زهرة شدت ملاك معاها فدار خديجة مخلاتهاش ترجع مع أمينة ويبقى عليها السر مدام غيديرو ليلتهم حتى يتجمعو فمرة وحدة..
ومنها نيت خديجة كترتاح كيخرجو هوما يتقداو حوايجها وكتخرج معاهم أمينة اما مراد غير كيوصلهم وتفهم انه خاص يبعد من ملاك وميقربهاش بقات ايام قليلة باش يتجمعو صبر وغيزيد يصبر باش يصفي الخواطر مع كولشي هو ماباغيش حرب العائلات باغي نساب يبغيوه ويديروه بحال ولدهم واكيد خاطر مو حتى هو مهم وبزاف وعاد ملاك شاف أنها تستحق حتى هي تفرح براسها ودار ليها ليلة بحال أي بنت...
~~~~~~~~~~~
ادم: (مراقب كولشي من بعيييد كيزيد يتعصب كولشي عايش حياتو بحال عمرو خلق شي مشكل ليهم بلعكس غير زاد قربهم وعاد راجل أميمة لي كيشوفو تماااك وقريييب ليهم مفهمش هو شنو الدور ديالو تماك!!! على لي فهم من أميمة هو و اورطيغا مكيتحاملوش دابا علاش ديما معاهم والمشكل قريب حتى ليوسف!! تفكر أميمة لي مشا لعندها لطنجة..)
#فلاشـباك
أميمة: (تقدات وتزينت وتعطرت وتسناتو فمكان عمومي حيت واخا بهلة الا دايرة احتياطها معاه وخايفة على راسها تشد ولا تحصل وهي مبقالها والو وتشد الورقة من عند طبيب.. وصل عندها للريسطو وجلس مقابل معاها)
ادم!! شنو باغي مني ياك تافقنا واحد ميبقى يشوف لاخر؟!
ادم: مبغيتيش تعرفي اخر الاخبار
أميمة: لا... حيت دوك الناس صافي لحتهم من مورا ظهري ومبقبتش باغا نعرف عليهم والو
ادم: حتى راجلك؟!
أميمة: شنو بغيت مني نتا؟!
ادم: بغيتك ترجعي معايا لفاس حيت راجلك باش ينتاقم مني بدا من ختي
أميمة: حمزة مع ختك؟!
ادم: اه
أميمة: وشنو بغيت مني يانا؟!
ادم: ياله معايا وتعرفي وغنخلصك هاد المرة تريييپل
أميمة: لا لا منقدرش غيشدني حمزة وعاد الكلبة دحنان شهدت ضدي غنمشي فيها!!
ادم: عندي ليك محامي غيوقف معاك ومتبقايش مخبعة وترجعي تعيشي حياااتك كما بغيتي
أميمة: مبغييتش وعفاك متعاودش تصوني علية انا هنا كنعاود حياتي وبقالي شوية وغنخوي هاد لبلاد لكحلة فمرة
ادم: متأكدة؟!
أميمة: اه صافي..
ادم: نتغداو بعدا!!!
(قبلت بالدعوة تغداو حتى حست بالدوخة وهو كيشوف فيها حتى غيبت فوق الطابلة ناض كيفيق فيها)
بغا يوقفها ومقدرش بوحدو حيت عندو إعاقة ففخضو...
(بوجه بريئ ضار كيطلب المساعده)
خويا عاوني مرتي داخت وانا داير عملية (عاونو السرباي وخرجها معاه الطموبيل وهو كيمثل حتى بغا يبكي عليها ضور مع السرباي مزيان وصاݣ الطموبيل مبعد فلخلا عاد نزل ربطها من يديها ورجليها وسد ليها فمها عاد شد طريق لفاس..)
أنت تقرأ
جنون الغيرة
Romance( مكتملة) سلام عليكم.. بعد غياب فقصة #أحببت_رجلا رجعت برواية جديدة تحت طلب ديالكم قصة جديدة احداث متنوعة نايضة غيرة وتشوييق عقد كوميديا دراما مواااقف... #جنون_الغيرة #هاجر_ربيكا #مقتطف: ...: قبل متكمل هضرتها جمع معاها بتصرفيقة حتى طارت دمعة من...
