لا اله الا انت سبحانك
انى كنت من الظالمين
الفصل الثانى عشر (حادث)
_الجوازة دى على جثتى انها تتم
حاولت سيلا ات تخرج من الغرفة ولكن حمزة امسك يدها ومنعها من الخروج ثم قال موجها حديثه لوالدته
_اهدى ياامى وافهمينى
هدى بصراخ
_مش عايزة افهم حاجة ، بعد ماصدقت طردت الجربوعة دى برا القصر وبعدتها عن جدك ،تقوم تروح انت تتجوزها وتلزقها فينا العمر كله ،بقى انت ياحمزة تتجوز الجربوعة دى انت مش فاكر كانت عاملة ازاى اول ما جت القصر
تطلعت على سيلا بنفور قائلة
_اوعى تفتكرى انه بيحبك ،حمزة عمره ماحب غير جيسى هى حبه الاول والاخير ،انتى بالنسبة له مجرد نزوة ،حاجة جديدة نفسه يجربها ولما ياخد غرضه منك هيرميكى فى ااقرب صفيحة زبالة
بهتت ملامح سيلا وشعرت بالخوف ان تكون بالفعل مجرد نزوة بحياته بينما صاح الجد سليم هادرا
_ما كفاية بقة انعرة و عنتظة فارغة ، انتى ايه فاكرة نفسك من طينة تانية غير طينة البشر ، وبعدين
عايزة تبعديها عنى وعن القصر ليه؟ طبعا علشان تعرفى تسرقينى كويس وتمضينى على املاكى
هدى بتوتر
_اسرق ك ايه ،واملاك ايه اللى بتتكلم عنها ؟
حمزة بعدم فهم
_انت بتقول ايه ياجدى ؟
الجد سليم بحدة
_بقول الحقيقة ،امك كانت جايبالى ورق على اساس ان خولى المزرعة بعته ، ولما اتصلت بيه قالى انه مبعتش حاجة ،وعرفت بطريقتى انها كانت بتمضينى على توكيل عام رسمى ليها ،ولولا سيلا شكت فيها ونبهتنى كان زمانى نايم على ودانى وهى بتبيعنى املاكى
اشارت هدى بيدها بتوتر
_ده بيكذب ياحمزة متصدقوش ،هى البت دى اللى من ساعة ماجت وهى بتملى دماغه من ناحيتنا ،وعملتله غسيل مخ ، عايزة تكوش عليه وعلى ماله
الجد سليم بعصبية
_اخرسى قطع لسانك ،هى حصلت تقولى عليا كذاب ،انا كنت ساكت من زمان على افعالك وطمعك ،فى الاول علشان ابنى الله يرحمه اللى اتخطف فى عز شبابه وقلت اهى ام احفادى ومسؤولة منى واترملت وهى شابة صغيرة ، وبعدكده علشان خاطر احفادى اللى ملهمش ذنب انك امهم
هدى بعصبية
_الظاهر انك راجل كبرت وخرفت ،والمفروض تتحبس فى مصحة
صرخ حمزة فيها بغضب
_امى لو سمحتى مايصحش اللى بتقوليه ده
هدى بعصبية
_يعنى مش سامع يبقولى ايه ،ده بيتهمنى بالسرقة وكله علشان خاطر الزفتة دى اللى فرقت العيلة كلها عن بعض
الجد بغضب
_بطلى تحشرى سيلا فى كل حاجة ،انا مبتهمكيش لا ،انا عندى الدليل على كل كلمة بقولها
اصفر وجه هدى بخوف بينما ضغط الجد على زر بجانب فراشه فاتت له جيلان على الفور
_افندم يا سليم بيه
هاتى الورق اللى قلتلك شليه معاك لما اطلبه
عودة الى قبل يومين من الان
جيلان _افندم ياسليم بيه
القبطان سليم _هدى هانم فين ؟
_خرجت من شوية
__عظيم ،هتطلعى اوضتها دلوقتى تدوريلى على ملف لونه ازرق متنزليش الا لما تلاقيه، وبعد كده تجبيه وتيجى
_اوامرك ياسليم بيه
وجدت جيلان الملف بالفعل فى خزانة هدى اسفل ملابسها ، واحضرته للقبطان سليم الذى قرا مابه وتحولت ملامحه للغضب الشديد عندما تأكد من شكوكه ثم وجه اوامره لجيلان
_خدى الملف خليه معاكى وخبيه كويس لوقت مااطلبه منك
هتفت بخوف
_طب لو الهانم سالت عليه ااقولها ايه؟
_متخافيش مش هتسال ، ولو سالت قوليلها انه معايا ،وتبقى تيجى تواجهنى بقى لو عندها الجرائة
أنت تقرأ
انت العوض
Comédieدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
