"غالبًا ما يتحدّث الناس عن القسوة الوحشية للإنسان، لكن ذلك غير عادلٍ ومُجحف بحقّ الوحوش، فلا يمكن لحيوان أن يكون بقسوة الإنسان، بتلك القسوة الماهرة بل والفنية أيضًا"
"دوستويفسكي"
على طاوله الطعام
سحر بترحيب:نورتنا يا حبيبي
يوسف بإبتسامه:بنورك يا طنط و تسلم ايدك الاكل تحفه
عبد الرحمن بعد ما خرج من غرفته بسبب المكالمه التى جاءته من ايمان
عبد الرحمن بإبتسامه:منور يا جو
كانت سلمى تنظر إليه و تريد أن تعتذر منه مره ثانيه على ما قالته له
نهض يوسف سريعاً :طيب انا همشي بقى لان لازم اروح المكتب
سحر بإعتراض:ازاى يا ابنى! دا انت يعتبر مأكلتش حاجه و لا حتى شربت الشاى معانا كنت عايزه عرفه يشوفك كمان
يوسف بإبتسامه:والله كان نفسي اقعد اكتر بس صدقينى مش هينفع
سحر :خلاص يا ابنى إللى يريحك
اوصل عبد الرحمن يوسف إلى باب المنزل و نظر يوسف قبل أن يغادر إلى سلمى و غادر
سحر :حد يفهمنى بقى دا جه هنا ازاى؟ عبد الرحمن طلع قالي انه محامي و بس مقالش اى حاجه تانيه
عبد الرحمن :يا ماما هفهمك
سحر :يلا فهمني
تحدثت سلمى مسرعه بتوتر :الوليه اللي اسمها اسماء كانت عايزه تخطفنى و انا خوفت كنت مرعوبه و مقدرتش اقاومها انا فجاه لقيت نفسي بقع على الأرض و محستش بحاجه بعدها غير و انا فى المستشفي
سحر بأعين متسعه اثر الصدمه: اى الكلام إللى انا بسمعه ده!!!! ثم تابعت حديثها بغضب ظهر على ملامحها هى مفكره نفسها مين يعنى!!!! ده إللى يجي ناحيه اى حد من ولادي اكله بأسنانى .
عبد الرحمن بهدوء: و مين قال اننا هنسيبها؟ انا اتفقت مع يوسف اننا هنوديها فى داهيه و هو محامي و هيساعدنا و هنعملها محضر عدم تعرض فى القسم
كانت سلمى تنظر يميناً و يساراً بخوف و بدأت يدها ترتجف
سحر بغضب:انا مش فاهمه ازاى قدرت تعمل كدا !!!جابت منين الجرأة!!! هى عايزه اى مننا
وصل عرفه فى تلك اللحظه
عرفه بعدم فهم:هى مين دي ! فى اي
عبد الرحمن و هو يتجرع من المياه الغازيه :يا بابا كل الحكايه ان ام فريد الحربايه اتعرضت ل سلمى النهارده بس الموضوع ده مش هيعدي بالساهل و هاخد حقها
عرفه بصدمه:اتعرضتلها ازاى يعنى!!
-خلاااص بقى كفايه
صرخت سلمى بتلك الجمله و ظلت ترتجف و تبكي
أنت تقرأ
أقدار مترابطه❤
Romanceأقدارهم مترابطه معاً بخيوطٍ خفيه ، قلوبهم تترابط معاً شيئاً فشيئاً بخيوط الحب المُعقده فليس للقلب حينها سوى أن يخضع لتلك العيون ♡
