وكان فضل الله عليك عظيما
الفصل الثامن (مكيدة )
استيقظت فى الثامنة صباحا ، توضأت وصلت صلاة الضحى ،ثم دلفت الى المطبخ لتعد طعام الافطارلها و لوالدتها ، ومن ثم ذهبت الى غرفتها كى توقظها
ازالت الستائر التى تغطى النافذة ليتسلل دفئ الشمس وضياها ويملأ الغرفة
_صباح الخير ،ياست الكل ،يلا علشان تفطرى وتاخدى حقنة السكر
تململت نوال قليلا قبل ان تستيقظ بشكل كامل
_صباح النور ياقلبى ، رجعتى امتى من النبطشية امبارح ؟
قبلت نهى يدها
_على الساعة 11 كده ،لاقيتك راحة فى النوم فمردتش اصحيكى
ساعدتها نهى لتنهض وتدلف الى الحمام وتغتسل ثم جلسا معا يتناولان طعام الفطور
نوال بتردد
_بقولك ايه يا نهى ؟ خالتك ام محمود جارتنا جايبالك عريس وبتقول ....
قاطعتها نهى بتأفف
_تانى ياماما ،انا مش قلتلك سكى على موضوع الجواز ده نهائي ،انا مبسوطة كده ياستى وانا قاعدة معاكى ومبفكرش فى الجواز دلوقتى ،ولا انتى بقى زهقتى منى ؟
زفرت نوال بضيق
_ولحد امتى يابنتى ؟ انا عارفة انك بترفضى اى عريس يتقدملك علشان مش عايزة تسبينى لوحدى
بعد ما اخواتك كلهم اتجوزوا وانشغلوا عننا كل واحد فى حياته ،بس صدقينى يابنتى انا كده
هرتاح اكتر لما اشوفك متهنية ومرتاحة فى بيتك مع جوزك وولادك زيك زى اخواتك .قبل مااقابل وجه كريم
غمغمت نهى قائلة بخوف
_بعد الشر عليكى ياماما ،اوعى تقولى الكلام ده تانى .
ربتت نوال على يدها
_يابنتى ماهى دى سنة الحياة ،انا عايزة اطمن عليكى يانهى ريحينى يابنتى الله يخليكى .على الاقل شوفيه واقعدى معاه وفى النهاية محدش هيجبرك على حاجة انتى مش عايزاها
تطلعت نهى فى ساعة يدها
_طب ممكن ناجل الكلام ده لبعدين ،علشان متاخرش على شغلى
تنهدت نوال بياس
_ماشى يانهى .اهربى اهربى كالعادة
______________________
تفاجأت باحد يحاول فتح باب الشقة ، فاصابها الخوف وكادت ان تصرخ ،لترى زوجها يدلف عليها وهو فى حالة يرثى لها
ثريا بصراخ
_يالهوى ايه اللى رجعك يا ياسر انت لحقت؟،ومال شكلك متبهدل كده ؟
جلس على اقرب كرسي وهو يجاهد لالتقاط انفاسه
_ماهو كله من وشك النحس وشورتك الهباب ،الكفيل طلع نصاب ياختى ،وفلوسنا راحت علينا
ثريا بصياح وهى تلطم على صدرها
_يالهوووى
،طب ماكنت تدور عليه فى العنوان اللى ادهولنا
حدقها بنفور
_دورت عليه فى كل حتة ملقتوش، فص ملح وداب ، وتليفونه اتقفل خالص ، قلت ادور على شغل بمعرفتى بس ملاقتش
،كنت بنام فى الشوارع واكل طقة واحدة فى اليوم لغاية مافلوسي خلصت ،و ربنا عترنى فى جماعة مصريين هناك لمولى اجرة الرجوع وادينى قدامك
لطمت ثريا على وجهها
_يالهوى على ميلة بختك يا ثريا ،الناس خبيتها السبت والحد وانتى خبتك ماوردت على حد
_اكتمى ياولية وبطلى ندب مش ناقص صداع دماغى هتتفرتك ، انا داخل اخد دش ريحتى بقت معفنة ، وانتى قومى جهزيلى لقمة اكلها على ماطلع ،نسوان هم مبيجيش من وراكم غير وجع القلب
أنت تقرأ
انت العوض
Humorدراما اجتماعية بعد ان وقفت الحياة امامها بالمرصاد واكتشفت خيانة زوجها وفقدت جنينها التى حلمت به واصبحت مشردة لا اهل ولا ماوى ظهر هو كالفارس على حصانه الابيض كما تقول الحواديت لينسيها بعشقه مامرت به ويكن لها العوض
