الفصل الثانى( حقير )
لم تكن تتخيل انه غليظ القلب لهذه الدرجة ،أ يتركها ممددة هكذا لاحول لها ولاقوة ويذهب مع تلك الافعى
مر امام عينيها شريط حياتها معه بأكمله
كان مجرد عامل بسيط باحد المتاجر ، ليس لديه شقة او اى مقومات للزواج ،ولكنها احبته بصدق ، ووقفت بجانبه ، حتى انها خسرت عأئلتها من اجله عندما رفض والدها زواجها منه ،واخبرها وقتها
_انه لم يرفضه من اجل فقره، ولكنه ذو سمعة سيئة فى منطقته وهو يخشى عليها منه ،فهو لن يعيش لها طوال العمر
ولكنها للاسف كانت معمية بوهم الحب ،
وصمت اذنيها عن سماع اى شئ يشوه صورته امامها
، ساندته وتزوجته بدون مهر او شبكة ، ووافقت ان تسكن معه فى غرفة فى شقة اسرته ،وتحملت ذل ومهانة منهم فوق طاقة البشر ، فوالدته لم تحبها ابدا و على الارجح كانت تريد تزويجه من ابنة شقيقتها منذ البداية ، خاصة مع تاخر حملها ونعتهم لها انها كالارض البور لا نفع لها ، حتى استطاعت ادخار بعض المال مع اخذ قرض كبير على راتبها واشترت شقة متواضعة تجمعهم سويا ، والذى صمم هو واهله ان تكتبها باسمه، فهو لايقبل على كرامته ان يعيش فى شقة باسم زوجته، ، كما ابتاعت له توكتوك ليعمل عليه ، لانه لم يكن يستقر باى عمل
و كان يخبرها دوما انه يريد ان يعمل حرنفسه ولايخضع لسيطرة احد فهو لم يخلق ليكون مرؤوسا
، وعندما طلقت ابنة خالته هى التى تكفلت باتعاب محاميها وساندتها حتى تحصل على حقوقها كاملة من طليقها بعد تعنت الاخير وتركها وطفلها بلا ماوى او معيل
ياالله كم هى ساذجة، احبته من كل قلبها واعتطه واهله من روحها ولم تجنى منهم سوى القهر والذل والخيانة ، ياليتها استمعت لكلام والدها ولكن فيما ينفع الندم الان
عودة الى واقعها
تحاملت على نفسها حتى وصلت لحقيبتها واخرجت هاتفها النقال ثم هاتفت زميلتها وصديقتها نهى
_الحقينى يانهى .انا بنزف
نهى بفزع
_ايه اللى حصل ؟😢😢😢
.طب اهدى ،متخافيش هبعتلك الاسعاف حالا
--------------
منزل عائلة ياسر
ام ياسر
_كويس انها عرفت ،كده بقى تحولوا العقد العرفى لرسمى وتتجوز بنت خالتك فى النور قدام الناس كلها
حدقت ثريا به بغضب _ ماترد يابيه ولا عجبك البصة اللى مراتك بصتهالى كانك جايب واحدة من الشارع ، كنت مستنى ايه علشان تقولها انى مراتك ؟دى جزاتى يعنى انى وافقت اتجوزك فى السر
ياسر بتهكم
_وانتى يعنى كنتى وافقتى بلوشى ،ماانتى اشترطى اكتبلك الشقة باسمك وانا نفذت
_امال يعنى كنت عاوز تتجوزنى فى السر ، وبعد ما تاخد غرضك منى تطلقنى ، ماانا كان لازم اامن نفسى
،اانتوا الرجالة ملكوش امان
ام ياسر
_خلاص ياولاد انتو هتتخانقوا بسببها ولا اية ؟
ياسر بقلق
_انا قلبى مش مطمن لا يكون حصلها حاجة ؟
صاحت ثريا بغضب
_لتكون خايف عليها ؟
وضع ذراعيه حولها بمهدانة
_ماتبقيش عبيطة ، انتى عارفة ان مفيش فى القلب غيرك انا بس خايف على اللى فى بطنها ماهو ابنى بردو
هتفت بغيرة. اضحة
_لا ياخويا متخافش ، دى زى القطط بسبع ارواح ،ده كله كهن حريم اسالنى أنا ،انت لازم تفهمها يا ياسر وضعى فى حياتك وانى زى زيها، بل احسن كمان
،انا معايا قلبك ،لكن هى مجرد معون شايل ابنك ،وبكرة انا كمان اخلفلك دستة عيال وهى تتركن على الرف وميبقاش ليها اى لازمة
قبل يدها بمهادنة
_حاضر ياحبيبتى هعملك اللى انتى عايزاه ، بس بالراحة مش عايزين مشاكل من اولها
لتهتف ام ياسر باستنكار
_وهى تستجرى تفتح بؤها ،مش كفاية استحملناها 7 سنين وهى زى الارض البور مش عارفة تخلفلنا حتة عيل ،وداخلالنا من غير جهاز ولا حتى قشاية
رن جرس هاتف ياسر النقال مقاطعا لينهض فزعا
_ايوة انا جوزها .....اية؟ مستشفى ..انا جاى حالا
_____________________
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
