العمر مع جنابك و العمر معك ما امله

" البارت الثامن "

رفع جواله على اذنه برعب : ارحب
البدر : بتيل يلي ما تستحي وينك انا م قلت لك خذ روح ورانسي ودهم بيت اخوك يبون يرحون السوق ؟
بتال: اي ابوي والله جاني انذار تاخير من الجامعه وماقدرت اتاخر اكثر وجيت ، خلاص اسمع بدق على عيال نياف يجيكم واحد منهم
البدر بحنق: ما نبيلك فضل انا براسي اوديهم
بتال برعب: لا يابوي تكفى لا تجي مع الخط لحالك وترجع لحالك خلاص انا اجي انا اجي
البدر: انقلع بس وقفل فوجهه
حط يده على راسه على دخلة هذال
هذال بخرشه: علامك احمد به شي !!
هز راسه بالنفي: ابوي
مسكه من ياقته: علمت ابوي ياورع ماني قايلك لا تعلمه انت م تسمع الكلام تبي ابوي ينجلط علينا تدري انه يحب احمد انا وش اسوي فيك وش اسـ
قاطعه: ياخي اصبر اصبر لا ماعلمته هد
نزل يده : وش انت مسوي يابتال ! شفيه ابوي!
بتال: ابوي موصيني اخذ اختك وبنت اختك اجيبهم لبيت نياف وانا من الروعه على احمد نسيتهم واختك السلقه تولجتني ، راحت فتنت علي و ابوي عصب والا هو يبي يجيبهم وانا خايف عليه من الخطوط تدري خط الديره لرياض كيف
عطاه نظره حارقه ونزل راسه بتال بتوتر و رفع جواله على اذنه ، ردت ببتسامه : لبيه يانور عيني لبيه ياهذالي
ابستم : ارحبي ياروحي شخبارك ياخوك وكيف اللي عندك
روح : كلنا بخير مشتاقين لك اسبوع م شفناك
هز هذال راسه: حبيبتي بجي اليوم ، اذا ابوي قال بيجيبكم الرياض ارفضي واناخوك اخاف على ابوي من الخط لكن انا بجيكم شوي على المغرب واخذكم معي انزلكم بيت نياف هزت راسها ببتسامه: ابشر ياقلبي
هذال : يالله مع السلامه
روح: مع السلامه استودعتك الله انتبه لنفسك
—
سهاد بضيق: فاطمه لا تبكين اكيد ان شاءالله بيكون بخير
فاطمه بدموع: لو حصلو حاجه انا اعمل ايه في البلاد الغريبه وحدي
سهاد : ما غريب الا الشيطان احنا اهلكم واحمد انشاءالله بخير
فاطمه بجزع: اهه ياقلبي والله مقدر اعيش بدونه
مسحت سهاد عليها : مراح يصير لو حاجه ان شاءالله بيكون طيـ فزت وهي تجري للحمام تستفرغ
فزت فاطمه وراها : جرالك ايش يابت انتي لك يومين منتي طبيعيه خليني اقول للعم البدر وناخذك للمستشفى
هزت راسها برعب من الافكار اللي داهمتها: لا لا مافيني حاجه نزلة برد او تغير جو تعالي انتي ارتاحي جربي تتصلي على رقم احمد يمكن صاحي !
رجعت فاطمه تون: اه يا احمد وجعني قلبي يا احمد الله يرجعك ليا ياحبيبي
طبطبت سهاد عليها وتفكيرها بعيد عن فاطمه بعييد كل البعد بلعت ريقها بتوتر وهزت راسها بالنفي تطرد الافكار اللي براسها
—
"في الماضي"

بعد منتصف الليل متوزعين خلف الضلع وعلى الجبل
: نمر ١ في اتجاه الساعه الثاله
نمر ١ : عُلم
الصقر: كيف الرؤيه!
نمر ١ : واضحه جداً
هز راسه: نمر ٣ و ٥ في اتجاه الساعه الثانيه عشر نمر ٢ و ٤ بعد العد التنازلي
: عُلم
بعد العد التنازلي تكلم في السماعه : حاصر
ضرب على الباب ٣ دقات فتح الباب بنفسه و عقد حواجبه ودخل صار يناظر حوله : البيت فاضي
الصقر بصدمه: فاضي!
نمر ٢: تعالو ادخلو فاضي دخلو كلهم عادا نمر ١ اللي كان قناص
صرخ نمر ٤ : فخخخ اطلعـ بوووووومم انفجر المكان
حط يده على راسه ورفع جواله بسرعه : طال عمرك طلع فخ الصقر و النمور دخلو البيت وانفجر فيهم
الرئيس بصدمه: كيف عرفو
النمر: مدري ارسلو لي دعم مقدر اتحرك من مكاني اخاف يجي احـ قطع عليه الشخص اللي قرب من البيت قفل جواله وجه نفسه للقناصه انصعق من المنظر ومن جكات البنزين بلع ريقه ورجع للقناصه ، طاح امام الباب اثر طلقة في العامود الفقري
رفع راسه برعب : معاهم قناص هج
انفتح الباب وطلع الصقر قيد اللي طاح قدام الباب وتكلم فالسماعة : شفتهم
نمر ١ : شُفتهم كانو ثلاثه قنصت واحد وثنين هجو وش صارلكم داخل الانفجار قوي
هز راسه: قوي بس ربك اقوى انتبهنا للقنبله قبل تنفجر
نمر ٣: كيف عرفو !
الصقر : ماني عارف لقينا رسالة على الطاوله كنُـه عارف انا جايين !!
نمر ٢: يعني فيه خاين او جاسوس!
هز راسه على وصول الدعم قرب منه وهو يهمس في اذنه
عقد مساعد حواجبه: معقوله !
جسار : معقوله ..
الرئيس: خذوه للمستشفى واذا صحي جيبوه لتحقيق
الطبيب: طال عمرك اصابته قويه فالعامود الفقري احتمال ينشل
جسار بقرف: يارب ينشل هوا واصحابو خرجو متوجهين للمركز في المركز اجتماع خاص بين الثلاثه مساعد و جسار ورئيس مكافحة المخدرات
جسار: شفت الرساله الكلام اللي فيها يدل ان فيه بينا خاين والظاهر يا ماهر من فريقك
ماهر عقد حواجبه: كيف !
جسار: انا اول مهمه استلمها معاك وفريقي معي من زمان كانت دايماً مداهماتنا كويسه بس اليوم ! انقلبت ضدنا هاذا يعني فيه خاين في فريقك يا ماهر ولازم نطلعه
حك ماهر دقنه : كيف !!
مساعد : سوو خطه مع فريق جسار وخطه ثانيه مع فريق ماهر يعني الخطه اللي بتطلع لنا الجاسوس قولها لفريق ماهر و الخطه اللي بتلقون فيها القبض على الجاسوس قولوها لفريق جسار
جسار : مشطو البيت وحصلو ١٠ كيلو
هز راسه ماهر: كان وكر
مساعد : دام حصلنا البيت بنحصل ساطي لكن على مهل وان شاءالله خير
فاق من ذكرياته على اليد اللي امتدت على كتفه لف راسه وطالعه وهو عاقد حواجبه : امر !
: ما يمر عليك ما تبي شاهي ليش تفكر فالبعيد وين وصلت !
جسار بهدوء: مابي شيء بنام
: تنام! الحين والناس عصريه !
جسار بعدم اهتمام : انت ايش تبغى ذحين؟
ابتسم : انا فادي غمزله وقال ما تدري يمكن افديك بروحي يوم
طالعه جسار بنص عين وهو يتعدل بجلسته : ابي اسئلك كم لك هنا
مد له بيالة الشاهي : سنتين
جسار بتفكير : يعني تعرف هالمساجين !
فادي ببتسامه : واحد واحد
اعتدل جسار بجلسته : اجل تعال علمني وش سالفتك ووش جابك هنا وعلمني عن المساجين
فادي غمز له: انت جاسوس؟
جسار حط رجل على رجل وهز راسه بالموافقه : جاسوس
ضحك فادي وقرب يسولف له
—
وصل بيت احمد ودخل: درب ياولد
جات فاطمه وهي تبكي : ياويلي عليك يا احمد انت طيب انت كويس يا احمد
ضحك هذال: يافاطمه طيب ماعليه خلاف وين اجلسه
اشرت على الغرفه وراح هذال وهو معكز احمد عليه سدحه على فراشه : يا احمد اسبوع ترتاح ما تروح للحلال بشوف احد يمسكه بدالك لين تطيب
احمد: لا ياعم هذال ما اقدر انا تعودت اسرح الحلال انا طيب ياعم
هز راسه بالنفي: احمد تدري لو ابوي درا ان قارصتك حيه وما علمناه وش بيسوي فينا؟ بيصلبنا انا وبتال عند الحلال اسبوع ارتاح انت وانا بدبر وضع الحلال
احمد : يعني مراح تقول للعم ابو نياف ؟
هذال: بقوله بس بعد ما تطيب وان شاءالله ما يطب عليك قبل عشان م نروح ملح ثلاثتنا ضحك احمد وهز راسه بالموافقه
هذال ببتسامه: كل شيء بيوصلكم ارتاح انت بتال بيجيب كل اللي تحتاجونه حتى ادويتك بيجيبها انت بس ريح لا تجهد عمرك
هز راسه وخرج هذال : يافاطمه
فاطمه جات : سم ياعم
هذال : ابي الحمام "تكرمون" ابي اغسل يدي
اشرت عليه وكان بين الحمام والمطبخ سيب وفيه جدار مايبين اللي عند المغسله توجه يغسل وهو واقف عند المغسله فتح باب الحمام رفع راسه وعقد حواجبه من البنت اللي خرجت وراسها بالارض تنشف اسوارتها من المويه تأمل شعرها اللي يوصل لكتفها لونها البرونزي طولها جسمها فصفصها فصفصه
كانت عيونها على الاسواره : فاطمه كيف صار احمد ؟
ساكت يطالعها ومعقد حواجبه رفعت راسها وانصدمت من اللي واقف قدامها طاحت عينها في عينه و بلعت ريقها وهي تشوف نظراته اللي تتفحصها رجعت دخلت الحمام وقفلت الباب وهي تتراعد من الخوف والرعب عقد حواجبه ونزل راسه لـ الاسواره اللي طاحت قدام باب الحمام رفعها وطالع فيها كانت اسواره كارتير ومحفور داخلها " sohad " وبجانب اسمها قبعة تخرج حط الاسواره على المغسله وخرج متوجه لبيت ابوه ركب سيارته واكله التفكير من هاذي وكيف جات عند احمد وفاطمه واحمد ما ذكر ان عنده احد ويعرف ان احمد ماعنده عيال عض على شفايفه وهو يفكر ابتسم اول ما شاف عمه تميم واقف عند بيت ابوه ومعه جده على عربيه
نزل من سيارته وقرب منهم : مسهم بالخير
تميم : ارحب ابو البدر مساك الله بالنور والسرور
سلم عليه: كيف حالكم كيف حال عودنا عساكم طيبين
تميم ببتسامه : بخير جعلك بخير وينك مالك حس من اسبوع
هذال : دوام والله يعين توجه للشايب يسلم على راسه: حي الله ابو البدر كيف حالك ياجد
طالعه فهاد: من انت
ضحك هذال ورفع صوته :هذال انا هذال
ابتسم فهاد: ونعم الله حيه تعال يابوي اقربني
قرب هذال وهو يشوفه يسلم على راسه : عساني قبلك ياجدي ورجع يسلم على يده وراسه و يدفه لداخل البيت
كانو في بيت الشعر واول ماشافته فزت فتح يده لها وهي تتعلق برقبته : وحشتني كيفك حبيبي شخبارك
دفتها رانسي : بس دوري دوري ابعدي ضحك وهو ياخذها بحضنه ويسلم على روسهم : كيفكم شخباركم
رانسي ببتسامه: خالي من طول الغيبات جاب الغانيم لك اسبوع وما اشوف في يديك شيء
ناظرتها زين بنص عين : وانتي بس ذا اللي تدورينه بدل م تنشدين عن خالك طيب ولا مو طيب
رانسي: امي طيب ماعليه خلاف خالي سوبر مان
ضحك هذال : جبنا الغانيم يارنوس فالسياره
دخل يسلم على ابوه وامه واخته ويسولف معهم نسى سُهاد وسالفتها
—
دقت الباب بعربجيه و فتح بعصبيه وشرار من عيونه
: خير خبله ناقصه عقل تدقين كذا تدرين اني جاي من الدوام تعبان ابي ارقد وش ذا الدق
رولان بوجه حزين : رسلان بموت وربي بموت تكفى
عقد حواجبه : وشفيك !!
رولان ببتسامه: انا و رواف طفشنا ابوي اخذ امي وخرجو واحنا طفشانين قوم خرجنا بعدين ما شبعت نوم وانت نايم من الظهر الحين الساعه ٨ العشاء والله طفشنا
رسلان: رولان تستهبلين مصحيتني عشان تقولين طلعنا فارقي عني لا اجلدك
رولان وهي تمسك يده : رسلان تكفا والله بموت من الزهق مافيه حياه من البيت للجامعه ومن الجامعه للبيت والله زهقت
رسلان: ليش ما رحتو مع امي وابوي !
رولان : ما نبي ابوي وامي رايحين يكشتون وش يودينا كشته
تكى على الباب: ايه وش زين الكشته والجو زين براد ينسنس علينا لو دريت كان كشت معهم
تنهدت : رسلان هيا بروح اجهز نفسي ورواف
طالعها بنص عين : شفتي لو طلعت وانتي ما خلصتي وربي معد فيه روحـ م امداه يكمل الا هجت غرفتها تجهز رجع غرفته يجهز
—
جالس على كرسيه يطالع فالسقف ويتذكر قبل سنه
فتح النور اول ما دخلت مع ابوها صرخو بصوت واحد: كل عام وانتي بخيرر
صرخت من شافتهم وتوجهت تحضنهم مع بعض : وحشتوني اخيراً جيتو اشتقت لكم فوق م تتخيلو
ابتسم سهاج يمسح على راسها: كل سنه وانتي طيبه ياحبيبة قلبي يارب عقبال مية سنه
ضمته سُهاد: وانتَ طيب حبيبي ومعايا في كُل سنيني يارب الله يخليكم ليا يارب وتوجهت لـ سوار تحضنها من كل قلبها
سوار ببتسامه: سنه حلوه ياجميل ان شاءلله تكون سنة خير عليكِ وتحققي كُل أمنياتك
سُهاد: اميينن واول امنيه اتخرج بسلام وارتاح
التفتت على صوت ابوها
جسار : نسيتيني يابابا يعني خلاص شُفتي اخوانك ونسيتي اللي طول الوقت في وجهك ضحكت ورجعت تحضنه
سُهاد: بابا تغار؟ تعرف انك كُل حياتي
باس راسها : انتم اللي كل حياتي الله يحفظكم ويخليكم ليا وكل عام وانتي بالف خير يابابا ان شاءالله نحتفل فيكِ كُل سنه شدت عليه
رفعت نفسها تبوس خده: حبيبي بابا اليوم احتفلت فيني مرتين
ضحك جسار وهو يحضنها : تستاهل سكر البنات
سوار: تعالي طفي الشمعه وتمني اُمنيه وقطعي الكيكه
قربت وهي تمسك السكين وتطالعهم : امسكوها معايا مدو يدهم وهي تنفخ الشمعه وتقطع الكيكه قطع عليه
فتحة الباب بقوه : دكتور سهاج الحق حاله طارئه دوبها وصلت فز من مكانه و توجه بعاين الحاله قرب وهو يناظر بذهول بلع ريقه وصرخ: للعنايه المركزه الان
المساعده: دكتور كمان فيه حرمه توجه لها وهي يعاين حالتها ارتاح لما ما شافها خطره: عاينو الحاله يبدو لي انها مجرد رضوض وكسور بسيطه تاكدو ما عندها نزيف داخلي توجه للعنايه لحالة الرجل الغير مستقره كان فيه جروح عميقه وتعرض لنزيف داخلي و كسر فالجمجمة والكتف بلع ريقه وهو يركز في شغله تكلم بهدوء: اش سبب الحاله!
ردت المساعده: حادث
هز راسه : يبدو انه جانبي اثار القزاز في جانبه الايسر والكسر اللي في كتفه وكسر الجمجمه تقول انه مع الجنب والصدمه قويه تسببت في نزيف داخلي
هزت راسها: ماراح يعيش
التفت يناظرها بـ نظره قويه : اش هاذا الكلام بيعيش ان شاءلله ادعي له احنا نسوي اللي علينا والباقي على ربنا لا تستفزيني في كلامك هاذا يا سحر
بلعت ريقها وهي تمد له المقص هز راسه بالنفي اول ما سمع جهاز القلب يطلع صوت صرخ : جهزو جهاز الانعاش توتر كركبه فوضى رعب اصوات المساعدين بلع ريقه وهو يتذكر امه وهز راسه بالنفي وهو يتكلم داخله مراح يصير لك شيء شد حيلك
—
جود : سوار والله مو معقول حبيبتي كل شيء بيتعدل ان شاءالله قومي معي يالله
سوار بحزن: جودي والله مو فايقه لك خلاص ما ابغا اطلع مكان سيبيني في حالي
جود وهي تقلد نبرتها: سيبيني في حالي تعرفين لو عمي جسار شافك بذا الحال اش بيسوي !
سوار بضيق: اليوم عيد ميلادها اليوم حتدخل ٢٤ سنه اول عيد ميلاد تكون بعيده عني تعرفي اني كنت انزل من الرياض لجدة بس عشان احتفل فيها حتى سهاج كان ياخذ اجازه بس عشان يحتفل معاها
جودي : بنلقاها باذن الله وبتحتفلون سوا
سوار : مر اسبوع جودي اسبوع وهي مختفيه ما اعرف كيف حالتها حيه ولا ميته هيا كويسه او مو كويسه !
جود : ان شاءالله ما بيمر هالاسبوع اللي هي بحضنك بعدين ربي قال ( لَا تَقْنَطُوا مِنْ رَحْمَةِ اللَّهِ ) لا تيأسي !!
سِوار بهدوء : ونعم بالله
جود : باذن الله انها بخير وعافيه تكفين لا تضغطين على نفسك يالله قومي بنطلع هزت راسها بالنفي
وتنهدت جود تمسح على راسها : اسمعي تدرين لو جلستي على هاذا الحال بيجيك اكتئاب !
طالعت فيها وهزت جود راسها: اعرف وحده جاها اكتئاب حاد بسبب ولدها اللي مات وقت الولاده وسبب لها اكتئاب من كثرة التفكير وقتها اختها طلبت مني اطلقها من زوجها اللي كان يعنفها بسبب حالتها وعـ
قاطعتها سوار وهي تقوم: خلاص بلاش نكد حقوم وين بتوديني
ابتسمت بـ انتصار: بقهويك وبعشيك جهزي بنزل اشرب مويا وحكت راسها ولفت عليها اسمعي ناخذ ميري حرام تقعد لوحدها حتى هي بيجيها اكتئاب
سوار: جودي مين مسلطك عليا اليوم مسّكت معاكِ هرجة الاكتئاب فكيني بالله خلاص حناخذها لو تبي ناخذ السواق كمان اخذناه
ضحكت وهي تنزل متوجهه للمطبخ
—
فتح الباب وهو شاق ابتسامه: ارحبو ياهلا يامرحبا ياعز من يجينا و ينورنا
روح بنص عين: هاذا الترحيب لنا!
هز سياف راسه الموافقه والابتسامه شاقه وجهه وعينه في مكان ثاني ، وطالعت روح رانسي اللي تناظره وترجع تطالع سياف وهزت راسها بأسف : ما اكذبك بس
ميل هذال شفايفه : لا واضح ان الاستقبال لنا عشان كذا للحين موقفنا عند الباب
ضحك سياف وفتح الباب: حياكم الله
وقف نياف : حي الله من زارنا اسفرت وانورت
ابتسم هذال وهو يسلم على راسه: شلونك ابو هياف علومك رفع راسه وابتسم: كيف حالك يام هياف عساك طيبيه
نياف: ماعلينا خلاف كيفك انت وين غاطس هاذا وانت فالرياض ما تقول لي اخو ازوره اسلم عليه
هذال: والله وانا اخوك ضغط الشغل وش اسوي
سياف وهو يقهويه : ابوي لا تصدقه والله والشغل م تقدر تطلع ساعه ساعتين تسلم على اخوك
مسح هذال على شنبه: سياف ودك تذوق اللي ذاقه هياف
هز راسه بالنفي بسرعه: فكني شرك بس
نياف بتذكر: ايه وش انت مسوي ف ولدي هذاك اليوم ما صحي غير اخر الليول
ضحك هذال: نعلمه علوم المرجله وشكل الدور على بعض ناس
كشر سياف : ايه والله على ماقال حياة ابن جدلان المجنب من الاوادم مايخلى
روح وهي تشرب قهوتها: ماشاءالله سياف ابن جدلان وحركات مسوي شاعر !
سياف يغمز لها : تبيني اقول فيك قصيد ؟
هزت راسها بالنفي وهي توجه نظرها لـ رانسي : لا خلينا القصيد لناس ثانيه ابيك تقوم وتفز وتودينا السوق نبي اغراض و بعدين وين هياف ودُرر !!
دخلت وبيدها صينيت حلا: اخيراً جيتو من اليوم انتظركم سويت حلا لازم يجربه عمي سوبر مان
اخذها تحت ذراعه وهو يسلم على راسها : ايه لازم ولا دُرر تسوي طبخه وما يذوقها سوبرمان هاذي مشكله قبلت خده وكشر سياف على دخلة هياف اللي اول ماشاف هذال كشر : عوذه انت وش تبي !
طير عيونه نياف وهو ياخذ سلك الشاحن من جنبه : ياقليل الادب هاذا كلام تستقبل فيه عمك !
تخبى ورا الكنب: ارحب ياعمي تراحيب المطر والسيل
حط رجل على رجل وناظره : يا كذبك كذباه والله ان خاطرك تطردني وانا م كملت فنجالي مير قاعد على قلبك
أشـر هياف على نفسه: انا ياعم انا !
هز هذال راسه بالموافقه
شرب سياف من فنجاله ونطق : يقولك ياعمي حي الله من زار وخفف
ام هياف بذهول : ولد !!!!
فز نياف بالسلك وتوجه سياف ورا هذال فوجهك ياعمي
هذال: خله يابن الحلال تحسب بعديها له اللي اكله هياف بياكله السيف دبل
جلس هياف : ايه دنيا صرت مضرب مثل يا هياف حسبي الله ونعم الوكيل الله فوق
ام هياف : اقول تقهوو بس وبعدها قومو ودو البنات السوق
هذال: اي وشوي بالليل امر اخذهـ قطع عليه اتصال جواله ورفعه : ارحب فز برعب علامك!!

النجمه يانجومي 🙈💫

تعالو تويتر : rwzohal
انستا : rwzohal_66