يوسف: (رجع هو وخديجة للدار كيحاول يهضرها فلمواضيع لي كتبغي ويخيرها فين تبغي تمشي تبدل الجو لدابا مقال ليها والو على المشاكل حتى نطقت)
خديجة: فين غيثة علاش مبقاتش كتجي واش تقلقت مني؟!
يوسف: لا لا بلعكس علاش غتقلق!! هي ديما تتسول فيك انا لي مخليت حتى واحد يجي للدار حتى ترتاحي وتبغيهم يجيو
خديجة: اويييلي كفاش مانعهم؟؟
يوسف: راحتك احبيبة هي اللولة انا باغيك ترجعي كما كنتي عارف زدتك هم كبير وغاالط لا انا لا هوما
خديجة: ولكن انا مقلت والو
يوسف: بلا متقولي انا عارف!!
خديجة: (سكتت شحااال) صافي غدا نمشيو عندهم نبقاو نهار كامل معاهم ومنهم واليديك يشوفو سليمان وغزال
يوسف: لا!! حتى تولي بيخير
خديجة: انا بيخير واش انا بنت ليك حمقة؟!!
يوسف: خديجة صافي احبيبة هضرت معاك وأصلا غدا غتمشي لصفرو نسيتي
خديجة: اييييه اوا صافي نعيط على غيثة تمشي معايا
يوسف: (مكانش بغاها تمشي لصفرو...)
~~~~~~~~~~~
غيثة: (خلات مها كتنعس ولدها لي رجع عزييز عندها ومشات للجردة مدورة عليها كاشميرا وجالسة فالجردة كتبكي تخنقت بزاااف وسؤال فراسها اشمن ذنب درت حتى يوقعلي هاكا؟! توحشت حمزة بزاااف ولكن مستحيل تهضر معاه الا مهضرش هو!! معامن غتهضر شكون يفاجيها عليها متقبلش فكرة انها كانت ق*** ديال ادم ومدورها على دوك دراري كاملين وعلم الله شكون اخر لعب فيها تفكرت ديك جماعة كان فيها حتى توفيق ولد سعد زعما يكون حتى هو دار يدو فيها غتحماااق كتحاول غير تفكرهم وتفكر سمياااتهم!! محست غير هزت تيليفونها صونات صونات وجاوب)
اورطيغا: (باستغراب) غيثة؟!!
غيثة: (كتبكي) ولدي طلع ماشي ولد ادم ومعرفتش شكون لي تكرفس علية معرفتش لمن كان تيعطيني وانا مدروݣيا علاش دار فية هادشي كامل واش انا تستاهل هادشي؟!!
اورطيغا: (زفر كيحس بالذنب كان فالكوزينة كيقاد شي حاجة ياكلوها على متخرج ملاك من الدوش حط داكشي وبقا كيتصنت هادشي لي مأزمو كتر وحاس بالذنب من جيهتها)
غيثة: (كتشهق بلبكى) شنو ندير مبقيتش تنقد حتى نشوف وجهي فلمرايا؟! عاد ماما بابا يوسف اشرف!! شنو غنقول لمحمد فاش يكبر!!
اورطيغا: باش عرفتيها؟! (مفخباروش التحليلة لي جاتهم نهار العرس، كتحاول متبكيش وتسكت بقات غير كتشهق بحرقة باش يفهم كلماتها وعاوداتليه كولشي حس بهم كبببير زاد تقل عليه وهي كتهضر)
غيثة عارف هادشي قاسح عليك ونتي مظلومة بزااف ولكن عمرك تلومي راسك على داك الشيطان وتنواعدك، بففف تنواااعدك اختي حقك مغيضيييعش
أنت تقرأ
جنون الغيرة
Lãng mạnسلام عليكم.. بعد غياب فقصة #أحببت_رجلا رجعت برواية جديدة تحت طلب ديالكم قصة جديدة احداث متنوعة نايضة غيرة وتشوييق عقد كوميديا دراما مواااقف... #جنون_الغيرة #هاجر_ربيكا #مقتطف: ...: قبل متكمل هضرتها جمع معاها بتصرفيقة حتى طارت دمعة من عينيها ياله...
