قيس وصل مع جواد بيته و نزل ساحبه وراه بحقد مالي قلبه و بس دشوو دزه بقوة و جواد ما لحق يتوازن طايح على الأرض حيل على أيده متأوه بصوت عالي حيل مو حاب وضعه مع قيس يوصل لي هالمستوى
(لا تمد أيدك علي أنا أبوك رضيت أو لا)
غيداء حطمت حلم جواد بالكامل لا قدر يتزوج نفس ما كان يتمنى و لا صار معاه عيال وايد مثل ما كان مخطط وولده جدامه مو قادر يمارس عليه حقوقه كأب
(أبوتك بالزنى)
وقف جواد يحضن قيس و الثاني حس إنه يبي يعتذر بهالحضن لكن قيس ما يدري ليش حاقد عليه أكثر منهم مع أنه فريد فهمه إنه مو غلط جواد من الأول و إنه بس يبي يربيه عن درب الحريم إلي بيوديهم بداهية لكن قيس راح و تزوج جواد حاط كل حرته و أنتقامه فيه
وصل مسج لقيس بتصديق عقد الزواج و إنه جلال طلب يشوفهم حاس إنه جواد كان مرتبك حيل
و خايف يبي يتأكد برضاه و لا منغصب و من منظر قيس عرف إنه شخصيته قويه رغم صغر سنه
و إنه المسيطر بالكامل
(سيد جلال معطينا موعد باجر)
وقف جواد خايف بعد ما سمع إنه جلال طالبهم
و زاد خوفه لما أنطق جرس الباب،،،لما فتحه قيس كان مندوب توصيل بس مو عارف جواد من منو الطرد إلي بيده
(لا تفتحه يمكن شي خاص بالموكلين عندي)
أستلمه جواد متمسك بالطرد بقوة كان خايف حيل لا ينشب له قيس و يصمم يفتحه و تفاجئ إنه هده و صعد فوق
(أنا بحترم مساحتك كمحامي)
كان عارف طبعا شنو داخل الطرد و ما حب يربك جواد أكثر عشان خطته تمشي عليه
راح جواد مكتبه مسكر الباب وراه و فتح الطرد لقى فلاش مشغله و شاف نومته كامله مع إلي كان معاه و المطلوب مليون و قبلها المطلوب 500 ألف ما دفعها بعده
قيس كان قاسي معاه حيل بالمبالغ و جواد مو عارف يلجأ لمنو ماله إلا غيداء لكنه متردد،،،غيداء عنيفة و شخصيتها قوية حتى فريد ما كان قادر عليها سنين و قمتها بالغصب يشوف قيس ما يختلف عنها بقوة الشخصية لكنه الجانب المظلوم بالقصة
جواد ظل لي ثاني يوم شارد متجاهل قيس نهائيا خايف يمد أيده عليه مو متحمل وجوده يمه يحس بكتمة من شوفته مو راضي بعلاقتهم و مستغرب فريد شلون ساكت عنه و عن عقد زواجهم ناسي إنه قيس مستغل عدم قدرتهم على الكلام و إنهم مو قادرين يعترفون فيه
******
(سيد جلال فيه شي غلط بالأجراءات؟؟!!)
تسائل قيس و كان مو مرتبك أو خايف و يتكلم بثقه عجبت جلال حيل يشوف لو قابله قبل 20 سنه و أهو يلم أتباعه كان قيس بيكون أفضلهم
(شخصيتك تذكرني بضرار)
أبتسم قيس بقوة هالشي ما يعتبر مدح و بس هالشي يعتبر وسام يتعلق على صدره
