بداية حياة جواد
قعد من النوم يدور أمه ما لقاها الأكيد طلعت تشتغل كان أبوه بخيل حيل حيل بشكل خيالي ما يتذكر متى آخر مرة أشترى شي لهم كله أمه تشقى و تتعب و توفر له اللبس و مستلزمات الدراسة
و إذا أحد عطاهم شي ياخذه يبيعه و أوقات وايد ياخذ فلوس أمه بالطق
طلع يركض يبي يروح للمزرعة إلي ورى بيتهم المتهالك يجرب حظه مع أبوه يبي يروح البقالة نادرا يعطيه فلوس و قليلة حيل،،،دعم بجلال إلي كان مار صوب المزارع يتطمن على أحوالهم
و محاصيلهم و إذا محتاجين شي،،،كان توه جلال يحكم و يجمع أتباعه
(شسمك)
جلال أنعجب بجماله و جسمه رغم مبين عمره صغير يمكن عمره حول عشر سنوات بس واضح بنيته قويه و حط عينه عليه يبي يخليه من أتباعه بس بيغير رايه من يشوف شخصيته المهزوزة
(جواد)
نطق بخوف من منظر جلال و طوله و ضخامته
و توه بينحاش لأنه واقف جدامه بس مسكه
(وين رايح)
سأله جلال بهدوء بس الثاني خاف حيل مستغرب جلال خوفه أهو بس سأله و أستغرب أسمه أكثر أبوه مشهور بسبب بخله و مسمي ولده جواد
(أبي فلوس بروح البقالة)
جلال مد له أيده فيها فلوس و الثاني أشر له لا أهو من خوفه ما شرح له عدل
(أنا رايح لأبوي آخذ فلوس)
وضح كلامه لجلال بس الثاني حط الفلوس بأيده مطبطب عليه مستخسر جماله و جسمه على هالخوف و من منظره عرف مستقبله
راح البقالة و لأول مرة يشتري كل شي بخاطره حتى راعي البقالة أستغرب خاف يكون بايق الفلوس و ما يبيه يمشي بهالدرب بسبب بخل أبوه و تظل أمه حبيبته إلي ما قدر ياخذها يشوفها تقاسي مع طفل المفروض جابته منه أهو
(حبيبي جواد من وين لك الفلوس)
سأله بهدوء و أبتدى جواد يبجي خايف أهو ما عصب عليه لما سأله بس خاف من أبوه مرجع الأغراض
(لا تخاف أخذ إلي تبيه أبي أطمن عليك من وين لك الفلوس)
أهو يتعامل معاه غير و أهو الوحيد أيام الدراسة يسمح له يمره الصبح ياخذ فطيرة جبن و عصير مرة يدفع و عشرة لا و أبوه ما يهمه المهم ما يطلب منه فلوس
(سيد جلال عطاني فلوس أنا رفضت أبوي راح يطقني و ياخذهم)
كان يمسح دموعه و راعي البقالة قلبه حن عليه أبوه مشهور بين العباد ببخله حتى جلال يعرفه
و ما يعطيه شي متجبر و ياخذ الفلوس من أهله
و إذا عطاهم من وراه و درى عنهم يطقهم
و ياخذهم
جلال عادي عنده يقتله و يعيش أهل بيته بنعيم يكره إلي ما يتعامل مع عياله بحنية رغم جبروته
و مرات يصير ديكتاتور بس إلي شافه من قسوة أبوه على أمه و أخوانه يكره أحد يشوفه
