الماضي قد مضى! لا تعيش به عش بالحاضر لا تدفن روحك في مكان لم يعد لك ! 🖤
♡♡♡♡♡♡♡♡♡♡♡♡♡♡♡♡♡♡♡
كانت نوران تجلس بغرفتها لا تعلم ماذا تفعل ، هي لا تريد الزواج من أى شخص حتى محمود لا تريد الزواج منه رغم أنها تحبه و لكن تنكر ذلك
دخلت إيمان عليها لتجلس بجانبها و تتحدث بهدوء
- لو فيه اي حاجه احكيلي ...انا عارفه انكوا طبعا مش واخدين عليا في البيت و كده بس انا مهما كان اختك يعني و ممكن افيدك في مشكلتك لو حكتيهالي
كانت ستتحدث نوران لولا دخول هبه لتقول بصرامه
-جهزي نفسك ، آدم جاي كمان شويه علشان نتفق على ميعاد خطوبتك و ابوكي هيجي يقعد معاه
وقع حديث هبه على نوران كالصاعقه و تحدثت بضيق
-اللي بتعمليه ده مش صح !!! انا مش عيله صغيره علشان تغصبي عليا الجواز و يوسف ميرضاليش بكده و مش معنى انك اخدتي مني الموبايل اني مش هعرف اوصله لأ انا هوصله و هعرفه باللي بيحصل
اقتربت منها هبه و هي تقول بنبرة تحمل التهديد
- طيب قوليله ،و انا هقوله انك جيتي مع محمود في وقت متأخر ، لأ و كمان كنتِ سكرانه ، ووقتها نشوف هيكون رأيه ايه في اخته المحترمه
أتسعت أعين نوران و هي لا تستوعب أن من يقوم بتهديدها هي والدتها!! و تحدثت بنبرة مهتزه
-انتِ بتهدديني يا ماما؟
تحدثت هبه بصرامه
-افهمي زي ما تفهمي ، انا عايزاكي تقومي تحطي حاجه على وشك و تلبسي اي فستان قبل ما الناس تيجي
بصقت هبه بكلماتها و غادرت تاركه نوران خلفها تبكي !
تحدثت نوران بلهفه و قد راودتها فكرة
-إيمان ممكن خدمه؟؟ علشان خاطري يا إيمان ساعديني
نظرت لها إيمان بشفقه على حالتها تلك و تحدثت بنبرة لينه
-صدقيني لو في ايدي إني اساعدك هساعدك
ابتسمت نوران و نهضت من فراشها لتجذب إيمان في عناق دافئ و تحدثت بحب
-شكراً لوجودك جنبي ، صدقيني انا عمري ما هنسالك وقفتك جنبي
ابتسمت إيمان و هي تقول
- طيب قوليلي عايزاني اعمل ايه؟
"و بس يستي هو ده المطلوب منك " اختتمت نوران حديثها بتلك الجمله بعد أن أخبرت إيمان بخطتها لتتسع أعين إيمان و هي تقول بدهشه
-انتِ اكيد بتهزري يا نوران صح؟؟؟ دي مصيبه انتِ مستوعبه!!!
أنت تقرأ
أقدار مترابطه❤
Romanceأقدارهم مترابطه معاً بخيوطٍ خفيه ، قلوبهم تترابط معاً شيئاً فشيئاً بخيوط الحب المُعقده فليس للقلب حينها سوى أن يخضع لتلك العيون ♡
