اللهم انك عفو تحب العفو فاعفو عنا
الفصل السادس( قبلة الحياة)
سطعت شمس الصباح مبشرة بقدوم يوم جديد ،عسى الله ان يجعله خيرا على الجميع
استيقظت سيلا باكرا كعادتها ،،و قررت ان تتجول فى القصر لحين موعد استيقاظ القبطان سليم ،
فليلة امس كانت حبيسة غرفتها وغرفة الجد وقد اصابها الملل قليلا ، اضافة الى فضولها الشديد لتتجول بالقصر وترى فخامته وجماله
وايضا قررت ان تعد فطورا صحيا وشهيا لها و للجد سليم بالحديقة ،فالجو اليوم منعش للغاية
وبعد ان تجولت قليلا ذهبت لتتفقد المطبخ
&&&&&&&
دلفت المطبخ والتقت لاول مرة بمدبرة القصر السيدة جيلان
_صباح الخير ؟
ردت عليها السيدة بابتسامة بشوش
صباح النور يابنتى ،اكيد انتى ممرضة سيادة القبطان الجديدة .صح؟
اومات لها سيلا بابتسامة
_صح ،واسمى سيلا
بادلتها السيدة ابتسامتها
_تشرفنا ياسيلا ، وانا ياستى ابقى جيلان .مدبرة القصر ،ثم اخفضت صوتها وهتفت بمزاح
_و تقدرى تقولى انى اهم واحدة فيه
ابتسمت سيلا ضاحكة وبادلتها المزاح
_ماعنديش شك فى كده
ثم غمغمت بتساؤل
_ممكن اطلب منك طلب ياجيلان ؟
اومات لها جيلان باذعان
_طبعا ،اؤمرينى ،تحبى احضرلك حاجة معينة على الفطار؟
_الامر لله وحدة،كنت حابة احضر فطور سيادة القبطان النهاردة بنفسي
جيلان باستنكار
_طب وليه تتعبى نفسك يابنتى؟ ،قوليلى عايزة تعملي ايه وانا عينيا ليكى ولسيادة القبطان
_تسلم عينيكى،معلش انا حابة احضرله فطاره بنفسى ،يعنى انا ليا طريقتى الخاصة ونسب معينةمش اى حد بيعرف يظبطها ، والقبطان كمان اتعود عليها من ايدى
جيلان باستفسار
-زى ايه مثلا ؟ واهو منك نستفيد
قالت سيلا
_يعنى مثلا بزود خضار كتير وبقلل كربوهيدرات وبحط.البروتين اللى جسمه محتاجله مش اكتر وبكده نستفيد من الفيتامينات الموجودة فى الخضار وناخد النسبة المعقولة من النشويات والبروتين اللى تفيده فى العمر ده
ابتسمت السيدة لها بلطف
_المطبخ تحت امرك اعملى اللى تشوفيه مناسب ، ،وانا هقف اتفرج عليكى علشان اتعلم منك الطريقة واعملها بعد.كده للقبطان ، ولو احتاجتى مساعدة منى انا موجودة
اومات لها سيلا بامتنان
_متشكرة اوى
بعد وقت ليس بالقليل كانت سيلا اعددت فطورا شهيا ووضعته على الطاولة الموجودة بالحديقة الخلفية بجوار المسبح
كانت الساعة قد تخطت الثامنة بقليل عندما ذهبت لتوقظ الجد سليم ليتناول فطوره فى الهواء الطلق
فاصطدمت بحمزة وهو يدلف مرتديا فقط زى السباحة الخاص به ويضع منشفة فوق كتفيه
اخفضت عينيها بخجل
_اسفة مخدتش بالى
ابتسم حمزة لخجلها واحمرار وجهها وفى عقله
_هو لسه فى واحدة بتتكسف كده ؟ ثم قال
_حصل خير
تطلع على الطاولة الموضوع عليها الطعام
_فكرة حلوة اوى الفطار فى الجنينة ،استنشاق الاكسجين النقى واشعة الشمس هيفيد اوى صحة جدى
اومات بايجاب على حديثة وهى لاتزال تتطاطا راسها لاسفل
_فعلا بالذات انه من ساعة ماطلع من المستشفى محبوس فى اوضتة زى ماقالى
،ثم استاذنت منه لتذهب لايقاظه فاومأ لها وهو يكتم ضحكته بصعوبة
_اتفضلى طبعا
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
