جنون الغيرة

الجزء 135

كملو من عند لكوافورة رجعو للدار سبوع تقرر غيدار فلڤيلا مبغاوش يعرضو بزاف على حساب غيثة باش حتى واحد ميمرضها بالهضرة وخصوصا انها دابا فمرحلة العلاج عند طبيب نفساني..

اب غيثة: (من نهار عرف بنت. وشنو طرا ليها وصحتو متدهورة ماشي بحال قبل داكشي غالب عليه نفسيا كتر من جسديا)
بنتي اجي معايا

غيثة: (شحال وهي كتجنبو) واخا بابا.. (تبعاتو لبيتو فين سد لباب وبقات واقفة محرجة)

اب غيثة: جلس ابنتي

غيثة: (جلست مقادراش تشوف فعينيه) احم

اب غيثة : هاد السيد لي جا خطبك واش نتي مقتاانعة بيه

غيثة: لي بانلك نتا ابابا

اب غيثة: بغيت نسمع رأيك ابنتي نتي ماماك قالت بغيتي تزوجيه غي حيت قبل عليك وانا رااافض هاد الفكرة

غيثة: (حركت راسها بلا) مكيناش هاد الهضرة ابابا

اب غيثة: هضري ابنتي

غيثة: حمزة إنسان زوين ظريف عرفتو حيت حتى هو تعذب بحالي بسبابو باباه مات حيت هداك ادم دالو فضيحة ومتقبلش ومات قبل ميعرف حتى راه ولدو مظلوم وخدمتو وقفوه منها يعني ترون فحياتو

اب غيثة: خوك عاودلي انا مباغيش نعرف هادشي ابنتي انا باغي نعرفك نتي شنو باغية سكااتك خلا حياتك مدمرة مبغيتكش تبقاي ساكتة

غيثة: (تأثرت حتى بقات كتبكي عنقها باها) سمحلي ابابا

اب غيثة: (غصة فقلبو كبيرة من جهة بنتو)
الا بغيت تززج ابنتي باش تهربي غير خليك معايا انا نحميك من أي حاجة والا كنتي باغية هاد السيد بالصح انا نوقف معاك ولكن تأكدي ابنتي انك باغياه وأن ولدك غيكون مأمن معاه

غيثة: (مبغاتش تسرع فجوابها واخا هي تايقة وباغية حمزة) واخا بابا..

اب غيثة: الله يرضي عليك ابنتي

غيثة: (عنقاتو بقات غير كتبكي وهو كيطبطب عليها..)

اورطيغا: (صيفطلو حمزة ميساج انه مرااقب دار ادم هاد الايام كولها وانه باغي يعرف واش ممكن تكون أميمة هنا)

ز** مسالي ك** واش انا تنقول نبعد من هاد ال**** كامل وهو تيجرني ليه!!

يوسف: شنو؟!

اورطيغا: والو والو.. (وقف مبعد صونا عليه) واش اصاحبي مبغيتش تبعد من داك الز*** خلاص!!!

حمزة: بغيت شي طريق ليها اخر تصويرة بديت تنزومي فيها مزيان كانت فداارو يعني هي بنسبة كبيييرة تكون مزالها هنا ففاس!! بنت خالتها ولا معرفت اش كتبها قالت مرجعتش عندها لطنجة

اورطيغا: الا بانت شنو غيطرا؟!!

حمزة: بغيتها تشد بغيتها حية باش تعتارف ونرجع بكرامتي للخدمة انا وو مرتك!!