمن و كانت ايمان مازالت فاقده للوعي و لكنها بدأت ان تستيقظ و عندما فتحت عيناها وجدت ذلك الشاب التى تعرفه و لكن غلبها النوم اثر المخدر مره ثانيه

عبد الرحمن ل اسراء:معلش انا هضطر امشي علشان اختى ثم اخرج كارت من سرواله و أعطاه ل اسراء و هو يتابع و ده الكارت بتاعي و فيه رقمي لو احتاجتوا حاجه انا عبد الرحمن عرفه الزيات مُحاسب فى بنك

اومأت له اسراء بإعجاب و تحدثت:شكراً انك انقذت ايمان هى فعلاً كان فيه واحده معانا هددتها انها مش هتسيبها و كدا بس اكيد ده كله من وراها

عبد الرحمن :خلاص دوروا على محامي كويس و ارفعوا عليها قضيه و انا فى الخدمه

غادر عبد الرحمن سريعاً إلى شقيقته

كانت سهير  "والده فاطمه " تجلس بغرفتها و تبكي على ابنتها و بداخلها حقد تجاه يوسف هى تظن أن لو كان فريد خطب فاطمه من البدايه لم يكن ليحدث كل ذلك