لا اله الا انت سبحانك انى كنت من الظالمين
الفصل الثالث (طلاق )
بعد يومين
. غادرت سيلا المشفى بعد ان تحسنت حالتها وذهبت الى بيت اهل زوجها كما طلب منها
فتحت لها ام ياسر الباب
_ازيك ياماما
_اهلا ياختى خشى ، عاملة زى القرش البرانى كل مانصرفه يرجعلنا تانى
تنهدت سيلا بحزن
_الله يسامحك ياماما
_ايوة ياختى اتمسكنى فيها واعمليهم عليا ،اعملى حسابك هتصحى بدرى كل يوم تخلصى شغل البيت قبل ماتروحى على شغلك ، ولاتكونى فاكرة نفسك فى فترة نقاهة ومستنية منى انى اخدمك
سيلا باذعان
_.حاشا لله ، حاضر ياماما اللى تشوفيه
تابعت ام ياسر سلسلة اوامرها
وبنتى وعيالها لما يجوا اخر الاسبوع هتسبيلهم الاوضة وتنامى برا على الكنبة
هتف ابو ياسر مقاطعا
_بالراحة عليها ياولية مش كده دى لسه خارجة من المستشفى و تعبانة ،بقولك اية ياسيلا ابقى سبيلى كارت الفيزا بتاعك يابنتى علشان اقبضلك مرتبك
هتفت سيلا باعتراض
_وده ليه ان شاء الله ؟
ابو ياسر _انت مش هتقعدى معانا وهتاكلى من اكلنا وتشربى من شربنا يبقى لازم تدفعى زيك زينا
_ايوة بس ده وقت مؤقت وهرجع بيتى تانى
ام ياسر بتهكم
_اما تبقى ترجعى ياختى
سيلا بشك
_تقصدى ايه ياماما ؟
لوت فمها مغمغمة
_مقصدش ،بس زى ماعمك قالك، طالما قاعدة معانا يبقى هتدفعى ،بالعربى كده احنا مش حمل مصاريف شحطة زيك
سيلا باذعان كالعادة
_حاضر ياماما
_جتك مو، غورى يلاا من وشى
دلفت الى الغرفة وارتمت على الفراش تبكى بقهر
_ليه يادنيا بتعملى فيا كده ،انا عارفة انى غلطت بس عقابك قاسى عليا اوى يارب
استغفر الله العظيم يارب ،يارب انا راضية بقضاءك وطالبة رحمتك ثم اخذت تردد دعاء سيدنا نوح
_انى مغلوب فانتصر _انى مغلوب فانتصر
حتى غلبها النعاس
________________
قصر المنشاوى
استيقظ من نومه عطشا ،تطلع يمينا ويسارا ولم يجد دورق الماء على الكومود بجانبه ولم يرى الممرضة المرافقة له ايضا
_عطشان ،عطشان
نادى على ابنته والممرضة التى ترعاه لكن للاسف لم ينتبه اليه احد
سحب كرسيه المتحرك الموضوع بجانب الفراش وحمل جسده بصعوبه ليجلس فوقه ولكنه للاسف فقد السيطرة على نفسه وسقط على الارض بينه وبين الفراش ،فجلس يبكى بصمت متحسرا على قوته وشبابه الذى ولى
&&&&
عاد من عمله مرهقا بعد يوم شاق متعب ، يحمد الله انه ليس لديه اى رحلات باليومين القادمين، لذا سيرتاح وينام فجسده مرهق للغاية ، ولكنه سيذهب اولا ليطمئن على جده قبل ان يخلد الى غرفته ،لم يجده على الفراش فبحث عنه بعينيه بارجاء الغرفة حتى سمع صوت همهمة بكاء فانتفض بذعر
_جدو حبيبى اللى وقعك كده ؟
_كنت عايز اشرب ،ومعرفتش اقوم
حمزة بغضب
_وفين الزفتة اللى معاك
ثم ضمه الى صدره وقبل راسه بحنان
_حقك عليا انا ياحبيبى
مسح دمعة فرت من عينه ثم حمله ووضعه على فراشه
_ثوانى وهجبلك ماية ،اتجه الى الثلاجة الصغيرة الموضوعة بجانب الحائط وهو يتطلع على تلك التى تقف فى الشرفة تتحدث فى الهاتف وتضحك بصوت عالى ولم تنتبه لشئ
حمل كاس الماء وسقاه ثم دثره جيدا بالغطاء
_تصبح على خير ياجدو ،انا هنا جنبك لو عوزت اى حاجة
ثم ذهب لتلك الواقفة تواليه ظهرها
وبصوت غاضب جاهد ان يبقيه منخفض قدر الامكان حتى لايزعج جده
_انتى يازفتة
التفتت الممرضة بخوف
_ايوة يابيه، فى حاجة؟
_تقدرى تقوليلى انتى هنا ليه ؟
توترت وهتفت بتلعثم
_انا ه.نا عشان ..جد حض..تك
اشار اليها ان تصمت وهتف بحدة
_ حالا تلمى هدومك ومتورنيش وشك تانى
_بس يابيه
_اخرسي خالص مش عايز اسمع صوتك ، براااا
ثم اتجه الى غرفة شقيقته سما التى تجاور غرفة جده مباشرة ،ووجدها تجلس امام الحاسوب وتضع سماعات الاذن لذلك لم تسمع ندائه ،ازال عنها السماعات بقسوة
_آاى ، ايه فى ايه ؟
_فى ان حضرتك قاعدة هنا فى دنيا تانية ،ومتفكريش حتى تطلى على جدك وتشوفيه اذا محتاج حاجة وتراعيه ولا لازم اسيب شغلى واراعيه انا بنفسى
غمغمت بلا مبالاة
_والممرضة اللى بتقبض قد كده دى لازمتها ايه، بقى لما انا اللى هراعيه واخد بالى منه
صاح بغضب
_احنا من دمه لكن الممرضة مهما كان غريبة ومش هتخاف عليه زينا
سما بتافف
_اوف بقى احنا مش هنخلص من موشح كل يوم ده
_والست الوالدة فين هى كمان ؟
_فى النادى
تطلع بساعة يده
_لسه فى النادى لحد دلوقتى دى الساعة بقت 12
،اخرج هاتفه النقال من جيبه واتصل عليها
ولكنها رات الرقم ولم ترد فعاود الرنين
التفتت هدى للجالسين معها على طاولة القمار وهتفت بتأفف
_اسفة ياجماعة مضطرة ارد
هتفت بامتعاض
_ايوة ياحمزة
حمزة بغضب
_سيادتك فين لغاية دلوقتى ؟ فى ام محترمة تفضل برا بيتها لنص الليل كده
انت ازاى بتكلمنى كده انت ناسي انى امك وواجب عليك تحترمنى
حمزة بعصبية _المحترم محترم بافعاله ولولا انك امى زى مابتقولى انا كان ليا تصرف تانى معاكى ،قوليلى انتى فين وانا جايلك
هدى بتوتر
_مالوش لزوم انا اصلا جاية فى السكة ثواتى وهبقى عندك
_تمام
اغلق معها الهاتف وهو يزفر بضيق بينما هى التفت للجالسين معها
_اسفة ياجماعة مضطرة امشى
_ليه بس كده ياهدهد ده البرتيتة ابتدت تسخن
ردت بامتعاض
_ معلش تتعوض وقت تانى ، سى حمزة شرف وانتوا عارفين بيغير عليا قد ايه ،يلا باى
__________________
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
