مدت كفها تمسح على لحيتو اللي مزجت بشعرات شايبة و دنات راسها المستند على صدرو و هي تسمع في نبضات قلبو رفد يدو يجبد في خصلات شعرها، ابتسمت تناظرو كلما يلحق الليل و يجتمعو في سرير واحد مع بعض تحس بالغرابة كيفاش لشخص كيما الكسندر صلب عنيد معروف بجباروتو يصدر عنو هذا اللين، و ديما تعود ذاكرتها لكلام امها عن الرجال كونهم كلهم عندهم نقاط ضعف حتى المافيا إذا كانو سليمي العقل طبعا كل شخص يحتاج حضن يرتاح ليه فهو طول اليوم شديد يعيط على هذا و ينهر ذاك، و وقت يلحق باش يكون وحيد رفقتها يتخلص من هذاك الرداء اللي كانو لابسو طول اليوم و يولي عاري أمامها مجرد رجل حتى و إن كان يمتلك عديد العيوب اللي عانات منها بفترات متفرقة في مدة زواجهم اللي عمرها واحد و ثلاثين سنة لكن علاقتهم طيبة يفرغ قلبو ليها و هي تان، ابتسم و هو يشوف فيها غايسة فيه " كاترين "
همهمت ترد عليه، نطق و هو يناظر عينيها " علبالك كي نقعدو كيف كيف نتفكر بداية علاقتنا كنت عصبية و حادة نبقى حاير كيفاش وليتي ناعمة هك "
قهقهت ضاربة صدرو بخفة " لازم دايما تفكرني، قولي واش خممت بشأن انوشكا "
" حاليا حاب نخليلها فترة للتفكير و الراحة و انا نبدا نريغل امورها كاملة "
" و نيكولاي اللي حكمتو واش راح ديرلو "
" واضح واش نديرلو، و متوقع ديميتري راح يروح لعند ايغور "
" و اكيد راح يخبرو بوجود انوشكا لكن نظن مش من مصلحتو فعلاقتهم سيئة "
" كاين وحد المثل يقول انو عدو العدو صديق، إذا خبرو راح ندخلو لمشاكل و لازم انوشكا تكون على استعداد و انا مش واثق من هذا الامر "
خلخلت اصابعها على لحيتو و قالت " متتقلقش أنوشكا إنسانة واعية و مثقفة ، و انا اللي راح نهدر معاها و نبدللها عقلها داك و تشوف إنسانة أخرى "
ضحك " خفت منك راح تخربي في عقل الطفلة "
" راح نخرجلك إنسانة اخرى صدقني، لكن بالايجاب تعرفني كيفاش نحب و نظنك مش حاب بنت صديقك المفضل تكون لقمة صائغة "
"بالطبع انا شحال من خطرة قتلك معجبتنيش شخصيتها البريئة و البسيطة هذي إطلاقا نتمنى نتي تبدلي تفكيرها تفتحيلها عينيها"
" اكيد راح نغيرها عزيزي الكسندر ، و يكون في علمك راح نبعد على المستشفى يامات الجايين "
عقد حاجبيه هي مسؤولة على مستشفى ملكهم كونها مختصة فالجراحة و حاليا فقط لها الملكية " علاه؟ بيك حاجة "
أنت تقرأ
البراتفيا-الوريثة الضائعة (باللهجة الجزائرية)
Aksi⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
