صقر كلم جلال بطلب يبيه منه بس لازم يستبعد سنان فترة عشان ينفذ له طلبه
(راح تتحمل ردة فعله)
حذره جلال كذا مرة عارف سنان بيقلب الدنيا عليهم بس صقر يدور كل شي ممكن يستفز سنان و يحرق له أعصابه
(إذا أهو رجال هالبغل خل يواجهني)
صقر بدوره أستعسر أهو من يشوف سنان و لا يسمع طاريه يتنرفز و على طول معصب و الثاني يتحاشاه ما يبي يفصل عليه و بنفس الوقت متضايق لأنه مو الأول بحياته
ضحك جلال عارف إنه سنان بيشوف أيام سودة على أيد صقر قبل لا يجيبه على دربه
جلال دز سنان بمهمة تاخذ أسبوع و رفض يخليه ياخذ صقر معاه و أبتدو العمال يشيلون صالة الألعاب الرياضية داخل بيت سنان و يأثثونها على مزاج صقر
كانت عباره عن مسبح و كله جام يطل على حديقة خلفيه و جدام المسبح كل أنواع الأجهزة الرياضية إلي يستعملها سنان و زاوية فيها بار أستبدله صقر بركن قهوة و مكان حط فيه أغراضه و مكينة صنع الفخار و الفرن الخاص فيهم و كل شي يخص شغله،،،هذي كانت هوايته مع شاهين صنع الفخار
(أرتحت لما شلت له كل شي)
جلال كان واقف يطالع صالة سنان الرياضية شلون تغيرت نهائيا أهو بنفسه خاف من ردة فعله على صقر بعد هالتغيير
(سؤال محيرني ليش توقف معانا ضدهم)
صقر مستغرب من جلال محد يقدر يكلم الهيثم أو عزيز بالذات أو أي أحد فيهم أهو بنفسه راخي حيل مع زكريا
(أهم عيالي أقدر أسوي إلي أبيه فيهم أنتو أزواجهم يعني برقبتي و ذمتي و كلام أول مره أقوله أنا عارف عيالي نغولة إذا ما وقفت معاكم بلقاكم معلقين)
لو جلال مو معاهم جان كل يوم أحد فيهم منطق و متكسره عظامه
(يحيى)
جلال لأول مرة بحياته يتهرب من سؤال و لا بالعادة يجاوب ما يهمه و صقر سكت ما حب ينجاب طاري أبوه بشي ممكن يمسه
******
يومين ووصل سنان داش لقى المكان متغير عليه و راح صوب الصالة الرياضيه شاف صقر رافع شعره و خصل طايحه و أيده كلها طين يشكل فخار ووقف منبهر بشكله بس عصبيته غطت على أنبهاره و تذكر روحته و ردته على جلال و فجأه طلع مهمة ففهم إنه جلال أستبعده عشان ينفذ طلب صقر بتغيير المكان
(صقررر)
صرخ سنان و مع صوته الثخين و المكان شبه فاضي و صوته مع الصدى فزع صقر من مكانه
بس التفت و شاف لبسه العسكري الكامل و جسمه مع أنه مو أول مره يشوفه حس بخوف كبير واقف و طلع يركض بسرعة عكس المكان إلي واقف فيه سنان يبي يروح لجلال أو ضرار المهم واحد منهم
