Шүлэг

Баяртай

Долдугаар сарын цэцэгсээр уулзаж
Наймдугаар сарын навчсаар үдэв
Дотроо тээх харуусал бүхнээ урсгаж
Намрын сэрүү ороход дахиад буцна

Хамгийн их хүлээсэн тэврэлт минь байлаа
Асар их тэвчээр, дэндүү их хайр
Хамгийн том итгэл найдвар минь байлаа
Асгарсан бороо, аян цахилгаан

Цээжиндээ би томоос том гунигтай ч
Хамт өнгөрүүлсэн мөч бүр хамгийн азтай
Сэтгэлдээ хадгалах нар минь та
Зүрхэндээ хайрлах сар минь та, баяртай

2024.09.16
Улаанбаатар