أ أستحق هذا العذاب

٢٠

وقف جبل امام قمر وهتف ..اسمعي يا جمر اني عارف انك عايزه فلوس واني جررت اديكي الفلوس .
نظرت اليه رافعه حاجبيها ...هتديني الفلوس بعد ايه وليه .
هتف ..انت ليكي تاخدي الفلوس مش عايزه فلوس ومش هسالك عايزاهم ليه مع اني عارف .
قطبت جبينها ..عارف عارف عايزه الفلوس ليه .
ضحك ..ماهو اكيد عشان جوازتك عايزه شوار تزغللي عين عرفان .
ضحكت ونظرتواليه بغلب ..هزت راسها مبتسمه .....كنه ايه والله عايزاهم لاكده .
هتف ..بصي بقه اني هديكي الفلوس بس ..بس ....
قاطعته.....بس ايه ..اكيد مش لله في لله .جول احدف اللي في عبك عادي اني عايشه عشان ينحدف عليا ..جول ماتخجلش ...هتشغلني خدامه في الجصر بتاعك والا همسح سلالم الشركه .
هتف.... لاه ماهعملش اكده .
نظرت اليه ..ماتجيب اللي في بطنك يا جبل وجول التمن ايه .
هتف وقلبه يخفق بشده .....تتجوزيني هديك الفلوس .
نظرت اليه ورجف قلبها.. ..لو وافجتي تتجوزيني هديكي الميت الف .
كانت تتامله تحاول ان تعرف مايقصد ...همست بوجع ..عايز تتجوزني يا جبل ايه ده ليه خير يا رب .
ابتلع ريقه.. .،عشان اكتشفت اني عايزك يا جمر .
رفعت جبينها.... عايزني ..انت يا جبل عايزني ..انت ....
هتف ....ايوه عايزك فيها ايه راجل عايز واحده .
هتفت .لساتك عايزني انت .... بسهوله اكده وهتنسي اللي فات .
هتف مندفعا .....،اني عمري ماهنسي اللي فات يا جمر .
نظرت اليه بوجع ..ماني عارفه ومتوكده عشان اكده مستغربه ... ..ابتسمت بسخريه .. .،امال هتجعد معايا العمر كله فاكرلي اللي عملته... هتتجوزني وانت بتكرهني هتعملها ازاي دي ..
هتف .....ومين جال انه هيبقي عمر كله .
قطبت جبينها رجف قلبها ....،امال مش جولت هتتجوزني . تاعب حالك وهتتجوزني
هتف .....ايوه بس عرفي وما حد يعرف وهديكي الفلوس اللي تعوزيها . عم صمت مطبق وكل منهم ينظر للاخر واصوات انفاسهم عاليه ..
ظلت تنظر اليه لمعت عيناها قهرا احست بزبحه في قلبها الهذه الدرجه رخيصه ...ولكنها ابتسمت .،اه جصدك زي ما امير عمل تنام معايا بفلوس بس تحللها لروحك بالعرفي صوح اكده .
هتف ...... اسمعي اني ماعارفش اكمل اكده ..اني اتوكدت اني عايزك وعايز تبقي ليا عايز اشبع رغبه هتموت جوايا .
هتفت..رغبه جواك .. ....،مش اني شمال هتاخد واحده اكده هتعملها ازاي .
هتف ..هعملها عادي ده ايام وهنعديها انت هتستفادي واني هشوف اللي جواتي ده اخلص منه .
هتفت بابتسامه ساخره ....،اممم يعني هتنسي اني شمال بس عشان رغبتك وبعدين تاخدني وترميني مانا مش هبقي مراتك العمر كله حاجه ماتشرفش.
هتف....مش انت عايزه زفت فلوس هديكي .
هتفت بقهر ..بتشتريني بالفلوس يا جبل هيا دي اخرتها .
هتف بغضب .بدل مالشايب ياخدك هتعملي بيه ايه اني اهه مكانه . جمر فكري كويس هتتجوزي السايب ده ليه اني اهه عايزه فلوس هغرجك فلوس سيبيه هيديكي ادي لاه اني هديكي اكتر وفوج اكده جدع مش شايب مالوش عازه تعملي ايه بيه ده .
اقتربت منه وقالت بأسي ..انت عمرك ماهتكون مكانه. عرفان جلبه حنين وانت الغل جواك بيكوي الجلب. هجرب منك كيف وانت مغلول اكده
صرخ ..مالكيش صالح انت ليكي تاخدي فلوسك و...
هتفت ..وانام معاك بيهم صوح هتديني الميت الف عشان نومه .
هتف....،،لاه هو شهر ابقي معاكي وتاخدي الميه بعديهم .
نظرت اليه وظلت ساهمه ...شهر وابقي معاك وايه كمان جول جول .
هتف ..شهر اخدك وهنسافر ماحد يعرف اني مش عايز اتفضح .
انفجرت ضاحكه ....اه صوح ماينفعش تنفضح جمر الشمال تاخدها بعيد تريح جتتك اللي بتغلي عليها صوح وبعدين ترميها وترميلها جرشينات .
هتف ..ايه مشكلتك مانت راحه للشايب زي ماني هعمل .
ضحكت .،كمان جوا جول عادي اكده . وفين شرفي ودنيتي معاك .
هتف بغضب ..مالي بيكي مش شرفي ولا حرمتي اني هجضي معاكي وجت اخلص من اللي جواتي بجرفه .
اقتربت منه .....مش شرفك ولا حرمتك .وجرفه ...جول يا سيد جول ..ايه تاني لسه فيه عفاشه تانيه ماسيبتهاش ...هتتجوزني عرفي بفلوس في الدرا زي بتوع الليل يا مري ...حد كان جالك ان جمر ناجصه رجالهوعشان اخرتها تاجي تجولي اكده حد كان جالك اني بجيت واجعه اكده يابن العزايزه...عمال تتشرط وتودي وتجيب وانت الغل موتك وحلل جتتك .ايه ده يا مري عايش ازاي اكده ده مش ذنب ده شيطان واتحكم واتمكن ..اقتربت اكثر ..عارف يا جبل لو بزحف عالارض مالجياش بج ميه ماهرفعش وشي واطلبه منك لو النفس انت اللي هترجعهولي ماهطلبوش منك .،يا خساره يا جبل مامتخيلاش انت ازاي بقيت اكده .
صرخ ..منك ومن عمايلك .
هتفت ..لاه يا جبل مش مني اني ماجولتلكش غل وخلي شيطانك ينحر جواك اني سيبتك زي اي حد مابيسيب عيال صغيرين بس انت جلبتها تار عارف يعني ايه تار.. عايز جمر تاخد تارك منها .راجل ياخد تاره من مره ..واني بقه مره بالف راجل ..جرب تاني تجف جدامي يا جبل وتجولي اكده هتلاجي جدامك جمر تانيه جمر شبعت جهر وغل جمر استكفت يابن الناس ..ابعد غلك اني ماعتش متحمله .،
استدارت فاحس بالجنون فهو سيجن يريدها بقوه فاندفع واحتضنها ،.،طب لو طلعتلك حنيه.حنيه الجبل هتوافجي .
احست بقلبها يأن وجعا ادارها وهمس ....بصيلي بصي لجبل نظرت اليه دامعه ..كان في عيونه شوق رهيب اليها .،هتف .،تعالي ننسي انا مين وانت مين وبعد الشهر ده ما هكونش جدامك تاني جوايا بينحر عايزك مامتحمل .
تنهدت بقهر ووجع .....كفايه يابن الناس .
صرخ ....ماجادرش انت بتغلي جواتي رايدك جتتي بتنحر جوايا اعمل ايه اموتك واموت حالي جمر انا ليا حج عندك عايزه .حج وجع سنين حج رميتي بالرخيص ليا حج وماهتنازلش عنه مش اجعد انجهر وانت تعيشي وتفرحي .
نظرت اليه وضحكت ..اعيش وافرح ..مامصدجاش والله الحزن اللي انا فيه وحج جاي تجولي حج ..حجك جالك يابن الناس وغيبتك اتردت .
صرخ... ..حج ايه اللي جالي انت اهه جدامي هتفرحي مابيكيش حاجه ولا الحزن خطي عتبتك ..انت هتضحكي عليا عشت جهر سنين انت عشتيه عشت وجع انت عشتيه انت ماعشتيش حاجه من اللي انا عيشتها. انت موتي جبل وعيشتي وعايزه تكملي علي حسابي .
تنهدت ونظرت اليه بقهر ..ماعشتش جاي تجولي ماعشتش..اجول ايه كتمه الجهر حتي وجع اه والله كتمه الحزن وجع انت بجولهالك تاني وعاش يمين الله حجك جالك تالت ومتلت
صرخ.. انت عايزه تجننيني .،اسمعي بقه اني خلاص عليا حزن جولتلك هديكي فلوس عايزه فوج الميت الف هديكي وتاجي من سكات نخلص الجصه دي .
هتفت ..ويا تري يا جبل بعد ماتاخدني هتخلص الجصه .
صرخ بجنون...ماخابرش اني جتتي بتنحر جوايا ما جادرش اكمل اكده جمر اني خلاص ماعتش هكدب علي حالي اني رايد جتتك ودلوك وهديكي كيف مابدك . اني ماشي وراكي زي الجذوب ..عملت ايه يتعمل فيا اكده اني نفسي اموت بكره حالي ومش جادر انسي عايزك .
نظرت اليه بقهر ....وبتجولهالي في وشي اكده .
هتف ..وماجولهاش ليه ماهو ده اللي فاضل من جبل الجديم عايز اموته ونخلص .
نظرت اليه بوجع .....،تموته ..ماهو مات يابن الناس مات وشبع وجه مكانه حزن يكمل علي حزني بس خلاص اكده خلصت اني ماعتش عايزه حاجه اني لو طولت اموت روحي هعملها .. واستدارت الا انه لم يحتمل فشدها واحتضنها ..طب عايزه ايه طيب وتكوني ليا ..جمر بصيلي عايزه ايه هعمله والله هعمله .
تنهدت .،اني ماعايزاش حاجه الله يبعدك ويحليلك دنيتك .
صرخ ..يحلهالي معاكي عايزك هموت عليكي بتعذب انت جدامي بتعذب .
هتفت ..خلاص اني همشي هسيب الدنيا بتاعتك .
اندفع وشدها ..ساعتها اموت ماهجدرش غيابك مش هيمنع جواتي جمر اني عايزك رايده ايه وتكوني ليا اعملك ايه عايزه ايع ... احس باهتياج بصيلي صرخ بصيلي ..
نظرت اليها فهتف ..هو انت خلاص عيونك ماعتش فيهم جطر الحنيه امال زمان ده كت عيونك نار ايه خلاص نسيتي جبل جوي اكده كت هوا مافيش خالص جبل اللي كان واجف في الساحه عيونك خطفت جلبه ..مافيش حبل اللي جعد سنه يعشج ويحيب ويحفي مافاكرالوش حاجه خالص ..جبل اللي جاب فستان يتمني تكوني ليه ونتشتي جلبه مافيش خالص ..جبل اللي ركع تحت رجلك وجال الحلو كله ..لاه مامصدجش كل ده مافيش راح خالص .. .