مسائووو ، حبايب زوزو متزاعلين مع النجمه في البارت 28 😔😔!! سامحوها البارت هاذاا 🥹⭐️⭐️
—
طولت فـ تنزيل البارت لأنكم تبغون بارت طوييل و دامكم تبون بارت طويل لازم اتاخر شوي عشان ارتبها لـكُم ، و بارت اليوم لزييييزز ❤️🩹❤️🩹❤️🩹
—
قرأه مُمتعه يـَ نجومي 🌷.
البارت الـ ٢٩ ⬇️⬇️
'
السابعه صباحاً '
فتح سهاج الباب وابتسم من شافه و تكي على الباب يناظره : نعم ايش تبغا !
ناظره هذال بنص عين : انت ما تستحي !!
هز راسه بالنفي : لا مالك شيء عندنا فارق
قرب هذال يدفه ويدخل وضحك سهاج بذهول : طيب افرض سوار جالسه !! ما تستحي تدخل بيتنا كذا حتى سلام ما سلمت علي
هذال : السلام حرام فيك
ضحك سهاج من قلبه يكتم هذال ضحكته و قرب منه يسلم على راسه : حياك الله يابو رحم البيت بيتك انتَ الداخل واحنا الخارجين
هذال : من ورا قلبك !
هز راسه بالموافقه وضحك هذال يرفع عينه وابتسم من شافها جالسه على فخذ ابوها وحاطه راسها على صدره تبكي تنحنح يرفع صوته : سلام عليكم
رفع جسار راسه : ياهلا ياولدي الله يحيك تفضل
وقفت عن ابوها تخفي ملامحها بكتفه وضحك جسار ، يقرب هذال يسلم عليه وهي بحضنه : كيفك يا عمي
رفع جسار يده على ظهرها : بخير الحمدالله انتَ كيف حالك وكيف اهلك !
هذال : والله بخير الحمدالله عساه منزل مبارك ياعمي ماشاءالله تبارك الله
ابتسم جسار : امين يارب الله يسعدك والتفت يناظر سُهاد يتنهد سُهادي !! يابابا الين متى الدموع
جلس سهاج : اللي يشوفك يقول مهاجره ترا كلها شهر وكم يوم
ناظره جسار بنص عين : هاذا بدل ما تقوم تسلم عليها !
ابتسم سهاج يوقف يتوجه لها وهو ياخذها من حضن ابوه لـ حضنه يرفع يده على شعرها: اذا زعلك هذال علميني طيب بحجز اقرب طياره واجي افقع وجهه
ضحكت سُهاد وناظره هذال بنص عين ينطق سهاج : ايوه افقع وجهك مو عاجبك !
جسار : اقول يله بس الطياره ٩
دخلت سِوار تناظرهم : متى بنمشي ! جودي سبقتنا ع المطار
ناظرها سهاج بنص عين : و بعدين مع ذا العبيات وبعدين !!
طنشته تمد عباية سـُهاد لها وناظروها هذال و سهاج بذهول ينطق هذال : لا عاد !
سهاج : والله لا عاد تستسهبلون !!!
هذال : اخضر وبلعناها اصفر و مشيناها !! برتقالي !!
سهاج : برتقالي وشوف الثانيه كنها مخيم ابوك !
ناظرهم جسار يرفع حاجبه : عجيب انتَ وياه !!
هذال : عمي !!
جسار : اقول ولا كلمه مالكم دخل ببناتي يلبسون اللي يبون
سهاج : دلع زايد ايوه دلعهم دلعهم مجاغه وقلة ادب
جسار : نشوفكم لـ جبتو بنات وش تسوون الحين مشينا بس خلو الكلام الفاضي
—
دخلت الصاله تقرب من ابوها و هي تحاوط رقبته من الخلف تنطق بحماس : ابوي احبك احبك احبك الله لا يحرمني منك كل اللي وصلت له كان بسببك اموت عليك الله يخليك لي
ناظرها البدر يبتسم و معقد حواجبه : وانا اموت فيك وش فيك يا روحي !
توجهت تجلس تتربع قدامه بالضبط و مدت يدها تاخذ يده بيدها : ابوي تخيل المشروع حقي عليه طلبات كثيره ونجح وغيره تخيل يبه تواصلت معي وحده مشهوره تبي تسويلي اعلان تخيل قلت لها برسلك من المحاصيل اللي عندي و وافقت ابوي اذا سوت لي اعلان بيجيني كوستمرز مرا كثير وبينجح مشروعي اكثر
ابتسم البدر بواسع ثغره : ماشاءالله تبارك الله الله يوفقك يا ابوي وتفرحين فوق فرحتك مير منهم هذولي كمتز!
ضحكت روح يضحكون بتال ورانسي ينطق تميم ببتسامه : كوستمرز يابو نياف عملاء زباين يعني
البدر : ماشاءالله تبارك الله جعلهم ياكثرون
روح ببتسامه : من اليوم و رايح انا المُمرضه روح البدر البزنس ومن
ام نياف : منهو !
ضحكت روح : سيدة اعمال يمه سيدة اعمال
ام نياف : والله مدري مير الله يوفقك
زين : الله يوفقك يا روحي يا حبيبتي وعاد لا تنسين دراستك اهمشي دراستك
هزت راسها بالموافقه : اكيد مراح انسى هاذا حلمي زيون واصلن ما باقيلي شيء غير التدريب بس مدري وين اتدرب للحين حايسه و مدري كيف ادبرها
بتال : سهالات روحي بيت نياف و خذي تدريبك صيفي بعدين مو هياف تخصصه مثلك !
روح : هياف علاج وظيفي ! انا تمريض !
بتال : اي عادي اسئليه اكيد يعرف مستشفى و ارسلي لهم بيناتك
البدر : الله يوفقكم ياعيالي و يفرحني فيكم و عقبال رنوس ان شاءالله
رانسي ببتسامه : يبه انا ابي اصير مصممة ازياء وبفتحلي بزنس بعد وبشتري لـ امي فله باذن الله
ابتسمت زين تناظرها وابتسم البدر ينطق : و قصر باذن الله مو بس فله الله يحقق لك احلامك كلها يا ابوي انتي
ميل بتال شفايفه : بس امك !! وحنا !
ضحكت رانسي تهز راسها بالموافقه : باخذ قصر نسكن كلنا فيه واطلعكم من ذا الديره الخايسه
تميم بنص عين : الله اكبر عليك وش فيها ديرتنا يارب لك الحمد ديره تجيب العافيه للواحد
انسدحت روح على فخذ ابوها يمد يده يمسح على شعرها : والله الصراحه انا اتفق مع رنوس نبي نشوف العالم والحياه حامت كبودنا من ذا الديره مغير مقابلين وجيه بعض ما عندنا حياه الحمدالله بس
ابتسم البدر : انا من ديرتي ما اطلع مير الله يزوجكم وتروحون مع رياجيلكم للي تبون
روح : يبه رانسي امرها محسوم السيف موجود بياخذها معه بس انا !! يبه تكفى لا تزوجني من الديره
ضحك البدر ومدد تميم رجله : الله اكبر والله انا اشوف عوض ولد ابو مخلد زين يناسبك
شمقت روح فيه تنطق ام نياف : عوذه ما نبيه المهبول
شرق بتال بالشاهي وضحكو كلهم على ام نياف تنطق زين : يمه وش فيك عليهم ! متربين معنا ونعرفهم !
ام نياف : خبل ما عنده حتى وظيفه وشلون بيعيش بنتي على البساط !
ابتسم البدر : الله يوفقكم يارب و افرح فيكم كلكم حتى زين
ناظرته رانسي بذهول : يبـه !!!
بتال : وش يبه ! اختي ان جاها عريس محنا رادينه ترا
شربت زين من فنجالها : لا بالله العوض فـ بنتي وفيكم يا اهلي لا ابي زواج ولا غيره الا اللي نبي نزوجه الشيخ تميم
التفت تميم على ابوه يرفع صوته : يبه تبي قهوه
ناظره البدر بنص عين : والله لو تغير الموضوع من هنا لـ بكره ماهو مار ذا الشهر غير وانا خاطب لك ام نياف دوري له
ناظره تميم بذهول : انا وش دخلني زوج عيالك و فكني من شرك يابدر ماني متزوج
—
أنت تقرأ
العمر مع جنابك و العمر معك ما امله
Ficțiune generală" العُـمر مع جنابك و العُـمر معك ما امله " أبنة أسـتخباراتي سابق، يـأتي اليوم الذي ستـخطف بهِ من قبل أعداء والدها ، ليـكُـلف مُحقق ، معروف وجـيد ليحقق في قضية خطـفها ، ليشاء القـدر أن يـجمع بينـهم دون معرفتهم بـ بعض ، لـيكتشف بعد وقت أن الفتاه ال...
