الفصل الرابع (قرار )
تطلعت بالشقة الدوبلكس الفاخرة التى تسكنها مع عائلتها ، بالاضافة الى وديعة برقم ما وامامه 6 اصفار باسم ابيها ، ووظيفة مرموقة لشقيقها باحد البنوك ،،لم تكن صفقة رخيصة على الاطلاق
هكذا تمتمت بداخلها بتهكم ،ولكن اين هى مشاعرها من كل ذلك ؟ لقد خسرت الرجل الوحيد التى أحبته بصدق واصبحت دمية فى يد رجل كريه تبغضه بشدة ، رجل يتعامل مع النساء كانهن جوارى له ولشهواته طالما هو يملك المال لشرائهن ، رجل
ولكن عفوا فهو ليس برجل من الاساس ،بكت بحرقة ،بكت كما لم تبكى من قبل ،حتى دلفت والدتها عليها الغرفة
_مالك ياجيسى ياحبيبتى بتعيطى ليه؟
غمغمت بتهكم
_يهمك تعرفى اوى؟
ربتت والدتها نيفين على شعرها
_طبعا ياروحى وانا ليا مين غيرك
وهنا انفجرت جيسيكا فيها بصراخ
_فى انى مش مبسوطة ، فى انى كارهة نفسي وحياتى
تابعت وهى تشير على محتويات الغرفة التى تتسم بالفخامة والرقى
_كنت فاكرة ان السعادة فى الفلوس والمجوهرات والعربيات ،انى اعيش كل اللى اتحرمت منه من صغرى ،بس اتضحلى انى كنت غلطانة
الفلوس صحيح ممكن تعيشك عيشة مرتاحة، تخليكى تجيبى كل اللى نفسك فيه ،لكن مبتقدرش تشتريلك السعادة وراحة البال مع الشخص اللى قلبك اختاره
فهمت نيفين علة ابنتها فتنهدت ظافرة بقوة
_حمزة تاتى ؟ مش كده؟
صرخت جيسى بانفعال
_تانى وتالت ورابع ،انا بحبه ياماما ،بحبه
افهمى بقى انى مش قادرة انساه ولا اطلعه من دماغى ،حاسة انى هموت لواختفى من حياتى او ارتبط بواحدة غيرى
_بعد الشر عليكى ياحبيبتى
مسحت امها على شعرها وتابعت بابتسامة خبيثة
_طب واللى تخليه يرجعلك
مسحت جيسي دموعها وانتبهت حواسها بامل
_بجد ياماما ؟ طب ازاى؟
_انتى عارفة مين اللى بتسهر معانا فى برتيتة القمار اللى ابوكى بيعملها كل يوم
شردت جيسى مفكرة
_ماتفكريش كتير وتتعبى مخك ،هدى هانم ربة الصون والعفاف ام حمزة حبيب القلب ، وطبعا مش صعب عليا اخليها زى الخاتم فى صباعى ،وهى اللى هتجيب ابنها لحد عندك برجليه
لمعت عين جيسى بابتسامة خبيثة وشعرت انها قد اقتربت من تحقيق مرادها بامتلاك حمزة الى الابد
لتخرجها نيفين من افكارها
_بس لازم تخلصى من جوزك الاول ،قبل ماننفذ اى حاجة
اتسعت ابتسامتها
_ماتقلقيش اول مل يجى الاجازة بتاعته هطلب منه الطلاق
_______________________
كانت تسير بتیه تشعر بالذل والقهر اضافة الى الام جسدها التی تان من الوجع ،هذا الحقير دمرها وسلبها كل شئ ، فرقها عن عائلتها الحبيبة ،نهب مالها ،طعنها بانوثتها وضاع معه حلمها بان تكون اما يوما ما ،والان باتت مشردة لا ماوى لها
؛ترى هل تذهب الى بيت اسرتها فهى بامس الحاجة اليهم الان، ولكن هل سيستقبلها والدها ويسامحها
فهى تعلم والدها جيدا فعلى قدر طيبته على قدر
عناده وعدم تهاونه فى الخطأ
ودون ان تفكر مرتين كانت تطرق باب شقتهم
فتح لها والدها الباب وظل يتطلعان ببعضهم لبضع ثوانى دون حديث حتى كسرت سيلا الصمت
_بابا ،وحشتنى اوى يابابا
حسن بجمود
_انتى مين ؟ وعايزة مين هنا ؟
سيلا بدموع راجية
_بابا ارجوك ماتعملش معايا كده ،انا بنتك سيلا حبيبتك اكتر واحدة قريبة منك
_سيلا مين انا معرفش حد بالاسم ده ،بنتى ماتت من زمان
اجهشت بالبكاء المرير
_انا اتطلقت يابابا ومحتاجالك ،محتاجالك اوى
حسن بتهكم
_ده شئ متوقع وطبعا هو اللى بهدلك كده
نادت زوجته عليه من الداخل
_مين اللى على الباب ياحسن ؟
_ده الزبال ،جاى ياخد الزبالة ثم تابع موجها حديثه لسيلا
_البيت ده متحرم عليكى طول ماانا عايش ،ارجعى مطرح ماجيتى واتحملى نتيجة اختيارك
سيلا برجاء
_طب خلينى اشوف ماما وهمشى ع طول ومش هوريك وشى تانى
_ام مين ؟ ماقلتلك انتى بالنسبة لنا ميتة وملكيش حد هنا
وقبل ان يغلق الباب اوقفته نبيلة زوجته حاملة فى يدها كيس من القمامة
_استتى ياحسن اديله الكيس د........
اتسعت عينيها بصدمة
_سييلا
سيلا ببكاء
_ماما وحشتينى اوى ياماما
_وانتى كمان ياقلبى
حسن بحدة
_ادخلى جوا يانبيلة
نبيلة برجاء
_استنى بس ياحسن مش شايف البت متبهدلة ازاى ومحتاجلنا
حسن عصبية _قلتلك ادخلى جوا ،احنا بنتنا ماتت
ثم اغلق الباب بقسوة
انهارت سيلا على السلم لبعض الوقت تبكى بحرقة وكذلك نبيلة التى لم تتمالك نفسها وتهاوت على الاريكة تمسك قلبها الضعيف فهى مريضة قلب
اعطاها حسن دوائها وحاول تهدئتها
_اهدى ياحبيبتى الله يخليكى ،لو جرالك.حاجة انا هموت وراكى
نبيلة ببكاء
_مكنتش اتصور انك بالقسوة دى ياحسن ،طب حتى كنت خلتنى اضمها على صدرى واشم ريحتها
فى الحقيقة هو لم يكن قاسيا ابدا ولكن كبريائه يابى ان يسامحها بعد ان كسرت كلمته واستصغرته وجعلته اضحوكة يلوكها الناس بافواههم
_بنتك غلطت يانبيلة ومسامحتنا ليها بسهولة هتخليها متعرفش مقدار الغلط اللى غلطته فى حقنا
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
