حمزة: (تسنى اورطيغا يبان حتى جا عندو جلس معاه.. كيحس بالخنقة الوحدة من نهار وقع للي وقع فصفرو وموت باه وتوقيفو من خدمتو راجع وحييييد حتى مو مكيقدرش يبقى معاها بزاف حيت كيشوف بسبابو رجعت أرملة ووحيدة!! رجع مكيجمع لا مع صحابو لي فالحومة دصفرو لا للي فالخدمة رجع همو الوحيد يحمي ملاك لي بسبابو دمرات ويقلب على أميمة وادم باش يجيب حقو..
تفكر باه وقلبو كلاه بزااف توحشو الطريقة باش مات كانت قاسية عليه تغدر وكان غيطرطق دموعو كل مرة كيقمعهم مبغاش يبكي عليه حتى تشد أميمة ويرتاح)
امتى العرس؟
اورطيغا: زعما راد ولد الدار مقالوليك والوو؟؟؟؟
حمزة: واش هادشي لي معاجبكش فية؟
اورطيغا: مالك صاحبتي باش تعجبني ولا لا!!!
(بقا غير كيشوف فيه)
راه العادي منقولكش حتى السلام نسييت راه ملاك كانت خطيبتك مفهمتش باغي تحمقو ديلمي!!!
حمزة: كانت وهي بحال ختي دابا
اورطيغا: اصااااحبي مكاين لا ختك لا صطا حمص!! والو هضرنا فهادشي ألف مرة ماشي كل ما تشوفني تجبد معايا هادشي
حمزة: (بقا ساااكت اخر همو دابا هو يناقش هادشي ولكن بغاه يفهم باش ميكونش بيناتهم حزازات)
غير نفهمك واحد الحاجة غيثة نهار بغيتها مقلبش على الماضي ديالها وشكون كانت باغاه (كيمعني عليه) صافي منين بغيتها وعرفت شنو كتسوى محفرتش فالقديم باش نعيش طرونكيل معاها
اورطيغا: (عرف كيدق عليه) كولها ودماااغو، محتاجني انا فشي لعبة نمووت معاك ولكن هي غتفووتها ديرها مكايناااش غتبقى خط احمر مكاين لا ختي لا بنت خالتي السلام ومن بعيييييد
حمزة: (قلب وجهو وهو يبان ليه ادم هبط من العمارة طرطق عينيه بحال شاف شي وحش) ها هو (وقف حتى مراد وقف شافوه وقفات ليه طموبيل حمزة زرب مشا لطموبيلتو تاابعو مراد كينݣر)
انا غنتبعو نتا غير سير
اورطيغا: (ضار من الجهة الأخرى رطب) زيد من موراه (مشاو تابعين الطموبيل مميعقينش)
حمزة: (صونا على شي ي واحد باين من البوليس علمو راه لقا ادم وتابعو وغيصيفط لوكاليزاسيون منين يوقف.. بقا متبعو)
شاك غيكون داير ختو وأميمة فبلاصة وحدة
اورطيغا: علمت البوليس؟
حمزة: ضروووري واخا ماشي بصفر رسمية ولكن ساهلة يردوها رسمية (شاف فيه) تزيد تكمل معايا؟
اورطيغا: سيير على الله حتى انا عندي معاه حساب مق**.....
خديجة: (صونات عليها الغالية المرة اللولة، التانية عاد جاوبت قرروا نهار سمية هو نهار الحفلة مبغاوش يكترو عليهم وحتى خديجة جاتها من الجنة و الناس، جاوبت)
وييي!!
الغالية: شحال تبغي تلبسي من لبسة؟!
خديجة: (فهمت جايبة ليها النݣافة مكانش فخبارها وومسوقاش) لبسة وحدة
أنت تقرأ
جنون الغيرة
Romansسلام عليكم.. بعد غياب فقصة #أحببت_رجلا رجعت برواية جديدة تحت طلب ديالكم قصة جديدة احداث متنوعة نايضة غيرة وتشوييق عقد كوميديا دراما مواااقف... #جنون_الغيرة #هاجر_ربيكا #مقتطف: ...: قبل متكمل هضرتها جمع معاها بتصرفيقة حتى طارت دمعة من عينيها ياله...
