اشهد ان لا اله الا الله واشهد ان محمدا رسول الله
الفصل السابع عشر (حنين)
هبطت هدى من اعلى الدرج وهى تحمل بيدها حقيبة سفر ،الى ان وقفت امام حمزة وسما
_انا جاهزة
عانقتها سما مودعة
_هتوحشينى اوى ياماما
هدى بحزن
_وانتى كمان ياحبيبتى
تطلعت بحمزة
_مش هتسلم عليا ياحمزة ؟
حمزة بجمود
_تروحى وترجعى بالسلامة ،المصحة اللى انتى رايحاها دى من افضل 3 مصحات بالعالم .كانك عايشة فى فندق 5 نجوم بالظبط
هتفت بالم
_حتى لو جنة هتبقى نار وانا بعيدة عنكم
حمزة متصنع البرود
_الموضوع فى ايدك ، لو خدتى العلاج ونفذتى التعليمات صح ،هتخفى وترجعى بسرعة ، اعتبريها فترة نقاهة او اجازة تجددى فيها نشاطك
سارت خطوتين باتجاه باب الخروج ثم وقفت
_فى حاجة لازم اقولهالك قبل ماامشى يمكن الوجوه متتلاقاش تانى ،ترددت قليلا ثم قالت
حاجة هتخليك تكرهنى اكتر بس لازم اقولها
_اتفضلى انا سامعك
انا اللى كنت السبب ان سيلا تسيب القصر وتمشى
تطلع بها سما وحمزة بذهول
_ازاى ؟
روت لهم ماحدث منها يوم الحفلة ثم بكت بحرقة وعلى عكس ماتوقعت ان ينفحر بها حمزة ساخطا عليها كان رد فعله هادئا وباردا
_من كتر ماعرفت عنك الفترة اللى فاتت مبقتش استغرب منك حاجة ،ماتقلقيش انا مش هتعصب ولا هعمل حاجة ،بس ماتستنيش منى انى ارجع معاكى زى الاول ، انا فى حاجة اتكسرت جوايا من ناحيتك صعب تتصلح تانى ،بس طالما ندمتى وحابة تتغيرى وتصلحى اللى فات يبقى فى امل واول خطوة فى التغيير هو العلاج
_______________________
دلف الى غرفتها يتحسس كل شئ بها ،ملابسها لازال عالقا بها رائحتها الذكية ،هاله شئ ما فى اعلى الخزانة ،انه دفتر يومياتها
اتكا على فراشها واخذ يقرا مابه ،يعلم انه كهذا يخترق خصوصياتها ولكنه لايستطيع ان يمنع فضوله
ليعرف ماكتبت عنه 👇
ح . حب .حمزة حمزة حبيبى
م منايا تفضل جنبى
ز زمانى ا حلو بلقياه
ه هو بس اللى فى قلبى
ابتسم بحنين لمعرفته مقدار عشقها له ،كما رأى مقدار اشتياقها لاسرتها وافتقادها لهم
تنهد بحرارة وهو يهمس لنفسه
اوعدك انى هعوضك عن كل الم وكل دمعة حزن نزلت من عينيك ،حياتك معايا هتبقى كلها هنا وسعادة وحب ودلع
بعد قليل استسلم للنوم وهو يضم وسادتها بقوة لينعم برائحتها التى اشتاقها والعالقة بها
_____________________
قرأ عليها محامى زوجها الراحل وصيته الاخيرة
والتى حرمها فيها من كامل الارث لصالح اولاده ولم يبقى لها سوى الشقة التى تسكنها مع اهلها
نهضت جيسى بانفعال _انت بتخرف بتقول ايه يامتر ؟الوصية دى اكيد مزورة وانا هطعن عليها فى المحكمة
_احترمى نفسك واعرفى كويس انت بتكلمى مين ،الوصية دى متسجلة فى الشهر العقارى اللى هنا واللى فى بلد ابو طلال ، وعليها شهود اهل ثقة موقعين عليها ،ده غير ان فى نسخة تانية منها مع محاميه التانى اللى فى بلده يعنى مفيش مجال للتزوير
جلست مكانها بحسرة
_يعنى ايه ؟عمرى اللى قضيته معاه
وانا مستحملة ذل واهانة،وشبابى اللى دفنته بالحيا مع راجل قد ابويا يروح كده على الفاضى
لطمت نيفين خدها
_ياما قلتلك بلاش ،بلاش ، كسبتى ايه دلوقتى، كنتى عيشى ورضيتى بنصيبك لكن لا لازم تتبطرى على النعمة ،عجبك كده ،رجعتينا للفقر تانى حرام عليكى
صرخت بها جيسى
_اسكتى ياماما اسكتى
تطلع عليهم المحامى بريبة وكل لحظة تتاكد شكوكه نحوهم اكثر
_______________________________
اتصل به ياسين لياتى اليه بالنادى لانه يريد التحدث معه بامر هام ،ولكن هاهو يجلس امامه منذ 15 دقيقة كاملة ولم ينطق ببنس شفة
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
