(منو العقيد سليمان)
صقر كان يرجف خفيف بردان و سنان تجاهله
و ابتدى يبجي بقهر ما يبي يتذكر أو يقول قصته لأحد خايف سنان يروح له و ينفضح مو مرتاح له يحسه عصبي و مندفع و ما يحس بأمان معاه
أبتدى يمثل إنه منهار و بيغمى عليه و سنان خاف لا يصير فيه شي و يتوهق مع جلال محتضنه يطبطب على خده خفيف و يناديه بأسمه و لأنه صقر عسكري عرف إنه سنان أرتخت دفاعاته ماسك راسه طاقه بقوة و طلع منحاش و من حظه طبعا كان ضرار بالساحة راكض بلبسه المبلل
و شعره واقف وراه و يمه ضرغام
فصخ ضرغام جاكيته بسرعه ملبسه صقر لما حس برجفته من البرد و شاف سنان طالع مبلل يركض ماسك راسه و عيونه شرار ماخذ صقر وراه عشان لا يوصله سنان
صار ضرار واقف وراه بشوي ضرغام و صقر ورى ضرغام بالضبط خايف منه لا يوصله لأنه طقه حيل عشان يتغافله أهو ما يبي يقوله قصته و الثاني فاصل عليه إلا يعرف
(ضرار طلعه)
صرخ سنان و أنصدم من صراخه عليه متعدي سنان حدوده معاه خصوصا أنهم الصبح وقت دوام رسمي حتى لو كانو بره الدوام ضرار مكانته مثل جلال،،،كان أول تابع له و عقبه كلهم صارو أتباع لجلال و تربو إنه ضرار الحاكم
(سنان لا تنسى منو جدامك)
ضرغام حذره و سنان تعدل بوقفته و كانت مبلله ملابسه كلها و راسه مبين منفلع ودهم يضحكون عليه مبين صقر مبهدله
(أرجع بدل ملابسك لأنه سيد جلال شاف
كل شي)
ألتفت سنان و شاف جلال يطالع صوب صقر راكض لي بيته متسبح بسرعه و لابس لبسه العسكري صاعد من نفسه عند جلال و قبلها زكريا رايح ماخذ صقر لأنه جلال كلمه يروح له
و يساعده يسبح و يبدل
(ليش كنتو مبللين)
صقر قاله كل شي و جلال أصلا مخه مشغول مع اسماعيل ثاني مره يرادده و يبي يأدبه و سنان طلع له بوقت كان بيروح فيه للزنزانة و عزيز خايف يتكلم مخليه جلال براحته لما شاف خوفه
(المسبح ينردم)
صقر طالع سنان و تكلم عارف إنه جلال بيردم المسبح بعد ما قاله إنه غرقه و سحبه لي قاعه
و أهو شاف كل شي من تحامى بضرار و ضرغام خايف من سنان
(تم ينردم)
توه سنان بيتكلم بس جلال رفع التلفون مكلم ضرار إنه يردم المسبح في بيت سنان و الثاني وافقه طالع مع العمال عشان يشيل المسبح
(يبه جلال بعد خل يطلب منك تقتلني
عشان تريحه)
سنان عصب و رفع صوته على جلال و الثاني واصل حده منهم كل شوي واحد معلي صوته أو كاسر كلامه متحلف فيهم كلهم و تمادوو على ضرار
(يصير؟؟!!)
صقر حب يزيد على سنان من شاف نظرات جلال تغيرت لي شرار صوبه و الثاني ما قصر معطي جلال فرصة يقلب عليه من حاول يتهجم على صقر إلي صار يخاف منه و من جنونه
