تراجع مصطفى للخلف بخوف
-ده شكله مات
هرب مصطفى سريعاً من المكان مستعيناً بسياره عبد الرحمن
................
كان محمود شقيق فاطمه يجلس فى إحدى المقاهي الشعبيه مع صديقه المقرب "غانم"
غانم بضحك
-مالك يسطا حزين كدا لي ؟
محمود بمضض
-سيبني يا غانم دلوقتي انا مش ناقص
لاحظ غانم حزن صديقه و حاول أن يتكلم بجديه
-مالك فيك اي ؟!
محمود بحزن ظهر بعيناه و بنبره صوته
- انا مش عارف اعمل اى مع نوران انا بحبها بس هى بتبعدني عنها
غانم بتفكير
- طيب ما تفكك منها البنات كتير يعني
تحدث محمود بصدق و لمعه فى عيناه
- بس نوران لأ نوران مش زي باقي البنات فى نظري ملهاش شبيه انا اصلا مش قادر اشوف غيرها البنات كلها ماتت فى عيني و كلمه بنت بقت بالنسبالي "نوران"
غانم بضحك
- لا ده انت واقع من الدور السابع
محمود بتذمر
-تصدق انى غلطان اني بحكيلك ! انا قايم ماشي
نهض محمود من مقعده ليغادر و لكن أوقفه إمساك غانم بيده
غانم بتأسف
-خلاص يعم اقعد انا آسف بتقفش لي
محمود بتكشيره
-اصل انا قاعد احكي و انت بتضحك
غانم بجديه
-خلاص خلاص مش هضحك تاني ، انا هحاول اساعدك علشان تعرف بس قيمه صاحبك
اعتدل محمود فى جلسته و أعطاه كل اهتمامه
-تساعدني ازاى ؟
غانم برفع كتفيه و تحدث ببساطه
- مش انت عايز تتجوزها ! يبقى خلاص اعتبره حصل
محمود بعدم فهم
-و انت بقى هتعمل ده ازاى! ثم اكمل بسخريه ساحر انت يعني مثلاً!!
غانم بضحك
- لأ مش ساحر بس دماغي اجدع من مليون ساحر
محمود بجديه
- لا بجد هتعملها ازاى؟
غانم بإبتسامه شيطانية
-بص يا سيدي
بدأ غانم ان يشرح له كيف تعود نوران اليه و اختتم حديثه بقوله
-و بس كده اى رأيك
نهض محمود من مقعده و تحدث بصدمه
- يا نهار اسود !!!!
●●●●●●●●●●●●
فى منزل عرفه الزيات
سحر بقلق
-سلمى قومي اصحي
سلمى بنعاس و أعين مغلقه
-سيبيني انام يا ماما
ضربتها سحر بخفه على كتفها
-قومي يا بت اخوكي مجاش من امبارح انا قلقانه عليه و قلبي واجعنى
استيقظت سلمى سريعاً و اعتدلت فى جلستها على الفراش لتتحدث بصدمه
-يعني اي مجاش !!!
سحر ببكاء
-مش عارفه يا سلمى و قلبي من امبارح مقبوض
أنت تقرأ
أقدار مترابطه❤
عاطفيةأقدارهم مترابطه معاً بخيوطٍ خفيه ، قلوبهم تترابط معاً شيئاً فشيئاً بخيوط الحب المُعقده فليس للقلب حينها سوى أن يخضع لتلك العيون ♡
