وصلو لفاس داها للدار ديال مو حسابلهم الدار خاوية يكملو الغزل ببعضياتهم مع دخلو كانت أمينة وزهرة تشاوفو بيناتهم وكمدوووها دخلو سلمو عليهم وملاك غير مرفوعة بحال اي عروسة جديدة كتفكر غير فيه وفداكشي لي وقع بيناتهم.. هو مشا هبط للمحال
زهرة: (كتشوف باستغراب فهدوء بنتها) اماالكي نتي؟
ملاك: هاا!!! والو.. كيف بقات خديجة ولوجين ؟!!
أمينة: غزلان سماتها
زهرة: غزل أمينة غزل واش مبغيتيش تحفظيها
أمينة: غير بغات تبعكك فسمية لبنت وصافي
ملاك: ياك كانت غتسميها لوجين بدلتها؟!
أمينة: سماتها لعݣووز (شافت فيها زهرة حيت من لبارح وهي تحرشها عليها وكتقولها ممنحقهاش تسميها) انا نايضة رد كاس أتاي حسن
ملاك: ههه
زهرة: (شافت فبنتها هي كتعرف بنتها غتريكلامي على سمية وتنوض حتى هي تنݣر وتصوني على خديجة وتحرشها ولكن هادي لي كتشوف قدامها وحدة متبتة مرزننة وهي كتشوف)
لوكان عرفت دواك زواج لوكان شحااااال هادي زوجتك ابنتي وتهنيت من تشيطييينك
ملاك: (فرنست) حتى انا!!
زهرة: معندكش نيت الكمارة علاش نحشمي
ملاك: عفاك اماما حتى مراد وسمحلي ومبقاش مقلق مني وقالي انا فااهمك وعااذرك بلعكس هو لي رد لراسو اللومة وشحال رغب وزاوݣ غير باش نسمح ليه
زهرة: علاه كان عارفك هاربة؟!!!
ملاك: (خرجت عينها) لا!!! علاش نتي كتهضري؟!
زهرة: واخا فية اعينين لبوووية غير كنشوفك مخرجة عينك كنعرفك كااذبة
ملاك: (كتقربلها) عفاك عفاااك اماما والله منعاود نقلقك راكي عارفااني شحال كنبغيك (تقلبت) خليني فرحانة متنكديهاش علية
زهرة: (مولفة هضرتها هاكا دايرة) اوا ودابا شنو غديري نجمعلك حوايجك؟!
ملاك: لا غرجع معاك حتى يجي يديني اصلا حنا مزال ماااا... (شافت فيها معا ديك الشوفة ديال ممتيقاكش) والله... راه مستحيل نخليه يقيسني حتى يجي ياخدني
زهرة: اممم.. اوا ها سبوع ختك جاي!!
ملاك: هو عندو كونجي هاد ليامات وبغينا نسافرو قلنا هاد ليامات نديرو ديك الليلة
زهرة: وسبوع ختك؟!
أمينة: (دخلت حداهم كانت طالقة ودنيها فأخر حوار) حنا مزال موجدنا والو ابنتي فين غنلحݣو!!!
ملاك: راكي عارفة اخالتي هو هاد ليامات لي كتكون خدمة قليلة وكيبغي يخرج فيها ويكون مرتاح
أمينة: اييه ولكن حنا خاصنا وقت
ملاك: (سكتت بمعنى شغلكم هداك مهم حنا فهاد ليامات هي هاد هاد ليامات...)
أنت تقرأ
جنون الغيرة
Любовные романыسلام عليكم.. بعد غياب فقصة #أحببت_رجلا رجعت برواية جديدة تحت طلب ديالكم قصة جديدة احداث متنوعة نايضة غيرة وتشوييق عقد كوميديا دراما مواااقف... #جنون_الغيرة #هاجر_ربيكا #مقتطف: ...: قبل متكمل هضرتها جمع معاها بتصرفيقة حتى طارت دمعة من عينيها ياله...
