أ أستحق هذا العذاب

٨

#أأستحق_هذا_العذاب
#حكايات_mevo
البارت الثامن....رجعت قمر الي بيتها وهيا تشعر بالموت بداخلها دخلت الي حجرتها وانفجرت في البكاء شعرت انها ستموت فعلا كيف فعلت ذلك كيف خانته وخانت ثقته كيف فرطت في روحها ..جلست ،وقلبها ينزف من وجعه ....،انت ازاي جدرتي تعملي فيه كده ازاي منك لله ربنا هيحرجلك جلبك انت شفتي حالته وكلامه ده مش جبل ده واحد ميت..ده حبيبي اني لاه حبيبي مايدعيش عليا اكده نشف جلبه وحرجتهولي مات من جواه يا جهرتي يا سنيني السوده ايه الجسوه دي حالك جلب عشان ايه عشان الفلوس منعولها دا حبيبي جنه دا حبيبي عملي الحلو كله والله عمل وكان هيعمل بس انت اللي واطيه وعويله ... يا رب ايه الوجع ده. صفحه حكايات ميفو .امال الحلم ده ايه ...يا رب يا رب خف وجعه يا رب اعمل ايه اروحله اعتذرله واجوله يسامحني طب ايه .كامله علي صفحه حكايات ميفو ..جلست تشعر انها ماتت في بعده ..ظلت طوال الليل لم تنم لم تعد تحتمل احست بالجنون ظلت لاسبوع تتجلد تحاول ان تتوازن وسليم ياتي لها وهيا مختفيه يحاول ان يحدد ميعاد الخطبه والكل عرف وبارك الا انها جنت في ذلك الاسبوع..
لياتي يوم قريب من قرايه الفاتحه لتهب بجنون وجسدها يحرقها ....لاه ما متحملاش ايه الحزن ده جلبي هيوجف منعول ابو الفلوس والدهبات منعول ابو اي حاجه مش عارفه اتنفس حبيبي فينه عايزاه اترمي في حضنه. دا حبيبي عاشج وعشجه طافح يا مري ايه اللي عملته ده في روحي ليه اكده منك لله يا محروجه عايزه ايه دا روحك.. شوفتي عملتي فيه ايه... وحشني جوي جوي لاه مامتحملاش روحي بتتسحب اكون لغيره لاه ماهيحصلش واصل لما اموت فيها ..وقامت وذهبت الي بيته تريد ان تطيب خاطره وتستسمحه ارادت ان تعيد العشيق لحضن معشوقته ارادت ان تعتذر وتتذلل كي يعود اليها . ارادت ان تتنفس ولكن اصبح النفس بيد الله ومقدراته .
ذهبت الي البيت خبطت عالباب فلم تجد رد ظلت تخبط الباب ولكن بلا جدوي ... ظلت تدور وتدور .،طب راح فين وخالتي فينها فين بس ..ظلت جالسه لساعات تنتظره حتي حل الليل ودخلت الظلمه المكان ..قامت بقهر ظلت تدور حول المكان فاذا باحد الشبابيك مكسوره مدت يدها فتحت الشباك ودخلت هيا وظلت تبحث هنا وهناك لتتجمد فالبيت خالي ليس به احد ذهبت الي الحجرات كانت خاليه الا من بعض الاشياء البسيطه ..راح فين جبل راح فين ساب البلد جبل ساب البلد ظلت تدور وتدور كالمجنونه تفتح في الدواليب فلم تجد ملابسه ...لاه لاه حبيبي راح فين يا جلبي انت فين .،ااه جلبي انخلع حبيبي سابني ايوه ايوه ماني لازمن اتساب العويل يتساب الغدار والخاين يتساب ... احست ان دنيتها اسودت فجلست عالارض تنتحب ،،مشي حبيبك مشي خلاص انت جهرتيه انت ماعتيش هتعرفي الفرح عمرك . روحي البسي الدهب يا جمر روحي وافرحي خلي راجل تاني يلبسهولك البسيه كفن واتلفعي بيه يا بنت حمدان .. روحي حبيبك راح ااه يا رب ايه الوجع ده .،طب ليه مشي من غير مااستسمحه مشي وهيفضل يدعي عليا اه اني استحج اني استحج .لمحت جانبا صورته فذهبت تنظر اليها احست بخلعه في قلبها فعلي الارض صوره ممزقه اربا لها وله وهما يضحكان نزلت دموعها وضعت يدها علي قلبها ... ..جهرتيه منك لله ماهتشوفي يوم فرح يا جمر لملمت الصوره ووضعتها في حقيبتها .قامت من سكات واذا هيا تخرج قابلت ابنه خاله كانت تعرفها ..هتفت الفتاه جمر بتعملي ايه اهنه .
ارتبكت قمر ..هاه .،لاه اني بس لجيت الدار مفتوحه جولت ابص ليه مفتوحه .
قالت الفتاه .،دي دار ابن خالي همل الدار والبلد .
قالت بلهفه...،راح فين .
قالت الفتاه.... ماخابرينش هو جال هيعاود يوم ميته ماخبراش .
ابتسمت قمر ،،هيعاود يوم خابره انه هيعاود بس ايه وميته ساعتها ادعي اني اكون ميته يا رب يا رب اني هموت عليه ..كانت تقف باكيه لتاتي الفتاه ،،مالك يا خيتي بيكي حاجه عايزه حاجه من جبل تعرفيه .
نظرت اليها قمر .،لاه مافيش ماعرفوش بس خالتي اتوحشتها فوتك بعافيه وتركتها وذهبت .
رجعت الي البيت وقفلت علي روحها جلست ولملمت الصوره ولزقتها الي ان اعادتها كما كانت ظلت تشهق كان بيجولي الصوره دي في جلبه العمر كله اهو جطعها ورماها عشان انت خسيسه وعويله رماكي ونتش جلبه منك لله يا جمر علي حرجه جلب حبيبك .اشكي لمين ماعتش اللي كت بشكيله راح اللي كت بنسند عليه راح يا نن عين حبيبك انت فين موجوع يا جلبي موجوع عاود عاود وهنزل علي رجلك ابوسها عاود واني هكون ليك زي ماتحب ماعايزاش حاجه واصل عايزاك طيب في حضني ..جلبي يا رب رجعهولي يا رب امال الحلم ده ايه ايه ..،
مر الوقت وهيا لا تخرج عشره ايام كامله تقفل علي روحها وحاول ابيها ان يخرجها بلا جدوي وتشاجر معها كثيرا لان سليم يريد ان يكمل الزواج وهيا تشعر انها ميته كيف ستكمل ذلك وهيا اصبحت كالجثه الهامده .
دخل عليها اخيها ..مالك ياجلبي فيكي ايه بجالك يامه مجهوره .
نظرت اليه ...فيا ،.فيا كتير يا اخوي .
قال .....طب جولي طمنيني عليكي انت بيكي حاجه واعره.
قالت .،بيا .،بيا الجهر كله بيا مرطه نفس وخلعه جلب بيا يا اخوي .
قال ،،،طب اني اهه جارك فيه ايه جولي .
تنهدت ..ماعتش جول الحسره في جلبي بتنهش والجلب متمزع ادعيلي .
تنهد ..طب بصي اني رايح لدار حماتي في الكفر اللي جنبينا تاجي معانا
.قالت ..لاه يا اخوه اني تعبانه .
قال ،،اسمعي بس دول ناس حلوه وجعدتهم حلوه..
تنهدت .....هاجي اني اخليها جاعده حزن بطل الله يرضي عنك.
دخلت منال..... ايه برضك جاعده لحالك.
قال هو ..بصي احنا نسيبلها الواد ونروح نجضي ليله عسل عند اهلك .
ضحكت منال .،لاه ماهسيبش عيلي وهيا هتاجي معانا فخبطتها وبرضك هتشيليه هناك .كانت تحب منال وتحب صحبتها تنهدت فهتف ،،،يلا حضري حالك والصبح هنروح نمشي .
تنهدت وظلت جالسه تفتح تليفونها تبحث عنه لتجده ليس موجودا عالفيس فادركت انه ابعدها من عنده شعرت بالقهر حاولت ان تكلمه ولكن لم تجد نمرته من الاساس احست بانفاسها تتقطع ....،مستنيه ايه يسيبك عنده وانت زباله وعويله علي رايه .،يا رب يا رب اني تعبانه حجج حلمي اسعدني اني ماعتش عارفه حاجه اني خربت علي حالي بيدي . اعيش ازاي يا رب رجعهولي يا رب ماهعرفش اعيش .وانهارت من البكاء وقلبها تمزق من بعد حبيبها .