لااله الا انت سبحانك انى كنت من الظالمين
الفصل الرابع عشر(مواجهة)
كانت فى غرفة الجد عندما استمعت لاصوات هرج ومرج تاأتى من الباحة الخارجية للقصر
هتف الجد متسائلا
_هو ايه اللى بيحصل بره ياسيلا ؟
تطلعت من الشرفة
_مش عارفة ياجدو ،فى رجالة كتير برا واقفين مع حمزة
&&&
الباحة الخارجية
حمزة _مش عايز اى شاردة او واردة تحصل فى القصر معرفش عنها حاجة ،فاهمين
_اوامرك ياحمزة بيه
دلف بعد ذلك الى غرفة الجد ،والقى التحية عليه وعلى سيلا
_ازاى صحتك النهاردة ياجدى ؟
_الحمد لله ياحبيبى ،ايه الدوشة اللى برا دى؟
_غيرت طقم الحراسة
الجد باستنكار
_طب ليه كده ياحبيبى تقطع لقمة عيش الناس ؟
حمزة بحدة طفيفة
_وهما ليه مراعوش اكل عيشهم ،انا متأكد ان هدى هانم اشترتهم كلهم وبقى ولائهم ليها هى ، والا كانوا عرفونى باللى بيحصل فى القصر من ورا ضهرى
هتفت سيلا بامتنان
_متشكرة اوى ياحمزة على الفستان وانك فكرت فيا ،بس مكنش ليه لزوم ماانت لسه جايبلى حاجات كتير
هتف حمزة قائلا بتوضيح
_بس ده حاجة تانية ، ولا نسيتى اننا هنعلن خطوبتنا فى الحفلة دى، ولازم تبقى مميزة ،لانك هتبقى محط انظار الجميع ، ده غير الصحفين والاعلام
رفعت حاجبيها بتفاجا فلم تكن تظن ان الحفلة كبيرة الى هذا الحد
_كمان صحافة ،بس انا مش واخدة على الحاجات دى ياحمزة ، ويمكن معرفش اتكلم واضرب لخمة
ضحك حمزة والجد عليها
حمزة مطمئنا
_الموضوع بسيط جدا ، حاولى بس تكونى على طبيعتك وردودك تبقى مختصرة قدر الامكان وانا هبقى ع طول جنبك متقلقيش
ثم تذكر شئ ما فقال مستطردا بمزاح
_اه صحيح فكرتينى ،كان فيه حد وعدنى يعملى ورق عنب ، وشكله كبر دماغه و طنش يرضيك كده ياجدى ؟
صاح الجد باشتهاء
_ورق عنب ،الله الله الله
نهضت سيلا وهى تبتسم ضاحكة
_الظاهر انه بقى مطلب شعبى ،ساعة واحدة وهيبقى قدامكم احلى طاجن ورق عنب باللحمة
حمزة بمزاح
_ هنشوف ،خلى بالك انا ناقد صعب جدا ومبجاملش حد
سيلا بثقة
_وانا مش عايزاك تجاملنى،لانى واثقة فى قدراتى
قهقه حمزة ضاحكا
_ياواثق انت
هتف الجد وهو ينظر فى اثرها
_خلى بالك منها ياحمزة ،سيلا طيبة اوى وحنينة ،اوعى تخسرها
ربت حمزة على يده
__ماتقلقش
_______________________
غرفة هدى
_طب اهدى بس ياجيسى وكل حاجة لها حل
جيسى بانفعال
_بعد اللى عمله ابنك خلاص مش هسمى على حد ،يعنى بعد صبرى ده كله عايز يتجوز واحدة تانية غيرى
هدى بكذب
_ده بيضحك عليكى ياهبلة ،لافى واحدة تانية ولا تالتة،حمزة ماحبش ولا هيحب واحدة غيرك هو بس عايز يحس بغيرتك عليه زى زمان
جيسى بعصبية
_كفاية كذب بقى ، انا اتاكدت بنفسى من المعلومات دى ،بس مبقاش جيسى ان مطربقتعا على دماغه ودماغك
_افهمى بس يا.....
لم تكمل هدى كلامها ب عد اغلاق جيسى الهاتف بوجهها
زفرت هدى بعصبية
_كله من الزفتة دى اللى معرفش اتحدفت علينا من اى داهية ،ثم تابعت بتوعد
بس على جثتى ان الجوازة دى تمت
&&&&&&&&
أنت تقرأ
انت العوض
Mizahدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
