لا اله الاانت سبحانك انى كنت من الظالمين
الفصل التاسع (اهانة)
_على فين ياحلوة ،هو دخول الحمام زى خروجه
سما باعياء
_انت ضحكت عليا ومامتك مش هنا،صح ؟
وائل بتهكم
_ها ها ها ،صح الصح
ثم حاصرها بجسده على الاريكة وشرع فى خلع ملابسها عنها
صرخت مستنجدة
فوضع يده على فمها ليكممه
_اهدى امال ياحلوة ،صدقينى هننبسط مع بعض بس انتى سبيلى نفسك ومش هتندمى
سما بغضب
_ ياحيوان ياواطى
صفعها على وجهها بقوة
_انتى هتعمليلى فيها شريفة ياروح امك ، ده امك مدوراها والناس كلها عارفة
كانت تحاول ان تقاوم ولكن بدأ مفعول المخدر يسرى بجسدها وادركت انها ضائعة لا محالة
لتهتف بضعف بعد ان مزق عنها بلوذتها
_ابعد عنى ، ابعد حرام عليك
وفجاة سمعا صوت طرق قوى على الباب
وائل بذعر
_ده مين ده اللى جاى دلوقتى ؟
زاد الطرق اكثر
سيلا _افتح ياجبان ،افتح بقولك
عندما وصل الى مسامعها صوت سيلا اطمئنت و دبت القوة فيها ، فركلته اسفل معدته مستغلة توتره وانشغاله عنها ،فخر متألما
وفرت هى بسرعة لتفتح الباب وما ان رات سيلا امامها
حتى القت نفسها بين ذراعيها وبكت بانهيار
_سيلا ،الحمد لله انك جيتى .الحمد لله
سيلا بلهجة آمرة ووجه جامد بعد ان اعطتها جاكيتها لتستر به نفسها
_انزلى استنينى تحت فى العربية
نفذت سما الامر بينما دلفت سيلا لذلك الذى لا يزال مكوما على الارض يتاوه من الالم وركلته بقدمها بكل مااوتيت من قوة ، ثم قالت بوعيد وهى تخرج سكين مطبخ من خلف ظهرها وتدنو لمستواه حتى وضعتها على رقبته فارتعدت اوصاله بخوف
_عارف لو شوفتك قربت من سما تانى او حتى لمحت خيالك جنبها
ادار الشاب راسه يمينا ويسارا اكثر من مرة بخوف بيننا اكملت سيلا تهديدها بصوت حاد
_ هشوهلك وشك الحلو ده اللى بتضحك بيه على البنات ، ولا اقولك انا هعمل فيك حاجة افظع
هخليك كل ماتشوف بنت تحط عينيك فى الارض،اظن فاهمنى ، واوعى تفتكر انى ست و مش هقدر على عيل سيس زيك
_ خلاص والله حرمت ،انا اصلا ماقربتلهاش
بصقت عليه باشمئزاز ثم تركته لتلحق بسما
&&&&
عندما راتها سما تحمل بيدها سكين شهقت بفزع
فالقت سيلا السكين بسرعة وقد فاقت لللتو من الحالة التى تملكتها ، القت سما نفسها بين ذراعيها وبكت بحرقة
_انا اسفة اوى ياسيلا على اللى حصل وعلى الكلام البايخ اللى قلتهولك ،انتى كنتى عايزة مصلحتى لكن انا غبية ومفهمتش
ربتت سيلا على ظهرها
_ولا يهمك.حصل خير
بدات سما تشعر بالدوار الشديد
_انا حاسة ان غينيا مزغللة ودماغى تقلت اوى
الحيوان حطلى مخدر فى العصير
وضعت سيلا راسها على كتفها ،ثم امرت السائق ان يسرع
_طب ارتاحى على كتفى ، خلاص قربنا نوصل
&&&&&&
بعد وقت ليس بالقليل فاقت سما من غفوتها لتجد نفسها بغرفتها و سيلا تجلس بجانبها
اعطتها سيلا كوب ماء لترتشف منها القليل
_خدى اشربى
سما بامتعاض بعدما تذوقته
_ايه ده ؟دى مش ماية ؟
ابتسمت لها سيلا وهى تحسها ان تكمله
_ماية بس مدوبالك فيها دواء علشان تفوقى والمخدر مياثرش عليكى
ارتشفته على دفعة واحدة ثم قالت
_انا متشكرة اوى ياسيلا لوقفتك جنبى ، بس انتى عرفتى مكاتى ازاى ؟
_سمعتك وانتى بتتكلمي فى الموبايل، وبتقوليله ابعتلى العنوان ،وبعدين خرجت وراكى وراقبتك والباقى انتى عارفاه
سما بكره
_الواطى الحيوان ، كان عايز يضيعنى
ربتت سيلا على شعرها
_المهم تكونى اتعلمتى وفهمتى ا ان اللى عايزك بجد هيدق بابك ويجيلك لغاية بيتك يطلبك من اهلك مش يلف عليكى بكلامه المعسول علشان يوقعك فيه
تنهدت سيلا بالم وهى تتذكر مامرت به
_اللى زى ده عايز يلعب ويتسلى، او يتجوز جوازة سهلة متكلفوش حاجة وفى اول فرصة بيضحى بيكى كانك ملكيش قيمة ولا شعور
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
