𝑩𝒖𝒍𝒍𝒚 [Complete]

အပိုင်း-၁၇

"မင်းလည်း သဘောကျနေသားပဲ"

"ခွေးစကား မပြောနဲ့...ထွီ"

နမ်းနေရင်း ရာဇနှိုင်းကိုက်လိုက်လို့ ပေါက်သွားသည့်နှုတ်ခမ်းမှ ထွက်လာသည့် သွေးများအား ပါးစပ်ထဲမှ ထွေးထုတ်ပစ်လိုက်သည်။ အနည်းငယ်ဝေးကွာသွားသည့် ခန္ဓာကိုယ်အပေါ်ပိုင်းကြောင့် ရာဇနှိုင်း ရင်ဘတ်ကို ဆောင့်တွန်းပစ်လိုက်သဖြင့် လူချင်း ကွဲကွာသွားရတော့၏။

"-ီးလိုတွေ လာလာမလုပ်နဲ့။ မကြိုက်ဘူး"

သွေးတို့စို့နေသော နှုတ်ခမ်းအား လက်ခုံဖြင့် ပွတ်သပ်ရင်း ပြောဆိုလိုက်သည့်အခါ ရာဇနှိုင်းက ရိသဲ့သဲ့အကြည့်မျိုးနှင့် ကြည့်ကာ လှောင်ပြုံးပြုံးလာ၏။

"မကြိုက်တာ သေချာလို့လား"

ထိုစကားနှင့်အတူ ဘောင်းဘီဂွကြားကို အုပ်ကိုင်လိုက်သဖြင့် ပြောစရာစကားတို့ ဆွံ့အသွားသည်မှာတော့ မင်းဧကံဟိဏ်းပင် ဖြစ်ရချေပြီ။

"မင်း...ဘာလုပ်..အာ့"

ထိုလက်အား ရုန်းကန်၍ တွန်းဖယ်ဖို့ ပြင်လိုက်ပေမယ့် အားပြင်းပြင်းဖြင့် ထပ်မံဆုပ်ကိုင်ထားလိုက်သောကြောင့် ယောင်ယမ်းကာ အော်မိလိုက်သည်အထိ။

"မကြိုက်တဲ့လူက ဒီလောက်ထိ ထကြွနေရလား"

"မဟုတ်....အ့"

ဘယ်အချိန်ကတည်းက စတင်ထကြွခဲ့မှန်း ကိုယ်တိုင်ပင် မသိသော်ငြားလည်း ရာဇနှိုင်းက ဘောင်းဘီဂွကြားကို ခိုင်မာတင်းကြပ်စွာ အုပ်ကိုင်ဖြစ်ညှစ်ထားမှုကြောင့် နာကျင်မှုခံစားချက်များက ထွက်ပေါ်လာရတော့သည်။

"မင်း.....အု"

ထပ်မံပြောဆိုဖို့ပြင်လိုက်သော်လည်း ပါးစပ်ကို လက်ဝါးဖြင့်ပိတ်အုပ်ကာ တားဆီးလိုက်သောသူ။

"ရှူး....လူလာနေတယ်"

"အွန်း..."

"မင်း ဒီလိုပုံစံနဲ့ အိမ်သာထဲမှာ ငါနဲ့အတူ လူမိတာ မခံချင်ရင် ငြိမ်ငြိမ်နေလိုက်"

အမှန်တကယ်လည်း ခြေသံတချို့ကြားနေရသဖြင့် မင်းဧကံဟိဏ်း ငြိမ်သက်မိလိုက်ပြီး မျက်စိရှေ့က ရာဇနှိုင်းကိုသာ မကျေမနပ်ကြည့်လိုက်တော့ ရင်ဆိုင်ကြုံတွေ့လိုက်ရသော လှောင်ရိပ်အပြည့် မျက်ဝန်းများ။ ထိုအကြည့်များကို ခပ်တည်တည်ဖြင့်သာ ပြန်လည်စိုက်ကြည့်နေလိုက်ပြီး အကြည့်ချင်းအားပြိုင်လိုက်ပြီးနောက်  ခဏအကြာ စိတ်ထဲ တစ်မျိုးတစ်မည် ထူးဆန်းလာရပြီး ပို၍ တင်းကြပ်လာသော အောက်ပိုင်း။