زهرة: فين ختكم؟!!!
نعيمة: راها كتلبس التكشيطة باش جات
مريم: الله يجيبكم على خير راه خرجت مع راجلها
زهرة: اويلي بلا متسلم علينا؟!!!
مريم: تكون عيات اماما وغدا نيت غنتلقاوها
نعيمة: واش ملاك دابا عاد تعقل عليك ولا علينا اماما
زهرة: (جات عندهم أمينة لي غتديهم لدارها تماك غينعسو هي والعائلة ديالها باش غدا يديرو فطور العروسة خرجو لبرا لقاوها مزال فالطموبيل مشات جيهتها كانت بوحدها ومراد واقف مع رشيد ويوسف )
هادي هي الله يهنيك اماما؟!!
ملاك: (غير كضور عينيها صافي كولشي عارفها غتكوى شنو غدير مموالفاش تحط فهاد الموقف شافت خوتاتها ها هو عندهم عادي راه رجلاتهم حلالهم علاش هي حشمت بزاااف حتى الحشمة مموالفاش بيها!!)
زهرة: اماالكي؟!!
ملاك: والو... غتمشيو لدار خالتي أمينة ؟!
زهرة: قولي مالكي بعدا؟!
ملاك: وااا غير عييت وصافي
زهرة: اممم شوفي فية (بصوت منخفض) متخافي موالو راه بحال تكت ليبرا
ملاك: اويلي اماما كوني كتحشمي
زهرة: ههه هادشي لي بيك حشمتي!! مهم تغطاي مزيان باش ميضربكش لبرد ومتبولي حتى لصباح
ملاك: هاااااء ويلا تزيرت
زهرة: الا مصبرتيش غتشوفي نجوم بين عينيك
ملاك: ماما صافي راني عارفة هادشي!!
زهرة: ومنين عارفاه؟!
ملاك: واش عندي 10 سنين اماما (مكتقدرش تهز عينها فيها بقات غير جامدة فبلاصتها مها ظحكت ومشات مع بناتها باش يمشيو لعند أمينة)
رشيد: نجاك الله اولدي
يوسف: صافي سير نتاا رتاح غدا نهبطو لصفرو ونشوفو شنو واقع
اورطيغا: حتى انا غنمشي معاكم
رشيد: لا حول ولا قوه الا بالله العلي العظيم.. (شاف فبنتو لي كتشوف فيهم دارلها باي باي رداتهالو حشماانة مشا لطموبيلتو باش يوصل الناس لصفرو مراد ركب فطموبيلتو وكولها فين تفرق)
اورطيغا: (راجع باللور باش يخرج من الحومة) عييتي احبيبة!!
ملاك: احم بزااف.. بغيت غير نعس
اورطيغا: نمشيو لدارنا ورتاحي على خاطرك!!
يوسف: (وصلهم للفيلا قبل مينزلو ضار عندهم) انا غدا صباح غنمشي المحامية
غيثة: (مقدرتش تزيد تهضر مزال مصدومة هي متأكدة ولدها من صلب ادم كفاش دابا ورقة كتقول ماشي باه هي كانت غير معاه هو!!! دخلت هي ومها وولدها كل وحدة ساكتة كتخمم حتى نطقت)
أنت تقرأ
جنون الغيرة
Romantizm( مكتملة) سلام عليكم.. بعد غياب فقصة #أحببت_رجلا رجعت برواية جديدة تحت طلب ديالكم قصة جديدة احداث متنوعة نايضة غيرة وتشوييق عقد كوميديا دراما مواااقف... #جنون_الغيرة #هاجر_ربيكا #مقتطف: ...: قبل متكمل هضرتها جمع معاها بتصرفيقة حتى طارت دمعة من...
