الحادى عشر (مشاعر كاذبة)
ظلت سيلا تتقلب طوال الليل تعيد كلام حمزة فى عقلها مرارا وتكرارا
&&&&&
_انا محتاجلك اوى ياسيلا ، وانتى كمان محتاجالى
انا هوفرلك البيت والعيلة والدفا ،وانتى هتكملى النقص اللى فى روحى وحياتى
كانت طوال الوقت مشدوهة بصدمة من كلامه ولم تتفوه ببنس شفة ،حتى انها لم تعطى اى ردة فعل عندما قبل يدها وهو يتابع
_مش هينفع نتكلم هنا ،اطلعى دلوقتى علشان الجو برد عليكى ،وفكرى فى اللى قلته لحد بكرة ، وانا هعدى عليكى الساعة 7 واضرب كلاكس لو نزلتى هعتبر انك موافقة واذا لا
همشى ومش هتشوفى وشى تانى
ثم استقل سيارته وذهب واختفى عن ناظريها ،ليتركها من وقتها شاردة مشغولة الفكر والبال تتقلب طوال الليل لا تستطيع النوم
_____________
ياسين بتساؤل_وانت متأكد بقى انها هتوافق ؟
حمزة بثقة
-طبعا يابنى .انت ماشوفتش شكلها كان عامل ازاى وانا بكلمها ،ده انا كنت سامع صوت ضربات قلبها ، المشكلة فى امى اكيد هتجنن لما تعرف
_ طب ماتعرفها انها مجرد لعبة علشان تبعدها عن جدك
-لا طبعا كده ردود فعلها هتبان Fake الاحسن انها متعرفش حاجة الا فى الوقت المناسب
ياسين محذرا
_خلى بالك ياحمزة انت كده بتعمل مع البنت دى نفس اللى جيسى عملته معاك زمان
حمزة بانكار
_انا معملتش حاجة هى اللى ابتدت تتحمل بقى نتيجة طمعها
_طب مش يمكن تكون ظالمها ؟
حمزة بنفى
_معتقدش
__________
عند سيلا
فاقت من شرودها على صوت نهى
النائمة بالفراش المجاور لها
_انتى لسه صاحية ياسيلا ؟
تنهدت بحرارة
_مش عارفة انام ،مش مصدقة اللى حصل
اتكأت نهى على ذراعها لتنهض قليلا
_ومش مصدقة ليه ؟ ايه اللى يمنع يعنى ولا علشان غنى وحليوة ،لا غنى ايه ده غنى اوى اوى ،انا مش بحسد واللهى انا بنق بس
ابتسمت سيلا رغما عنها
_يابنتى اتكلمى جد شوية
_واللهى انا مبسوطالك اوى ياسيلا اخيرا ربنا عوض صبرك خير
هتفت بحيرة
_ايوة ليه؟ اشمعنى انا ؟
_هو الحب فى ليه ياسيلا
_حب ؟بس هو مقلش انه بيحبنى
القت نهى بوجهها الوسادة
_امال عايز يتجوزك ليه شفقة يعنى ؟ ده انتى تفرسى ،ثم تابعت بعد ان دفعت سيلا لها الوسادة مرة اخرى
_خلى عندك شوية ثقة بنفسك يابنتى
تنهدت سيلا بقوة
_فجاة كده
تنهدت نهى بهيام
_الحب بيجى فى لحظة ياروحى ،عندك انا وهيثم مثال حى قدامك حبينا بعض واتخطبنا فى ااقل من شهر
تنهدت سيلا زافرة انفاسها بحزن
_بس انا ماينفعش اتجوز
نهى باستنكار
_ليه بقى ان شاء الله ناقصك ايد ولا رجل
سيلا بالم
_لا ناقصنى انى ابقى ست تقدر تسعد شريك حياتها وتخلفة ولد او بنت يشيل اسمه
نهى مواسية
_حبيبتى الخلفة دى بامر ربنا مش يمكن التشخيص يطلع غلط وتحصل معجزة وتحملى
تنهدت زافرة لانفاسها
_بكل الاحوال لازم اعرفه قبل اى حاجة وهو بقى يقرر اذا حابب يكمل اولا
_السؤال الاهم ، انتى حابة تكملى معاه قصدى يعنى بتكنيلة اى مشاعر جواكى
تنهدت بحرارة
_بصراحة مش عارفة اية اللى بحسه ناحيته بالظبط واذا كان ده حب ولا رهبة ولا ايه ،
بس كل مابشوفه بتوتر وبحس ركبى بتخبط فى بعض ، وساعة ماانقذنى من الغرق وشالنى بين ايديه صحيح كنت فاقدة الوعى بس حسيت بالامان بين ايديه حسيت ان ده مكانى ، ولما غاب الفترة اللى فاتت كان ع طول بيخطر على بالى وبحس انه واحشنى
قهقهت نهى ضاحكة
_لا ياحبيبتى انتى مش بتحبيه ولا حاجة ، انتى واقعة لشوشتك بس
&&&&&&
فى الموعد المحدد للقاء سمعت صوت كلاكس سيارة حمزة فانتفضت بتوتر
_حمزة جه ، شكلى حلو يانهى ؟
_شكلك زى القمر
_ والمكياج ظابط
_تجننى ،خدى نفس
نفذت سيلا ماقالت
_اهدى وماتتوتريش، و اتكلمى على طبيعتك
قبلتها سيلا على خدها
_مرسى على الفستان وعلى كل حاجة عملتيها علشانى
_بس يابت احنا بينا الكلام ده ،ثم دفعتها دفعة خفيفة
_يلا بقى ماتخليش الراجل يستنى
&&&&&&&&
هبطت الدرج على مهل ودقات قلبها تدوى بعنف حتى اخيرا لاح لها وهو يقف امام سيارته ينتظرها بشغف
ماان وقعت عينه عليها حتى تسمرت عليها، لاول مرة يراها بهذا الجمال والطلة الناعمة المبهرة فى ذات الوقت
اقتربت منه ثم قالت بابتسامة ناعمة
_مساء الخير
بادلها ابتسامتها وهو يفتح لها باب السيارة الامامى
_مساء الجمال
التفت بعد ذلك ليجلس مكانه خلف المقود وانطلق بالسيارة
_تحبى تروحى مكان معين؟
اومات له بنفى
_لا، زى ماتحب انت
حمزة بابتسامة
_هوديكى مكان متأكد انه هيعجبك
&&&&
تطلعت عليهم نهى ووالدتها من الشرفة
ام نهى _ماشاء الله لايقين على بعض اوى
نهى باقرار
_معاكى حق ياماما ،مع ان جوايا شوية قلق كده مش عارفة افسرهم
ام نهى باستنكار
_قلق من ايه بس يابنتى ،ده انتى المفروض تفرحى انتى وصاحبتك ماشاء الله اتخطبتوا ورا بعض لجوز عرسان تتحسدوا عليهم ربنا يبعد عنكم العين يارب
نهى بتنهيدة
_مانا قلتلك ملوش تفسير
______________________
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
