انت العوض

الفصل الثالث عشر

الفصل الثالث عشر ( ماضى يعود )

يود لو يتركها نائمة هكذا فوق كتفه ولكن صدحت شمس النهار و لايريد لاحد من المارة ان يراهم هكذا و يفهم الامر بطريقة خاطئة
_سيلا، اصحى النهار طلع
تململت فى نومها وتمتمت بصوت ناعس مغوى
_استتى بس يانهى سبينى انام شوية
ابتسم ضاحكا عليها وهو يقول فى نفسه
ارجوكى اصحى لان الشيطان بيوسوسلى بحاجات الصراحة هموت واعملها
_بقى بذمتك ده شكل نهى ولا ده صوت نهى
فتحت عينيها بخضة عندما وصل صوته الى اعماق ثباتها
راته يحملق بها ويبتسم ،كان قريب منها الى حد ان انفاسة الساخنة لفحتها على وجهها تداركت انها تنام فوق كتفه فاعتدلت على الفور واخفضت بصرها عنه بخجل
غمغم بمزاح ليزيل التوتر بينهم
_صح النوم ،النهار طلع من بدرى ،معلش بقى
كان بودى اسيبك نايمة على كتفى زى البيبى
بس لازم اتصل بالميكانيكى يجى ياخد العربية
تساءلت بلهفة
_انت كويس ؟
اوما لها بعينه
_اه الحمد لله ،متشكر اوى ياسيلا على اللى عملتيه علشانى امبارح
سيلا بنظرة عتاب
_لا شكر على واجب ياكابتن ،ده واجبى
تململت قليلا فشعر ان هناك شئ ما تود ان تقوله ولكنها مترددة
_فى حاجة عايزة تقوليها ياسيلا
قالت مايشغل بالها دفعة واحدة حتى لا تتردد
_هى مين جيسى دى؟صحيح انت لسه بتحبها وعاوز تنساها بيا
قهقه ضاحكا
_هو من مش قلتلك قبل كده لو حابة تسالينى عن اى حاجة اسالى ،وانتى اللى رفضتى
اومات له بضعف
_ايوة
ابتسم بمشاكسة على غيرتها الجليه على وجهها وقد اسعدته هذه المشاعر التى افتقدها منذ امد بعيد
_طب ايه اللى اتغير دلوقتى ،على العموم ياستى انا هريحك،جيسى دى واحدة من الماضى الى دفنته ومش حابب افتكره ، وهى لاتمثل ليا اى شئ وبالتاكيد انى مش بنساها بيكى لانى مش فاكرها اصلا ولا بتشغل حتى جزء بسيط من تفكيرى
حدق بعينيها واردف بصوت اجش هامس
_ها استريحتى ولا لسه فى حاجة جواكى حابة تسالى عنها
اومات له بنفى وقد ازاح بكلامه عبء ثقيل على صدرها
حمزة بمشاكسة
_متاكده؟
ابتسمت بنعومة
متاكده

هاتف المصلح واخبره عن مكان تواجدهم ثم اغلق معه الهاتف والتفت اليها
_جعانة؟
اومات له بايجاب
_جدا
_انا كمان هموت من الجوع، ايه رايك نروح نفطر فى اى مكان والمرادى هسيبك انتى تختارى زى ماوعدتك
سيلا بحماس
_يبقى هوديك مكان هيعجبك اوى
_____________________
لاحظت حماتها اثناء جلوسها معها ،ان هاتفها لا يكف عن الرنين وفى كل مرة تغلقة دون رد فساورها الشك تجاهها
_مين اللى بيرنلك كل شوية ده يا ثريا؟
ثريا بتوتر
_دى واحدة صاحبتى ياخالتى بس رخمة اوى ،
عايزة تستلف منى فلوس ،وغلبت اقولها مامعيش مابتفهمش ، سيبك منها ،هقوم اعملك عصير فريش يروق عليكى
ام ياسر بريبة
_طب ممكن تدينى تليفونك اصل نزلت من غير ماقول لعمك الحاج وخايفة يقلق عليا ؟
اعطت لها الهاتف
_ اتفضلى طبعا ياخالتى
ثم تركتها ودلفت الى المطبخ لتعد لها العصير ، اخذت ام ياسر منها الهاتف وتصفحته لتتأكد من شكوكها
لتصرخ بهستيريا بعد قليل
عندما وجدت فيديوهات ومحادثات لثريا مع عدة رجال فى اوضاع مخلة
_اه يا فاج...رة يا وس..خة بتخونى ابنى بعد مالمك انتى وابنك من الشوارع يا ..ساق...طة يازبالة
ركضت ثريا عليها وكممت فمها
_بس وطى صوتك هتفضحينى
دفعتها بعيدا عنها وهى تهدر بغضب
_يابجاحتك ، خايفة من الفضيحة ؟.ده انا هخلى اللى مايشترى يتفرج عليكى النهاردة ،و ابنى هيطلقك ويطردك شر طردة ياوس..خة يازبا..لة
ثريا ببرود
_طب بس بس ماتقوليش كلام انتى مش قده
اندفعت ام ياسر عليها تلطمها بقسوة فما كان من ثريا الا ان امسكت ذراعها ولفته حول ظهرها وقالت ببجاحة
_لا اهدى كده واعقلى ، مش هتستفادى حاجة لو فضحتينى وهتبقى انتى السبب فى خراب بيت ابنك للمرة التانية ،ده غير انه ممكن يقتلنى ويتحبس او يتعدم وتخسريه خالص
ام ياسر بصراخ
_يابجاحتك ،ده بدل ماتحطى راسك فى الارض وتتكسفى من عملتك.
ثريا ببرود
_كنتى عايزانى اعمل ايه يعنى؟ ، وابنك اللى سايبنى من غير ولا مليم ، وقاعد طول اليوم على القهوة بحجة انه بيدور على شغل ،ويجى ينام باقى اليوم ، اموت من الجوع يعنى انا وابنى ،
هو قالى اتصرفى واصرفى على البيت وادينى اتصرفت ، ده حتى مابيسألنيش الطفح اللى بيطفحه ده كل يوم بجيبه منين،
وبعدين انا مبظهرش فى الفيديوهات دى بوشى وكمان باسم مستعار يعنى محدش يعرف انا مين ولا مرات مين
تابعت بتهكم
_،يعنى متقلقيش كرامة ابنك محفوظة ، وانتى ممكن يطلعلك من الحب جانب وتاخدى نسبة ،ده لو سكتى ومفتحتيش بوقك ولا كأنك شوفتى حاجة ،لانك كده كده مش هتعرفى تثبتى عليا حاجة وهطلعك.كدابة قدام ابنك
ام ياسر بعدم تصديق
_انتى كمان عايزة تشركينى معاكى فى وساختك ،انا ازاى كنت عامية عنك كده
_بقولك ايه ماتصدعنيش ،عايزة تقوليله روحى قوليله واتحملى العواقب، واتفضلى بقى يلا من غير مطرود علشان زى ماانتى عارفة دى شقتى وانتى مش مرحب بيكى فيها
انهارت ام ياسر على الاريكة لم تكن تعلم انها اختارت له شيطانة على هيئة امراءة ،ماذا تفعل اتغض الطرف كانها لم ترى ولا تعلم شئ؟ ،ام تخبر ابنها وتتحمل العواقب؟ فبالنهاية هى التى جنت عليه واصرت علي زواجة من هذه الحية وادركت من داخلها انها ظلمت انسانة بريئة وافترت عليها لذلك يقتص الله منها الان