جنون الغيرة

الجزء 147

حمزة: (سمحو ليه باش يدخل عندها كانت فايقة كان نيفها مهرس عينيها تحتهم زوووق ومنفوخين شنايفها دايرة ليهم لفيلر وجهها مخبوش بقا كيشوف فيها والفاصمة ملوية حتى على راسها)

أميمة: علاش عطيتني البوليس لوكان قتلتني حسن

حمزة: علاش انا قتال ابنت عمي ؟!

أميمة: فين هو عمك جا عندي شبعني سخط ومشا (سالو دموعها) انا مقصدت ندير والو

حمزة: والو؟!! مدرتي والو؟!!! غير لعبتي بية انا وبنت الجيران خرجتينا على خدمتنا!! وعمك؟؟ عمك الكلبة انا بغيت نفهم واش مأنبكش ضمييرك منين مات وعارفاني مظلوم ومبغيتيش حتى تسني على التنازل باش ندفنو؟!

أميمة: وهاني كنخلص

حمزة: مزال مخلصتي واالو وزايدة باغا تزيدي تقتلي

أميمة: (غمضت عينها بألم واش هي معارفاش راه دارت هادشي كامل باش جاي كيفتي عليها حست بيه قرب شافت فيه غتنكر الا قالت نساتو او كرهاتو هو هو كما خلاتو مزال كتبغيه كما بغاتتو نهار اللول!!!
رجعت غمضت عينها)
سمحلي..

حمزة: (هو متوقعش تكون ردة فعلو تكون فهاد البرودة كان موجد بزاف وكان حاقد غاضب علاش مضربش ولا غوت عليها خرج من تماك عايش بين نارين نار الشمتة لي دارت ليه ونار انه حاس عندو يد فهادشي!!!
صونا على غيثة مجاوبتش رجع صونا قطعت عليه!! وهنا تحول تفكيرو كولو عليها علاش مكتجاوبش؟!!!!!
مشا رجع لدارهم لي عارف مو مكيناش مشا دق فدار الجيران أملا يشوفها ولا يهضر معاها وبغا يشوف حتى محمد خرجت بنت عم ملاك كيسولها على مو دخل لداخل وهي زعما تمشي تكلمها صيفط ميساج لغيثة)

""خرجي عندي وجيبي محمد بغيت نشوفو""
""انا فوسط الدار""

(تسنى جات غير مو)

رقية: ياك لباس اولدي واش سخنت غداااتك؟!

حمزة: مزال، غيثة مزال لداخل مزال ممشاو؟!!

رقية: حنا كنتغداو

حمزة: اه صافي!! ولدها ناعس؟!

رقية: لا كتوكلو علاش كتسول؟!

حمزة: بغيت نشوفو

رقية: (تعجبت فيه) انا ندخل نكمل غدايا ونتا سير للدار ولا دخل عند رجال وتغدا (مشات)

حمزة: (منين مجاتش مشا وصيفط ليها ميساج)
""انا فالدار بوحدي منين تكمل لغدا خرجي بغيت نشوفك نتي ومحمد""

(صيفطو ولكن مجاوبتش خلاتو حااااير مكانتش هكا كانت كتجاوبو فلبلاصة ولا غضبت علاش غبر راه كان مخربق!!)

ملاك: (مشا لبوفي يجيب قهوة!! بقات كتشوف الناس الجو الدنيا عامرة ݣور من ديما كانت كتسمع مراكش مدينة سياحية بامتياز اكتر مدينة فالمغرب مطلوبة عند السياح.. لدابا مزال مشافتها مزيان من غير الساحة وحتى لوطيل كان زوييين بزاااف شافت وحدة واقفة مع اورطيغا بحال كتسولو وحتى هو كينعت ليها وهي باينة عليها ݣاورية صغيرة ولابسة من غير هدوم)